హైలైట్స్:
- త్వరలో ఒప్పో నుంచి రానున్న ఏ-సిరీస్ బడ్జెట్ స్మార్ట్ ఫోన్ OPPO A77s
- స్నాప్ డ్రాగన్ 680 చిప్, 5000ఎంఏహెచ్ బ్యాటరీ తో రానున్న OPPO A77s
- స్కై బ్లూ, స్టేరీ బ్లాక్ కలర్ ఆప్షన్స్ లో లభించనున్న OPPO A77s
ప్రముఖ స్మార్ట్ ఫోన్ బ్రాండ్ OPPO ఇటీవలె OPPO A77 4G ఫోన్ ని లాంచ్ చేసింది. ఇప్పుడు ఇదే సిరీస్ లో OPPO A77s అనే ఒక బడ్జెట్ స్మార్ట్ ఫోన్ ని లాంచ్ చేసేందుకు రెడీ అవుతోంది. అయితే కంపెనీ నుంచి ఇంకా ఈ ఫోన్ లాంచ్ తేదీనికి సంబంధించిన అధికార ప్రకటన ఏదీ రాలేదు. ఈలోపు OPPO A77s యొక్క డిజైన్, స్పెసిఫికేషన్స్ లీక్ అయ్యాయి.
OPPO A77s ఫోన్ లాంచ్ కి ముందు, ప్రముఖ టిప్స్టర్ సుదాన్శు అంబోరె ఓ పోస్టర్ లీక్ చేశాడు. ఈ పోస్టర్ ద్వారా OPPO A77s డిజైన్, స్పెసిఫికేషన్స్, పెర్ఫామెన్స్ వివరాలు తెలిశాయి. ఈ ఫోన్ స్కై బ్లూ, స్టేరీ బ్లాక్ కలర్ ఆప్షన్స్ లో లభించనుంది.
OPPO A77s pic.twitter.com/KDx2UxrRya
— Sudhanshu Ambhore (@Sudhanshu1414) September 26, 2022
OPPO A77s డిజైన్, స్పెసిఫికేషన్స్ (లీక్డ్)
OPPO A77s క్వాల్కమ్ స్నాప్ డ్రాగన్ 680 చిప్సెట్, ఆండ్రాయిడ్ 12 ఓఎస్, కలర్ఓఎస్ 12.1 కస్టమ్ స్కిన్ తో వస్తున్నట్లు సమాచారం. ఇది 4జీ హ్యాండ్సెట్ అని కన్ఫర్మ్ అయ్యింది. ఇక ఇందులో 8జిబి ర్యామ్, 5జిబి వర్చువల్ ర్యామ్, 128జిబి స్టోరేజీ ఉండనున్నాయి. ఈ హ్యాండ్సెట్ 7.99 మందం, 187 గ్రాముల బరువు ఉంటుంది.
అంబోరె లీక్ చేసిన దాని ప్రకారం, OPPO A77s లో 6.56-ఇంచ్ హెచ్డీ+ డిస్ప్లే, 90 హెర్ట్జ్ రిఫ్రెష్ రేట్, 100 పర్సెంట్ డీసీఐ-పీ3 కలర్ గేముత్ ఉన్నాయి. OPPO A77s లో 5000 ఎంఏహెచ్ బ్యాటరీ, 33 వాట్ సూపర్ వూక్ చార్జింగ్ సపోర్ట్ ఉన్నాయి. ఫ్లాట్ ఫ్రేమ్ కలిగిన ఈ ఫోన్ ప్లాస్టిక్ బాడీ, వాటర్ డ్రాప్ నాచ్ తో వస్తోంది. షేర్ చేసిన పోస్టర్ ని బట్టి ఈ ఫోన్ స్కై బ్లూ, స్టేరీ బ్లాక్ రంగుల్లో లభ్యం కానుందని తెలుస్తోంది. ఈ ఫోన్ స్క్రాచ్ రెసిస్టంట్ బాడీతో వస్తోంది. అలాగే ఇందులో అల్ట్రా-లీనియర్ స్టీరియో స్పీకర్స్ ఉన్నాయి.
ఇప్పుడు OPPO A77s యొక్క కెమెరా విభాగం గురించి తెలుసుకుందాం. OPPO A77s లో 50ఎంపి మెయిన్ కెమెరా, 2ఎంపి సెకండరీ లెన్స్ ఉన్నాయి. సెల్ఫీలు, వీడియో కాల్స్ కోసం ముందు వైపున 8ఎంపి కెమెరా అందించారు. నైట్ సీన్ సెల్ఫీ, 25లెవెల్స్ పొట్రెయిట్ మోడ్ సపోర్ట్ వంటి ఫీచర్లు ఈ కెమెరాలో ఉన్నాయి.
OPPO A77s భారత మార్కెట్ లోకి ఎప్పుడు ఎంట్రీ ఇవ్వనుందో ఇంకా తెలియదు. త్వరలోనే ఒప్పో కంపెనీ నుంచి దీనికి సంబంధించిన అధికార ప్రకటన వచ్చే అవకాశం ఉంది. అప్పుడు ఫోన్ స్పెసిఫికేషన్స్, ఫీచర్స్ పై మరింత స్పష్టత వస్తుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.
