ప్రముఖ స్మార్ట్ఫోన్ బ్రాండ్ OPPO త్వరలో ఒక కొత్త కే-సిరీస్ ఫోన్ని లాంచ్ చేయనుంది. OPPO K12 పేరుతో ఈ డివైజ్ మార్కెట్ లోకి రానుంది. వచ్చే వారం చైనాలో ఈ ఫోన్ లాంచ్ అవుతుందని సమాచారం. అయితే దీనికి సంబంధించి ఒప్పో నుంచి ఇంకా అధికార ప్రకటన వెలువడలేదు. కానీ, తాజాగా ఈ ఫోన్ యొక్క ఇమేజెస్ లీక్ అయ్యాయి. అలాగే గీక్బెంచ్ పై కూడా లిస్ట్ అయ్యింది. దీంతో స్పెసిఫికేషన్స్ కూడా రివీల్ అయ్యాయి. ఓసారి ఆ వివరాలు తెలుసుకుందాం.
OPPO K12 డిజైన్
OPPO K12 స్మార్ట్ఫోన్ కి సంబంధించిన వివరాలను టిప్స్టర్ డిజిటల్ చాట్ స్టేషన్ మైక్రోబ్లాగింగ్ ప్లాట్ఫామ్ వీబో పై షేర్ చేసింది.
ఇమేజ్ని గమనిస్తే, OPPO K12 చూడటానికి కొన్ని రోజుల క్రితం లాంచైన OnePlus Nord CE 4 లాగా కనిపిస్తోంది.
ఒప్పో కే12 బ్యాక్ ప్యానెల్ పై డ్యూయల్ కెమెరా సెటప్ , ఒక ఎల్ఈడీ ఫ్లాష్ ఉన్నాయి. బ్యాక్ ప్యానెల్ పై బాటమ్ లో ఒప్పో బ్రాండింగ్ ఉంది.
OPPO K12 యొక్క గ్రీన్ కలర్ ఆప్షన్ ఇమేజ్ ద్వారా రివీల్ అయ్యింది.
OPPO K12 డివైజ్ వన్ప్లస్ నార్డ్ సీఈ 4 యొక్క రీబ్రాండ్ వర్షన్ అని భావిస్తున్నారు.
OPPO K12 గీక్బెంచ్ లిస్టింగ్
OPPO K12 స్మార్ట్ఫోన్ గీక్బెంచ్ పై PJR110 అనే మోడల్ నంబర్ తో లిస్ట్ అయ్యింది.
OPPO K12 డివైజ్ సింగిల్-కోర్ టెస్ట్ లో 1134 పాయింట్లు, మల్టీ-కోర్ టెస్ట్ లో 2975 పాయింట్లు స్కోర్ చేసింది.
గీక్బెంచ్ లిస్టింగ్ పై Crow అనే కోడ్ నేమ్ తో ఆక్టా-కోర్ చిప్సెట్ కనిపించింది. దీన్ని క్వాల్కమ్ స్నాప్డ్రాగన్ 7 జెన్ 3 చిప్సెట్ అని భావిస్తున్నారు. ఈ ఫోన్ అడ్రెనో 720 జీపీయూ గ్రాఫిక్స్ తో వస్తున్నట్లు లిస్టింగ్ ద్వారా తెలుస్తోంది.
లిస్టింగ్ పై OPPO K12 డివైజ్ 12జిబి ర్యామ్, ఆండ్రాయిడ్ 14 ఓఎస్, కలర్ఓఎస్ 14 కస్టమ్ స్కిన్ తో కనిపించింది.
OPPO K12 స్పెసిఫికేషన్స్ (అంచనా)
డిస్ప్లే: OPPO K12 లో 6.74-ఇంచ్ అమోలెడ్ స్క్రీన్, ఫుల్ హెచ్డీ+ రెజుల్యూషన్, 120 హెర్ట్జ్ రిఫ్రెష్ రేట్ ఉంటాయి.
ర్యామ్, స్టోరేజీ: OPPO K12 డివైజ్ 12జిబి వరకు ఎల్పీడీడీఆర్4ఎక్స్ ర్యామ్ + 512జిబి వరకు యూఎఫ్ఎస్ 3.1 స్టోరేజీతో వస్తోంది.
కెమెరా: OPPO K12 లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, 8ఎంపి అల్ట్రావైడ్ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
బ్యాటరీ: OPPO K12 లో పవర్ బ్యాకప్ కోసం 5500 ఎంఏహెచ్ బ్యాటరీ ఉంటుంది. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది.
ఇతర ఫీచర్లు: OPPO K12 లో డ్యూయల్ సిమ్, 5జీ, డ్యూయల్ స్టీరియో స్పీకర్స్, ఇన్-డిస్ప్లే ఫింగర్ప్రింట్ స్కానర్, ఐఆర్ బ్లాస్టర్ ఉంటాయి.