ప్రముఖ స్మార్ట్ ఫోన్ తయారీదారు OPPO త్వరలో OPPO Find N3 సిరీస్ ని లాంచ్ చేయనుంది. ఈ లైనప్ లో భాగంగా OPPO Find N3, OPPO Find N3 Flip డివైజెస్ లాంచ్ కానున్నాయి. ఇప్పటికే ఈ రెండు ఫోన్లు సర్టిఫికేషన్ వెబ్ సైట్స్ పై కనిపించాయి. ఇప్పుడు OPPO Find N3 యొక్క స్పెసిఫికేషన్స్ రివీల్ అయ్యాయి. సరే, ఓసారి OPPO Find N3 స్పెసిఫికేషన్స్ ఎలా ఉన్నాయో తెలుసుకుందాం పదండి.
లీకైన OPPO Find N3 స్పెసిఫికేషన్స్
ప్రముఖ టిప్స్టర్ డిజిటల్ చాట్ స్టేషన్ OPPO Find N3 స్పెసిఫికేషన్స్ లీక్ చేసింది. ఆ విశేషాలను క్రింద అందిస్తున్నాం. ఓ కన్నేయండి.
- స్క్రీన్: OPPO Find N3 లో 7.82-ఇంచ్ ఇన్నర్ డిస్ప్లే ఉంటుంది. ఇది 2268*2440 పిక్సెల్ రెజుల్యూషన్ ని కలిగి ఉంటుంది. ఇక ఔటర్ డిస్ప్లే 6.3-ఇంచెస్ సైజులో ఉంటుంది. ఇది 2484*1116 పిక్సెల్స్ రెజుల్యూషన్, 20:9 యాస్పెక్ట్ రేషియో ని కలిగి ఉంటుంది. ఈ ఫోల్డింగ్ స్క్రీన్ హయ్యస్ట్ లెవెల్ పిక్సెల్ డెన్సిటీని కలిగి ఉంటుందని టిప్స్టర్ ద్వారా తెలుస్తోంది.
- ప్రాసెసర్: OPPO Find N3 స్మార్ట్ ఫోన్ లో స్నాప్ డ్రాగన్ 8 జెన్ 2 చిప్ ఉంటుంది.
- స్టోరేజీ: OPPO Find N3 లో 16జిబి వరకు ర్యామ్, 1టిబి వరకు స్టోరేజీ ఉంటాయి. కంపెనీ 24జిబి ర్యామ్ వేరియంట్ ని కూడా మార్కెట్ లో లాంచ్ చేయనుందని అంచనా వేస్తున్నారు.
- కెమెరా: OPPO Find N3 లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, 48ఎంపి అల్ట్రావైడ్ లెన్స్, 64ఎంపి పెరిస్కోప్ లెన్స్ ఉంటాయి. సెల్ఫీస్, వీడియో కాల్స్ కోసం 32ఎంపి ఫ్రంట్ కెమెరా అందిస్తున్నారు.
- బ్యాటరీ: OPPO Find N3 లో 4500 ఎంఏహెచ్ బ్యాటరీ ఉండే అవకాశం ఉంది. ఇది 100 వాట్ ఫాస్ట్ చార్జింగ్ సపోర్ట్ తో వస్తున్నట్లు సమాచారం.