ప్రముఖ స్మార్ట్ఫోన్ బ్రాండ్ OPPO నుంచి Reno 12 సిరీస్ త్వరలోనే లాంచ్ కానుంది. తాజాగా కొత్త రెనో ఫోన్ల లాంచ్ తేదీని కంపెనీ ప్రకటించింది. మే 23న ఈ సిరీస్ మార్కెట్ లోకి ప్రవేశించనుంది. ఈ లైనప్ లో OPPO Reno 12 మరియు OPPO Reno 12 Pro డివైజెస్ లాంచ్ అయ్యే అవకాశం ఉంది. లాంచ్ వివరాలు మరియు లీకైన స్పెసిఫికేషన్స్ గురించి తెలుసుకుందాం పదండి.
OPPO Reno 12 సిరీస్ లాంచ్ వివరాలు
OPPO Reno 12 సిరీస్ చైనాలో మే 23న లాంచ్ అవ్వనుంది. ఇదే రోజున చైనా టైమ్ ప్రకారం, సాయంత్రం 4 గంటలకు, భారత కాలమానం ప్రకారం, మధ్యాహ్నం 1.30 గంటలకు లాంచ్ ఈవెంట్ ప్రారంభం కానుంది. ఈ లైనప్ లో OPPO Reno 12 మరియు OPPO Reno 12 Pro స్మార్ట్ఫోన్లు మార్కెట్ లోకి రానున్నాయి. అయితే బ్రాండ్ ఇంకా డివైజెస్ పేర్లను కన్ఫర్మ్ చేసింది.
OPPO Reno 12 సిరీస్ స్పెసిఫికేషన్స్ (లీక్)
డిస్ప్లే: OPPO Reno 12 సిరీస్ ఫోన్లలో 6.7-ఇంచ్ ఓఎల్ఈడీ ప్యానెల్, 120 హెర్ట్జ్ రిఫ్రెష్ రేట్, కర్వ్డ్ గ్లాస్ బ్యాక్ ఉంటాయి.
ప్రాసెసర్: OPPO Reno 12 మీడియాటెక్ ఎంటీకే 24ఎమ్ చిప్సెట్ తో రానుంది. ప్రో వేరియంట్ మీడియాటెక్ డైమెన్సిటీ 9200 ప్రాసెసర్ తో వస్తోంది.
కెమెరా: OPPO Reno 12 మరియు OPPO Reno 12 Pro డివైజెస్ 50ఎంపి ప్రైమరీ ఓఐఎస్ కెమెరా, 50ఎంపి సెకండరీ 2ఎక్స్ ఆప్టికల్ జూమ్, 8ఎంపి అల్ట్రావైడ్ లెన్స్ ఉంటాయి.
ర్యామ్, స్టోరేజీ: OPPO Reno 12 డివైజ్ 12జిబి ర్యామ్ + 256జిబి స్టోరేజీ వేరియంట్ లో రానుంది. ప్రో మోడల్ 512జిబి స్టోరేజీతో వచ్చే అవకాశం ఉంది.
బ్యాటరీ: OPPO Reno 12 మరియు OPPO Reno 12 Pro డివైజెస్ లో 5000 ఎంఏహెచ్ బ్యాటరీ, 67 వాట్ ఫాస్ట్ చార్జింగ్ సపోర్ట్ ఉంటాయి.
ఇతర ఫీచర్లు: OPPO Reno 12 సిరీస్ ఐపీ65 రేటింగ్ తో రానుందని అంచనా వేస్తున్నారు.