ప్రముఖ స్మార్ట్ ఫోన్ బ్రాండ్ OPPO కే-సిరీస్ లో ఓ కొత్త ఫోన్ ని తీసుకొచ్చింది. OPPO K11 5G అనే పేరుతో వచ్చిన ఈ ఫోన్ చైనాలో లాంచ్ అయ్యింది. ఈ ఫోన్ రానున్న రోజుల్లో ఇతర మార్కెట్స్ తో పాటు భారత్ లో కూడా లాంచ్ కానుంది. ఇక OPPO K11 5G డివైజ్ క్వాల్కమ్ స్నాప్ డ్రాగన్ 782జి చిప్సెట్, ట్రిపుల్ రియర్ కెమెరా సెటప్ తో వచ్చింది. సరే, ఓసారి OPPO K11 5G ధర, స్పెసిఫికేషన్స్ తదితర వివరాలు తెలుసుకుందాం పదండి.
OPPO K11 5G ధర
OPPO K11 5G స్మార్ట్ ఫోన్ 3 స్టోరేజీ వేరియంట్స్ లో లాంచ్ అయ్యింది. 8జిబి ర్యామ్ + 256జిబి స్టోరేజీ మోడల్ ధర 1899 యువాన్లు (సుమారు రూ.21,000). మరోవైపు 12జిబి ర్యామ్ + 256జిబి స్టోరేజీ వేరియంట్ ధర 2099 యువాన్లు (సుమారు రూ.24,000). అలాగే టాప్ మోడల్ 12జిబి ర్యామ్ + 512జిబి స్టోరేజీ మోడల్ ధర 2499 యువాన్లు (సుమారు రూ.28,000) గా ఉంది.
OPPO K11 5G కలర్ ఆప్షన్స్
OPPO K11 5G స్మార్ట్ ఫోన్ గ్లేసియర్ బ్లూ, మూన్ షాడో గ్రే కలర్ ఆప్షన్స్ లో లభిస్తుంది. భారత మార్కెట్ లోకి వచ్చాక కలర్ వేరియంట్స్, ధర మారే అవకాశం ఉంది. అయితే భారత మార్కెట్ లో లాంచ్ ఎప్పుడో ఇంకా తెలియదు.
OPPO K11 5G డిజైన్
OPPO K11 5G స్మార్ట్ ఫోన్ ఫ్లాట్ ప్యానెల్ కలిగి ఉంది. పంచ్ హోల్ కటౌట్ డిజైన్ డిస్ప్లే పై చూడవచ్చు. స్క్రీన్ చుట్టూ సన్నని బెజెల్స్ ఉన్నాయి. బ్యాక్ ప్యానెల్ పై భారీ కెమెరా మాడ్యూల్ ఉంది. ఇందులో ట్రిపుల్ కెమెరా సెన్సర్స్, ఎల్ఈడీ ఫ్లాష్ ఉన్నాయి. డ్యూయల్ టోన్ ఫినిషింగ్ బ్యాక్ ని ఈ ఫోన్ లో గమనించవచ్చు. అలాగే బ్యాక్ ప్యానెల్ పై OPPO K11 బ్రాండింగ్ ఉంది.
OPPO K11 5G స్పెసిఫికేషన్స్
- డిస్ప్లే: OPPO K11 5G స్మార్ట్ ఫోన్ లో 6.7-ఇంచ్ ఓఎల్ఈడీ డిస్ప్లే, 120 హెర్ట్జ్ రిఫ్రెష్ రేట్, 93.4 పర్సెంట్ స్క్రీన్ టు బాడీ రేషియో, 1100 నిట్స్ బ్రైట్నెస్, హెచ్డీఆర్ 10+, 1.07 బిలియన్ కలర్ సపోర్ట్ ఉన్నాయి.
- డిస్ప్లే సపోర్ట్: OPPO K11 5G డివైజ్ ‘లో బ్లూ లైట్ సర్టిఫికేషన్’ పొందింది. ఇంకా ఈ ఫోన్ లో 2160 హై ఫ్రీక్వెన్సీ పీడబ్ల్యఎం డిమ్మింగ్ సపోర్ట్ ఉంది. అలాగే ఆటోమేటిక్ బ్రైట్నెస్ అడ్జస్ట్మెంట్ ఫీచర్ ఈ ఫోన్ లో ఉంది.
- ప్రాసెసర్: OPPO K11 5G డివైజ్ లో క్వాల్కమ్ స్నాప్ డ్రాగన్ 782జి చిప్సెట్ వాడారు. ఇది 6 నానోమీటర్ ప్రాసెస్ పై తయారైంది. ఈ చిప్ 2.70 గిగాహెర్ట్జ్ క్లాక్ స్పీడ్ కలిగి ఉంటుంది. OPPO K11 5G డివైజ్ 7,19,702 పాయింట్ల AnTuTu స్కోర్ నమోదు చేసిందని ఒప్పో చెబుతోంది.
- స్టోరేజీ: OPPO K11 5G డివైజ్ 12జిబి వరకు ర్యామ్, 512జిబి వరకు స్టోరేజీ ఆప్షన్స్ ని ఆఫర్ చేస్తుంది. అంతే కాదు, ఈ ఫోన్ లో 8జిబి వర్చువల్ ర్యామ్ సపోర్ట్ కూడా ఉంది.
- కెమెరా: OPPO K11 5G లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్890 ఓఐఎస్ కెమెరాతో పాటు మరో రెండు సెన్సర్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
- బ్యాటరీ: OPPO K11 5G డివైజ్ లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: OPPO K11 5G స్మార్ట్ ఫోన్ ఆండ్రాయిడ్ 13 ఓఎస్ ఆధారిత కలర్ఓఎస్ 13.1 కస్టమ్ స్కిన్ పై పని చేస్తుంది.