హైలైట్స్:
- మలేషియాలో లాంచ్ అయిన OPPO A17 స్మార్ట్ ఫోన్
- OPPO A16 కి సక్సెసర్ గా మార్కెట్ లోకి వచ్చిన OPPO A17
- 50ఎంపి డ్యూయల్-రియర్ కెమెరా, 5000ఎంఏహెచ్ బ్యాటరీ, ఐపీఎక్స్4 రేటింగ్ ఈ ఫోన్ ప్రధాన ఫీచర్లు
కొత్త బడ్జెట్ ఫోన్ ని కొనాలని ప్లాన్ చేస్తున్న వారికి శుభవార్త వచ్చింది. ప్రముఖ స్మార్ట్ ఫోన్ కంపెనీ ఒప్పో OPPO A17 ఫోన్ ని లాంచ్ చేసింది. OPPO A16 ఫోన్ కి ఇది సక్సెసర్. OPPO A17 5000ఎంఏహెచ్ బ్యాటరీ, 50ఎంపి డ్యూయల్-రియర్ కెమెరా, ఐపీఎక్స్4 స్ప్లాష్ రెసిస్టన్స్ వంటి ఫీచర్లతో లాంచ్ అయ్యింది. ఐపీఎక్స్4 రేటింగ్ ఉండటం వల్లన చిరుజల్లులు పడతున్నప్పుడు కూడా మీరు ఈ ఫోన్ ని వాడుకోవచ్చు.
ప్రస్తుతానికి ఈ ఫోన్ మలేషియన్ మార్కెట్ లో మాత్రమే లాంచ్ అయ్యింది. త్వరలోనే ఒప్పో కంపెనీ ఈ ఫోన్ ని భారత మార్కెట్ కి తీసుకొచ్చే అవకాశం ఉంది. సరే, ఇప్పుడు మనం OPPO A17 యొక్క ఫీచర్లు, స్పెసిఫికేషన్లు ఎలా ఉన్నాయో తెలుసుకుందాం పదండి.
OPPO A17 ధర, లభ్యత
OPPO A17 4జిబి ర్యామ్ + 64జిబి స్టోరేజీ ధర మలేషియాలో RM599 (దాదాపు రూ.10,629) గా నిర్ణయించారు. ఒప్పో బ్రాండ్ స్టోర్స్, ఒప్పో అధికార వెబ్ సైట్, ఒప్పో అథరైజ్డ్ డీలర్స్ నుంచి, ఈ-కామర్స్ ప్లాట్ఫామ్స్ ద్వారా ఈ ఫోన్ ని కస్టమర్లు కొనుగోలు చేయవచ్చు. ప్రస్తుతం భారత్ లో ఈ ఫోన్ అందుబాటులో లేదు. త్వరలోనే భారత్ లో ఈ ఫోన్ లాంచ్ కానుంది. అలాగే భారత్ లో ఈ ఫోన్ ధర మారే అవకాశం ఉంది.
ఇప్పుడు OPPO A17 స్పెసిఫికేషన్స్ ఎలా ఉన్నాయో చూద్దాం. OPPO A17 లో 6.56-ఇంచ్ ఎల్సీడీ హెచ్డీ+ డిస్ప్లే, 100% డీసీఐ-పీ3 హై-కలర్ గేముత్, ఇంటెలిజెంట్ డిమ్మింగ్, వాటర్ డ్రాప్ నాచ్, 60 హెర్ట్జ్ రిఫ్రెష్ రేట్, మీడియాటెక్ హీలియో జీ35 చిప్సెట్, 4జిబి ర్యామ్, 64జిబి స్టోరేజీ, మైక్రోఎస్డీ కార్డ్ ఆప్షన్ (1టీబీ), 5000ఎంఏహెచ్ బ్యాటరీ ఉన్నాయి. OPPO A17 ఆండ్రాయిడ్ 12 ఆధారిత కలర్ఓఎస్12.1 కస్టమ్ స్కిన్ పై పని చేస్తుంది. ఈ ఫోన్ లేక్ బ్లూ, మిడ్నైట్ బ్లాక్ కలర్ ఆప్షన్స్ లో లభిస్తుంది. భద్రత కోసం ఈ ఫోన్లో సైడ్-మౌంటెడ్ ఫింగర్ ప్రింట్ స్కానర్ అందించారు. చార్జింగ్ కోసం మైక్రో యూఎస్బీ పోర్ట్ అందించారు.
ఇప్పుడు కెమెరా విభాగం గురించి తెలుసుకుందాం. OPPO A17 లో 50 మెగాపిక్సెల్ మెయిన్ కెమెరా, 2 మెగాపిక్సెల్ డెప్త్ సెన్సర్ లతో కూడిన డ్యూయల్ రియర్ కెమెరా సెటప్ ఉంది. సెల్ఫీలు, వీడియో కాల్స్ కోసం ముందు వైపున 5 మెగాపిక్సెల్ కెమెరాను అమర్చారు. మెయిన్ కెమెరాలో ఏఐ, 360-డిగ్రీ ఫిల్ లైట్, పొట్రెయిట్ రీటచింగ్, హెచ్డీఆర్ తదితర ఫీచర్లు ఉన్నాయి.
లేటెస్ట్ స్మార్ట్ ఫోన్, ఆటోమొబైల్, టెలీకామ్, టెక్నాలజీ, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.