Xiaomi సబ్-బ్రాండ్ POCO నేడు భారతీయ మార్కెట్ లో POCO C61 అనే స్మార్ట్ఫోన్ని లాంచ్ చేసింది. ఈ డివైజ్ ధరను రూ.6,999 గా నిర్ణయించారు. POCO C61 లో 5,000 ఎంఏహెచ్ బ్యాటరీ, 90 హెర్ట్జ్ రిఫ్రెష్ రేట్, 12జిబి వరకు ర్యామ్, 6జిబి వర్చువల్ ర్యామ్ సపోర్ట్ ఉన్నాయి. సరే, ఓసారి POCO C61 స్మార్ట్ఫోన్ యొక్క ధర, లభ్యత మరియు పూర్తి స్పెసిఫికేషన్స్ ఎలా ఉన్నాయో తెలుసుకుందాం పదండి.
POCO C61 ధర, లభ్యత
POCO C61 స్మార్ట్ఫోన్ రెండు స్టోరేజీ ఆప్షన్స్ లో లాంచ్ అయ్యింది. వీటి ధరలు ఎలా ఉన్నాయో తెలుసుకుందాం.
POCO C61 4జిబి ర్యామ్ + 64జిబి స్టోరేజీ మోడల్ ధర రూ.7,499 గా ఉంది. లాంచ్ ఆఫర్ లో భాగంగా ఈ ఫోన్ రూ.6,999 కే లభించనుంది.
POCO C61 6జిబి ర్యామ్ + 128జిబి స్టోరేజీ వేరియంట్ ధర రూ.8,499 గా ఉంది.
POCO C61 డివైజ్ ఎథరియల్ బ్లూ, డైమండ్ డస్ట్ బ్లాక్ మరియు మిస్టికల్ గ్రీన్ కలర్ ఆప్షన్స్ లో లభిస్తుంది.
POCO C61 స్మార్ట్ఫోన్ ఫ్లిప్కార్ట్ ద్వారా మార్చి 28 నుంచి కొనుగోలుకి అందుబాటులో ఉంటుంది.
POCO C61 స్పెసిఫికేషన్స్
- డిస్ప్లే: POCO C61 లో 6.71-ఇంచ్ హెచ్డీ+ స్క్రీన్, ఐపీఎస్ ఎల్సీడీ ప్యానెల్, 1650*720 పిక్సెల్స్ రెజుల్యూషన్, 180 హెర్ట్జ్ టచ్ శాంప్లింగ్ రేట్, 500 నిట్స్ పీక్ బ్రైట్నెస్, గొరిల్లా గ్లాస్ ఉన్నాయి.
- ప్రాసెసర్: POCO C61 లో ఎంట్రీ లెవెల్ చిప్సెట్ అయిన మీడియాటెక్ హీలియో జీ36 ప్రాసెసర్ వాడారు.
- ర్యామ్, స్టోరేజీ: POCO C61 డివైజ్ 4జిబి/6జిబి ర్యామ్ మరియు 64జిబి/128జిబి స్టోరేజీ వేరియంట్స్ లో లాంచ్ అవుతుంది. మైక్రోఎస్డీ కార్డ్ సాయంతో మెమొరీని 1టిబి వరకు పెంచుకునే వీలుంది.
- కెమెరా: POCO C61 లో డ్యూయల్ రియర్ కెమెరా సెటప్ ఉంది. ఇందులో 8ఎంపి ప్రైమరీ కెమెరా, ఏఐ సెకండరీ లెన్స్ ఉన్నాయి. సెల్పీస్, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా అందించారు.
- బ్యాటరీ: POCO C61 లో పవర్ బ్యాకప్ కోసం 5,000 ఎంఏహెచ్ బ్యాటరీ అందించారు. ఇది 10 వాట్ చార్జింగ్ కి సపోర్ట్ చేస్తుంది.
- కనెక్టివిటీ: POCO C61 లో డ్యూయల్ సిమ్, 4జీ, బ్లూటూత్ 5.3, వై-ఫై 5 వంటి ఆప్షన్స్ ఉన్నాయి.
- ఇతర ఫీచర్లు: POCO C61 లో సైడ్-మౌంటెడ్ ఫింగర్ప్రింట్ స్కానర్, 3.5ఎంఎం ఆడియో జాక్ ఉన్నాయి.