కొన్ని వారాల క్రితం పోకో సంస్థ ఎంట్రీ లెవెల్ స్మార్ట్ ఫోన్ POCO C50 ని భారతీయ మార్కెట్ లో లాంచ్ చేసింది. ప్రముఖ టిప్స్టర్ కాస్పర్ స్క్రైజిపెక్ త్వరలో రాబోవు POCO C55 స్మార్ట్ ఫోన్ గురించి ఓ సమాచారాన్ని బయటకు వదిలాడు. POCO C55 స్మార్ట్ ఫోన్ 221227PC5G అనే మోడల్ నంబర్ ని కలిగి ఉంది. ఇది ఐఎండీఏ సర్టిఫికేషన్ ద్వారా తెలిసింది. అయితే ఇది గ్లోబల్ వేరియంట్ కాబట్టి, భారత మార్కెట్ లో ఈ ఫోన్ లాంచ్ అవుతుందా లేదా అనేది ఇంకా తెలియదు.
IMDA సర్టిఫికేషన్ ద్వారా POCO C55 బ్లూటూత్, వై-ఫై సపోర్ట్ కి సంబంధించిన వివరాలు బయటకు వచ్చాయి. అయితే సర్టిఫికేషన్ లిస్టింగ్ ద్వారా ఇంకా ఇతర వివరాలు ఏవీ తెలియలేదు. సరే POCO C55 కి సంబంధించి ఇప్పటి వరకు అందుబాటులో ఉన్న సమాచారంపై ఓ లుక్ వేద్దాం పదండి.
POCO C55 స్మార్ట్ ఫోన్ 22127PC95G మోడల్ నంబర్ తో ఐఎండీఏ సర్టిఫికేషన్ పై కనిపించింది. అయితే ఈ పోకో స్మార్ట్ ఫోన్ కి చెందిన విషయాలేవీ పెద్దగా బయటకు రాలేదు. అయితే టిప్స్టర్ క్యాస్పర్ ప్రకారం, Redmi 12C ఫోన్ POCO C55 పేరుతో రీబ్రాండ్ అయి వస్తోందని సమాచారం. ఇక రెడ్మీ 12సీ విషయానికి వస్తే, ఈ ఫోన్ చైనీస్ మార్కెట్ లో గత నెలలో లాంచ్ అయ్యింది. ఓసారి రెడ్మీ 12సీ యొక్క స్పెసిఫికేషన్స్, ఫీచర్స్, ధర గురించి తెలుసుకుందాం.
Redmi 12C స్పెసిఫికేషన్స్
Redmi 12C స్మార్ట్ ఫోన్ లో 6.71-ఇంచ్ హెచ్డీ+ (1650*720 పిక్సెల్స్) రెజుల్యూషన్, 500 నిట్స్ బ్రైట్నెస్, 1500:1 కాంట్రాస్ట్ రేషియో, వాటర్ డ్రాప్ నాచ్ ఉంటాయి. ఇకపోతే ఈ ఫోన్ లో మీడియాటెక్ హీలియో జీ85 చిప్సెట్ వాడారు. గ్రాఫిక్స్ కోసం మాలి జీ52 జీపీయూ ఉపయోగించారు. హీలియో జీ85 చిప్సెట్ మూడేళ్ళ క్రితం ఇంట్రడ్యూస్ అయ్యింది. ఎన్నో మిడ్ రేంజ్ స్మార్ట్ ఫోన్స్ లో దీన్ని వాడారు. రెడ్మీ నోట్ 9, రియల్మీ నార్జో 20, మైక్రోమ్యాక్స్ ఇన్ నోట్ 1, మోటో జీ31 తదితర ఫోన్లలో ఈ చిప్ ని ఉపయోగించారు.
Redmi 12C లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, 2ఎంపి డెప్త్ సెన్సర్, ఎల్ఈడీ ఫ్లాష్ ఉంటాయి. సెల్ఫీలు, వీడియో కాల్స్ కోసం ఇందులో 5ఎంపి ఫ్రంట్ కెమెరా అందించారు. ఇకపోతే పవర్ బ్యాకప్ కోసం ఈ ఫోన్ లో 5000 ఎంఏహెచ్ బ్యాటరీ ఇచ్చారు. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది. చార్జింగ్ మరియు డేటా ట్రాన్స్ఫర్ కోసం ఇందులో మైక్రో యూఎస్బీ పోర్ట్ ప్రొవైడ్ చేశారు.
Redmi 12C స్మార్ట్ ఫోన్ బ్లాక్, బ్లూ, గ్రీన్, పర్పుల్ కలర్ ఆప్షన్స్ లో లభిస్తుంది. ఈ ఫోన్ బరువు 192 గ్రాములు. మైక్రోఎస్డీ కార్డ్ సౌకర్యం, రియర్ మౌంటెడ్ ఫింగర్ ప్రింట్ స్కానర్ ఈ ఫోన్ లో ఉన్నాయి. ఆండ్రాయిడ్ 12 ఓఎస్ ఆధారిత ఎంఐయూఐ 13 కస్టమ్ స్కిన్ పై ఈ ఫోన్ పని చేస్తుంది.
Redmi 12C స్మార్ట్ ఫోన్ 4జిబి + 64జిబి, 4జిబి + 128జిబి స్టోరేజీ మరియు 6జిబి ర్యామ్ + 128జిబి స్టోరేజీ ఆప్షన్స్ లో లభిస్తుంది. 4జిబి+64జిబి వేరియంట్ ధర RMB 699 (సుమారు రూ.8,500), 4జిబి+128జిబి వేరియంట్ ధర RMB 799 (సుమారు రూ.9,700), 6జిబి+128జిబి వేరియంట్ ధర RMB 899 (సుమారు రూ.11,000) గా ఉంటుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.