ప్రముఖ స్మార్ట్ఫోన్ బ్రాండ్ POCO నుంచి త్వరలో ఎఫ్6 సిరీస్ లాంచ్ కానుంది. ఈ లైనప్ లో POCO F6 మరియు POCO F6 Pro ఫోన్లు మార్కెట్ లోకి ఎంట్రీ ఇవ్వనున్నాయి. తాజాగా POCO F6 యొక్క ఇండియా టీజర్ ఈ-కామర్స్ ప్లాట్పామ్ ఫ్లిప్కార్ట్ ద్వారా రివీల్ అయ్యింది. ఈ స్మార్ట్ఫోన్ మిడ్-బడ్జెట్ సెగ్మెంట్ లో లాంచ్ అవ్వనుంది. ఓసారి POCO F6 యొక్క లాంచ్ తేదీ, డిజైన్, అంచనా స్పెసిఫికేషన్స్ తెలుసుకుందాం పదండి.
POCO F6 ఇండియన్ లాంచ్ తేదీ, డిజైన్
POCO F6 స్మార్ట్ఫోన్ భారతీయ మార్కెట్ లో మే 23న లాంచ్ అవుతోంది. ప్రో వేరియంట్ గ్లోబల్గా ఎంట్రీ ఇవ్వనుంది. ప్రో వేరియంట్ భారత్కి వస్తుందా లేదా అనే విషయంపై ఇంకా స్పష్టత లేదు.
POCO F6 డివైజ్ గ్లోబల్ లాంచ్ ఈవెంట్ మే 23వ తేదీన సాయంత్రం 4.30 గంటలకు ప్రారంభం కానుంది.
POCO F6 స్మార్ట్ఫోన్ గోల్డెన్ కలర్ ఆప్షన్ లో లభించనుందని టీజర్ ద్వారా తెలుస్తోంది. ఈ ఫోన్ లో డ్యూయల్ రియర్ కెమెరా సెటప్ ఉంటుంది. ఇందులో ఓఐఎస్ కెమెరా, ఎల్ఈడీ ఫ్లాష్ ఉంటాయి. 50ఎంపి మెయిన్ కెమెరా ఉంటుందని కన్ఫర్మ్ అయ్యింది.
టీజర్ లో కనిపించిన డివైజ్ బ్యాక్ ప్యానెల్ పై POCO బ్రాండింగ్ కనిపిస్తోంది. ఇంకా వాల్యూమ్ రాకర్ ఫోన్కి కుడివైపున ఉంది.
POCO F6 స్పెసిఫికేషన్స్ (అంచనా)
స్క్రీన్: POCO F6 లో 6.67-ఇంచ్ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 1.5కే రెజుల్యూషన్, 2400 నిట్స్ పీక్ బ్రైట్నెస్, గొరిల్లా గ్లాస్ విక్టస్ ప్రొటెక్షన్ ఉంటాయి.
ప్రాసెసర్: POCO F6 లో స్నాప్డ్రాగన్ 8ఎస్ జెన్ 3 చిప్సెట్ ఉంటుంది.
కెమెరా: POCO F6 లో 50ఎంపి సోని ఐఎంఎక్స్882 ఓఐఎస్ మెయిన్ కెమెరా, 8ఎంపి అల్ట్రావైడ్ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 20ఎంపి ఫ్రంట్ కెమెరా ఉంటుంది.
ర్యామ్, స్టోరేజీ: POCO F6 డివైజ్ 12జిబి ర్యామ్ + 256జిబి స్టోరేజీతో లాంచ్ అయ్యే అవకాశం ఉంది. ఇతర వేరియంట్స్ కూడా లాంచ్ అవ్వవచ్చు.
బ్యాటరీ: POCO F6 లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 90 వాట్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: POCO F6 డివైజ్ ఆండ్రాయిడ్ 14 ఓఎస్ ఆధారిత హైపర్ఓఎస్ కస్టమ్ స్కిన్ తో లాంచ్ అవుతుంది.
ఇతర ఫీచర్లు: POCO F6 లో స్టీరియో స్పీకర్స్, ఐపీ64 డస్ట్ అండ్ వాటర్ రెసిస్టన్స్ రేటింగ్, యూఎస్బీ-సీ 2.0 పోర్ట్, వై-ఫై 6ఈ, బ్లూటూత్ 5.4, జీపీఎస్, ఎన్ఎఫ్సీ, ఇన్ఫ్రారెడ్, అండర్-డిస్ప్లే ఫింగర్ప్రింట్ స్కానర్ ఉంటాయి.