హైలైట్స్
- జులై నెలలో లాంచైన OPPO Reno 8 Pro స్మార్ట్ ఫోన్
- తాజాగా ఎంట్రీ ఇచ్చిన OPPO Reno 8 Pro House of the Dragon ఎడిషన్
- ఈ లిమిటెడ్ ఎడిషన్ ద్వారా యూజర్ కి లభించనున్న ఎక్స్క్లూజివ్ గూడీస్, థీమ్డ్ బ్యాక్ కవర్, డ్రాగన్ షేప్డ్-సిమ్ ఎజెక్టర్ టూల్, డ్రాగన్ ఎంబ్లెమ్ ఫోన్ హోల్డర్
OPPO Reno 8 Pro House of the Dragon ఎడిషన్ నేడు భారత్ లో లాంచ్ అయ్యింది. ఈ లిమిటెడ్ ఎడిషన్ ద్వారా ఎక్స్క్లూజివ్ గూడీస్, థీమ్డ్ బ్యాక్ కవర్, డ్రాగన్ షేప్డ్-సిమ్ ఎజెక్టర్ టూల్, డ్రాగన్ ఎంబ్లెమ్ ఫోన్ హోల్డర్ ఫోన్ కొనుగోలుదారులకు లభిస్తాయి. ఇక స్పెసిఫికేషన్స్ విషయానికి వస్తే రెగ్యులర్ వేరియంట్ లో ఏవైతే ఉంటాయో అవే ఈ స్పెషల్ ఎడిషన్ లోనూ ఉంటాయి.
OPPO Reno 8 Pro House of the Dragon ఎడిషన్ లో మీడియాటెక్ డైమెన్సిటీ 8100 చిప్సెట్, 120 హెర్ట్జ్ రిఫ్రెష్ రేట్ ఉంటాయి. ఓసారి OPPO Reno 8 Pro House of the Dragon యొక్క ధర, పూర్తి స్పెసిఫికేషన్స్, ఫీచర్స్ ఎలా ఉన్నాయో తెలుసుకుందాం పదండి.
స్పెషల్ ఎడిషన్ ఫోన్ కొనుగోలు చేసే కస్టమర్లు ‘House Targaryen’ ఫోన్ కవర్ ని పొందుతారని ఒప్పో తెలిపింది. ఇది లెదర్ ఫినిషింగ్ తో కూడి, డ్రాగన్ లోగోని కలిగి ఉంటుంది. అదనంగా, డ్రాగన్ ఎగ్ కూడా లభించనుంది. అలాగే వినూత్నంగా కనిపించే డ్రాగన్ సిమ్ ఎజెక్టర్ టూల్ కూడా లభిస్తుంది. ఇంకా డ్రాగన్ ముద్ర కలిగిన ఫోన్ హోల్డర్ వంటివి లభిస్తాయి. స్పెషల్ ఎడిషన్ డిజైన్ మీకు నచ్చితే గనుక వెంటనే ఈ ఫోన్ ని సొంతం చేసుకోండి. ఎందుకంటే ఇది లిమిటెడ్ ఎడిషన్.
OPPO Reno 8 Pro House of the Dragon స్పెసిఫికేషన్స్
OPPO Reno 8 Pro లో 6.7-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 2412*1080 పిక్సెల్స్ రెజుల్యూషన్, పంచ్-హోల్ కటౌట్, గొరిల్లా గ్లాస్ 5, మీడియాటెక్ డైమెన్సిటీ 8100 మ్యాక్స్ ప్రాసెసర్, 12జిబి ర్యామ్, 256జిబి స్టోరేజీ ఉన్నాయి. ఈ ఫోన్ ఆండ్రాయిడ్ 12 ఓఎస్ ఆధారిత కలర్ఓఎస్ 12.1 కస్టమ్ స్కిన్ పై పని చేస్తుంది.
OPPO Reno 8 Pro లో 50ఎంపి మారిసిలికాన్ ప్రైమరీ లెన్స్, 8ఎంపి అల్ట్రావైడ్ కెమెరా, 2ఎంపి మ్యాక్రో షూటర్ ఉన్నాయి. సెల్ఫీలు, వీడియో కాల్స్ కోసం ఇందులో 32ఎంపి కెమెరా అందించారు. భద్రత కోసం OPPO Reno 8 Pro లో ఇన్-డిస్ప్లే ఫింగర్ ప్రింట్ సెన్సర్ ఉంది. ఈ ఫోన్ లో 4500 ఎంఏహెచ్ బ్యాటరీ ఉంది. ఇది 80 వాట్ ఫాస్ట్ చార్జింగ్ కి సపోర్ట్ చేస్తుంది. 5జీ, 4జీ ఎల్టీఈ, వైఫై, బ్లూటూత్, జీపీఎస్, యూఎస్బీ టైప్-సీ పోర్ట్ వంటి కనెక్టివిటీ ఆప్షన్స్ ఉన్నాయి.
OPPO Reno 8 Pro House of the Dragon Limited Edition ధర, లభ్యత
OPPO Reno 8 Pro House of the Dragon Limited Edition 12జిబి+256జిబి వేరియంట్ ధర రూ.45,999 గా నిర్ణయించారు. డిసెంబర్ 13 నుంచి ఈ ఫోన్ ని ఫ్లిప్కార్ట్ ద్వారా కొనుగోలు చేయవచ్చు. ఇక ఈ ఫోన్ ని డిసెంబర్ 8 నుంచి ఫ్లిప్కార్ట్ ద్వారా ప్రీ-బుక్ చేసుకోవచ్చు.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.