ప్రముఖ స్మార్ట్ఫోన్ బ్రాండ్ OPPO నుంచి త్వరలో రెనో 12 సిరీస్ లాంచ్ కానుంది. ఈ సిరీస్ ఇప్పటికే చైనాలో లాంచ్ అయ్యింది. తాజాగా యూరోపియన్ మార్కెట్ లాంచ్ తేదీ ఖరారైంది. యూరప్ లో జూన్ 18వ తేదీన రెనో 12 సిరీస్ లాంచ్ అవుతోంది. మలేషియాలో జూన్ 27న రెనో 12 సిరీస్ లాంచ్ కానుంది. ఈ లైనప్ లో OPPO Reno 12 మరియు Reno 12 Pro స్మార్ట్ఫోన్లు మార్కెట్ లోకి రానున్నాయి. ఓసారి గ్లోబల్ లాంచ్ వివరాలు తెలుసుకుందాం పదండి.
OPPO Reno 12 సిరీస్ గ్లోబల్ లాంచ్ తేదీ
OPPO Reno 12 సిరీస్ గ్లోబల్ లాంచ్ తేదీని ఒప్పో సంస్థ సోషల్ మీడియా ప్లాట్ఫామ్ X పై షేర్ చేసింది.
రెనో 12 సిరీస్ యూరప్ లో జూన్ 18వ తేదీన లాంచ్ కానున్నట్లు తన పోస్ట్ లో ఒప్పో పేర్కొంది.
ఒప్పో కంపెనీ వెబ్సైట్ ప్రకారం, OPPO Reno 12 సిరీస్ మలేషియాలో జూన్ 27న లాంచ్ కానున్నట్లు తెలుస్తోంది.
ఒప్పో 12 సిరీస్ గ్లోబల్ గా లాంచైన తర్వాత భారతీయ మార్కెట్ లో లాంచ్ అవుతుంది.
OPPO Reno 12 సిరీస్ స్పెసిఫికేషన్స్ (గ్లోబల్)
ప్రాసెసర్: చైనాలో లాంచైన ఒప్పో రెనో 12 లో మీడియాటెక్ డైమెన్సిటీ 8250 చిప్ వాడగా, రెనో 12 ప్రో డివైజ్ లో డైమెన్సిటీ 9200+ చిప్సెట్ వాడారు. కానీ, భారత్ తో పాటు గ్లోబల్ మార్కెట్స్ లో లాంచ్ కాబోయే రెనో 12, రెనో 12 ప్రో డివైజెస్ లో మీడియాటెక్ డైమెన్సిటీ 7300 ప్రాసెసర్ ఉంటుందని సమాచారం.
కెమెరా: రెనో 12 సిరీస్ చైనా మోడల్స్ లో 50ఎంపి + 50ఎంపి + 8ఎంపి రియర్ కెమెరా సెటప్ ఉంది. గ్లోబల్ వేరియంట్స్ లో 50ఎంపి + 8ఎంపి + 2ఎంపి రియర్ కెమెరా సెటప్ ఉంటుందని తాజాగా లీక్ ద్వారా తెలిసింది. రెనో 12 ప్రో చైనా వేరియంట్ లో 50ఎంపి ఐఎంఎక్స్890 సెన్సర్ ఇవ్వగా, గ్లోబల్ వేరియంట్ లో మాత్రం 50ఎంపి ఎల్వైటీ600 మెయిన్ కెమెరా ఉంటుందని తెలుస్తోంది.
OPPO Reno 12 Pro ధర
OPPO Reno 12 Pro స్మార్ట్ఫోన్ 12జిబి ర్యామ్ + 512జిబి స్టోరేజీ వేరియంట్ ధర 580 యూరోలుగా ఉంటుందని సమాచారం. భారత కరెన్సీలో దీన్ని సుమారు రూ.52,000 అని చెప్పవచ్చు. చైనా మోడల్ విషయానికి వస్తే, ఇదే మెమొరీ వేరియంట్ ధర అక్కడ 3699 యువాన్లు (సుమారు రూ.43,200) గా ఉంది. ఇక భారత్ లో 12జిబి ర్యామ్ + 512జిబి స్టోరేజీ వేరియంట్ ధరను రూ.40 వేల లోపు పెట్టే అవకాశం ఉంది.
