ప్రముఖ స్మార్ట్ఫోన్ బ్రాండ్ Poco త్వరలో ఎఫ్6 సిరీస్ ని లాంచ్ చేయనుంది. ఈ లైనప్ లో Poco F6 మరియు Poco F6 Pro స్మార్ట్ఫోన్లు మార్కెట్ లోకి రానున్నాయి. ఈ సిరీస్ ఏప్రిల్ లేదా మే నెలలో లాంచ్ అయ్యే అవకాశం ఉంది. అయితే ప్రో మోడల్ కి సంబంధించిన వివరాలు ఇంకా రివీల్ కాలేదు. కానీ, Poco F6 స్పెసిఫికేషన్స్ తాజాగా లీక్ అయ్యాయి. ఓసారి ఆ విశేషాలను తెలుసుకుందాం పదండి.
Poco F6 స్పెసిఫికేషన్స్
Poco F6 స్మార్ట్ఫోన్ స్పెసిఫికేషన్స్ ని Android Headlines తన కథనం ద్వారా షేర్ చేసింది. ఓసారి అవెలా ఉన్నాయో తెలుసుకుందాం పదండి.
- డిస్ప్లే: Poco F6 లో 6.67-ఇంచ్ డిస్ప్లే, 1.5కే రెజుల్యూషన్ ఉంటాయని లీక్ ద్వారా తెలుస్తోంది. అలాగే ఈ ఫోన్ లో టీసీఎల్ మరియు టీయాన్మా తయారు చేసిన డిస్ప్లేలను వాడనున్నట్లు సమాచారం.
- ప్రాసెసర్: Poco F6 స్మార్ట్ఫోన్ లో క్వాల్కమ్ స్నాప్డ్రాగన్ 8ఎస్ జెన్ 3 చిప్సెట్ ని వాడనున్నారు. ఇదే ప్రాసెసర్ను Xiaomi Civi 4 Pro లో కూడా ఉపయోగించారు.
- కెమెరా: Poco F6 స్మార్ట్ఫోన్లో 50ఎంపి సోని ఐఎంఎక్స్882 ప్రైమరీ కెమెరా, 8ఎంపి సోని ఐఎంఎక్స్355 అల్ట్రావైడ్ లెన్స్ ఉంటాయి. ఒమ్ని విజన్ ఒవి20బి40 ఫ్రంట్ కెమెరాను ఈ ఫోన్ లో అందించనున్నారు. లీక్ ప్రకారం, ఈ ఫోన్ లో డ్యూయల్ రియర్ కెమెరా సెటప్ ఉంటుందని అర్థమవుతోంది.
Redmi Note 13 Turbo కి రీబ్రాండ్ వర్షన్ గా Poco F6 మార్కెట్ లోకి రానుందని సమాచారం. త్వరలో రెడ్మీ నోట్ 13 టర్బో చైనాలో లాంచ్ కానుంది. తర్వాత Poco F6 పేరుతో భారత మార్కెట్ లోకి ఎంట్రీ ఇచ్చే అవకాశం ఉంది. ఏప్రిల్ లేదా మే నెలలో Poco F6 లాంచ్ అవుతుందని అంచనా వేస్తున్నారు.
