OPPO Find N2 Flip రీసెంట్ గా చైనాలో లాంచైంది. శాంసంగ్ గెలాక్సీ జెడ్ ఫ్లిప్ 4 మాదిరి డిజైన్ ని ఈ ఫోన్ కలిగి ఉంది. OPPO Find N2 Flip లో బ్యాక్ సైడ్ సెకండరీ స్క్రీన్ ఉంది. త్వరలోనే భారత్ తో సహా, గ్లోబల్ గా ఈ ఫోల్డబుల్ ఫోన్ లాంచ్ కానుందని సమాచారం. ఈలోపు OPPO Find N2 Flip స్మార్ట్ ఫోన్ గీక్ బెంచ్ పై CPH2437 మోడల్ నంబర్ తో ఉండటాన్ని 91మొబైల్స్ గుర్తించింది.
ఇటీవలె ఈ ఫోల్డబుల్ ఫోన్ భారత్ లో టెస్టింగ్ దశలో ఉందని ఓ రిపోర్ట్ వచ్చింది. తాజాగా, గీక్ బెంచ్ లిస్టింగ్ ద్వారా OPPO Find N2 Flip యొక్క ర్యామ్, ఓఎస్, చిప్సెట్ వంటి ప్రధాన ఫీచర్లు బయటకు వచ్చాయి. ఆ వివరాలేంటో తెలుసుకుందాం పదండి.
Geekbench పై కనిపించిన OPPO Find N2 Flip
OPPO Find N2 Flip స్మార్ట్ ఫోన్ సింగిల్-కోర్ పై 906 పాయింట్లు, మల్టీ-కోర్ పై 3132 పాయింట్లు సాధించింది. పైన చూపిన లిస్టింగ్ ప్రకారం, ఈ ఫోల్డబుల్ ఫోన్ ఆండ్రాయిడ్ 13 ఓఎస్ పై పని చేస్తుంది. అలాగే ఈ ఫోన్ 8జిబి ర్యామ్ తో వస్తోంది. చిప్సెట్ కోడ్ k6983v1_64 ని బట్టి ఈ ఫోల్డబుల్ ఫోన్ లో మీడియాటెక్ డైమెన్సిటీ 9000 ప్లస్ ప్రాసెసర్ ని వాడినట్లు తెలుస్తోంది. OPPO Find N2 Flip లాంచ్ అయ్యాక పూర్తి వివరాలు తెలుస్తాయి.
OPPO Find N2 Flip స్పెసిఫికేషన్స్
OPPO Find N2 Flip లో 6.8-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్, 403 పీపీఐ పిక్సెల్ డెన్సిటీ, 21:9 యాస్పెక్ట్ రేషియో, 1600 నిట్స్ పీక్ బ్రైట్నెస్, యూటీజీ గ్లాస్ ప్రొటెక్షన్, 100 శాతం ఎస్ఆర్జీబీ కలర్ గేముత్, 3.26-ఇంచ్ అమోలెడ్ డిస్ప్లే, 60 హెర్ట్జ్ రిఫ్రెష్ రేట్, 250 పీపీఐ, 17:9 యాస్పెక్ట్ రేషియో, 900 నిట్స్ బ్రైట్నెస్, గొరిల్లా గ్లాస్ 5 ప్రొటెక్షన్ ఉంటాయి.
OPPO Find N2 Flip ఫోన్ లో మీడియాటెక్ డైమెన్సిటీ 9000 ప్లస్ చిప్సెట్, మాలి-జీ710 ఎంసీ10 జీపీయూ వాడారు. 16జిబి వరకు ర్యామ్, 512జిబి వరకు స్టోరేజీ ఆప్షన్స్ ఈ ఫోన్ లో ఉన్నాయి. ఆండ్రాయిడ్ 13 ఓఎస్ ఆధారిత కలర్ఓఎస్ కస్టమ్ స్కిన్ పై పని చేస్తుంది.
OPPO Find N2 Flip స్మార్ట్ ఫోన్ లో పవర్ బ్యాకప్ కోసం 4300 ఎంఏహెచ్ బ్యాటరీ అమర్చారు. ఇది 44 వాట్ ఫాస్ట్ చార్జింగ్ కి సపోర్ట్ చేస్తుంది. 5జీ, 4జీ వొల్టీ, వై-ఫై, బ్లూటూత్, జీపీఎస్, యూఎస్బీ టైప్-సీ పోర్ట్ వంటి కనెక్టివిటీ ఫీచర్లు ఈ ఫోన్ లో ఉన్నాయి. భద్రత కోసం సైడ్ మౌంటెడ్ ఫింగర్ ప్రింట్ స్కానర్ ఈ ఫోన్ లో అందించారు.
OPPO Find N2 Flip లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, మరొక సెకండరీ కెమెరా ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా అందించారు.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.