ప్రముఖ స్మార్ట్ ఫోన్ బ్రాండ్ POCO భారత్ లో POCO C55 ఫోన్ ని లాంచ్ చేసింది. తక్కువ ధర కలిగిన ఈ ఫోన్ మీడియాటెక్ హీలియో జీ85 ప్రాసెసర్, 50ఎంపి డ్యూయల్ రియర్ కెమెరా సెటప్, 5ఎంపి సెల్ఫీ కెమెరాతో వచ్చింది. ఈ ఎంట్రీ లెవెల్ ఫోన్ లో 6.71-ఇంచ్ హెచ్డీ+ డిస్ప్లే, వాటర్ డ్రాప్ నాచ్ డిజైన్ ఉన్నాయి. POCO C55 లో రియర్-మౌంటెడ్ ఫింగర్ ప్రింట్ స్కానర్, 4జీ కనెక్టివిటీ, ఎంఐయూఐ 13 కస్టమ్ స్కిన్, 5000 ఎంఏహెచ్ బ్యాటరీ, 10 వాట్ ఫాస్ట్ చార్జింగ్ ఉన్నాయి.
భారత్ లో POCO C55 ధర
భారత్ లో POCO C55 డివైజ్ 4జిబి ర్యామ్ + 64జిబి స్టోరేజీ వేరియంట్ ధర రూ.9,499 గా నిర్ణయించారు. 6జిబి ర్యామ్ + 128జిబి స్టోరేజీ యూనిట్ ధర రూ.10,999 గా ఉంది. ఈ స్మార్ట్ ఫోన్ కూల్ బ్లూ, ఫారెస్ట్ గ్రీన్, పవర్ బ్లాక్ కలర్ ఆప్షన్స్ లో లభిస్తుంది. ఫిబ్రవరి 28 నుంచి ఫ్లిప్ కార్ట్ మరియు కంపెనీ వెబ్సైట్ ద్వారా ఈ ఫోన్ ని కొనుగోలు చేయవచ్చు.
స్పెషల్ ఫస్ట్ డే ప్రైస్ ఆఫర్ లో భాగంగా POCO C55 బేస్ వేరియంట్ రూ.8,499 కే లభించనుంది. హైఎండ్ వేరియంట్ రూ.9,999 కే లభిస్తుంది. ఈ ధరలు HDFC, SBI, ICICI బ్యాంక్ కస్టమర్లకు ఆఫర్ ద్వారా వర్తిస్తాయి.
POCO C55 స్పెసిఫికేషన్స్
POCO C55 స్మార్ట్ ఫోన్ లో 6.71-ఇంచ్ హెచ్డీ+ ఎల్సీడీ స్క్రీన్, 534 నిట్స్ పీక్ బ్రైట్నెస్, 60 హెర్ట్జ్ రిఫ్రెష్ రేట్, 120 హెర్ట్జ్ టచ్ శాంప్లింగ్ రేట్ ఉన్నాయి. ఈ ఫోన్ లో మీడియాటెక్ జీ85 చిప్సెట్ వాడారు. POCO C55 డివైజ్ ఆండ్రాయిడ్ 12 ఓఎస్ ఆధారిత ఎంఐయూఐ 13 కస్టమ్ స్కిన్ పై పని చేస్తుంది. ఈ హ్యాండ్సెట్ 6జిబి ర్యామ్ ఆప్షన్ లో లభిస్తుంది.
POCO C55 స్మార్ట్ ఫోన్ లో 50ఎంపి ప్రైమరీ కెమెరా ఉంటుంది. దీనికి తోడు ఒక సెకండరీ సెన్సర్ ఉంటుంది. సెల్ఫీస్, వీడియో కాల్స్ కోసం 5 మెగాపిక్సెల్ ఫ్రంట్ కెమెరా ఉంటుంది. POCO C55 లో 64జిబి స్టోరేజీ ఇచ్చారు. మైక్రోఎస్డీకార్డ్ స్లాట్ ద్వారా మెమొరీని 1టిబి వరకు పెంచుకోవచ్చు. ఈ ఫోన్ లో యాక్సలరోమీటర్, వర్చువల్ ప్రాక్సిమిటీ సెన్సర్, రియర్ మౌంటెడ్ ఫింగర్ ప్రింట్ స్కానర్ ఉంటాయి.
POCO C55 లో వై-ఫై, 4జీ, బ్లూటూత్ 5.1, జీపీఎస్, మైక్రో-యూఎస్బీ పోర్ట్ వంటి కనెక్టివిటీ ఆప్షన్స్ ఉంటాయి. ఈ ఫోన్ లో 5000 ఎంఏహెచ్ బ్యాటరీ ఉంటుంది. ఇది 10 వాట్ చార్జింగ్ కి సపోర్ట్ చేస్తుంది. ఈ ఫోన్ ఐపీ52 డస్ట్ అండ్ వాటర్ రెసిస్టన్స్ రేటింగ్ తో వచ్చింది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.
