ప్రముఖ స్మార్ట్ఫోన్ బ్రాండ్ POCO నుంచి త్వరలో ఎమ్-సిరీస్ లో కొత్త ఫోన్ లాంచ్ కానుంది. POCO M6 Plus 5G పేరుతో ఈ డివైజ్ మార్కెట్ లోకి ఎంట్రీ ఇవ్వనుంది. తాజాగా ఈ ఫోన్ యొక్క ఇండియా లాంచ్ తేదీ ఖరారైంది. ఆగస్టు 1వ తేదీన ఈ ఫోన్ మార్కెట్ లోకి ఎంట్రీ ఇవ్వనుందని కంపెనీ ప్రకటించింది. ఈ ఫోన్ 108ఎంపి మెయిన్ కెమెరాతో వస్తోంది. పూర్తి వివరాలు తెలుసుకుందాం పదండి.
POCO M6 Plus 5G లాంచ్ తేదీ
POCO M6 Plus 5G స్మార్ట్ఫోన్ ఈ-కామర్స్ సైట్ ఫ్లిప్కార్ట్ ద్వారా సేల్ కు వస్తోంది. ఇప్పటికే ఈ ఫోన్ మైక్రో-సైట్ ఫ్లిప్కార్ట్ పై కనిపిస్తోంది. ఈ మైక్రో-సైట్ ద్వారా లాంచ్ తేదీ ఆగస్టు 1 అని కంపెనీ వెల్లడించింది. అలాగే బ్రాండ్ పేజీ, సోషల్ మీడియా హ్యాండిల్స్ ద్వారా కూడా ఈ విషయాన్ని తెలిపింది.
POCO M6 Plus 5G స్పెసిఫికేషన్స్
డిస్ప్లే: POCO M6 Plus 5G లో 6.79-ఇంచ్ స్క్రీన్, ఎల్సీడీ ప్యానెల్, 120 హెర్ట్జ్ రిఫ్రెష్ రేట్ ఉంటాయి.
ప్రాసెసర్: POCO M6 Plus 5G లో క్వాల్కమ్ స్నాప్డ్రాగన్ 4 జెన్ 2 చిప్సెట్ ఉంటుంది.
సాఫ్ట్వేర్: POCO M6 Plus 5G డివైజ్ ఆండ్రాయిడ్ 14 ఓఎస్ ఆధారిత హైపర్ఓఎస్ కస్టమ్ స్కిన్ పై పని చేస్తుంది.
కెమెరా: POCO M6 Plus 5G లో డ్యూయల్ రియర్ కెమెరా సెటప్ ఉంటుంది. ఇందులో 108ఎంపి ప్రైమరీ కెమెరా, 2ఎంపి సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 13ఎంపి ఫ్రంట్ కెమెరా ఉంటుంది.
బ్యాటరీ: POCO M6 Plus 5G లో పవర్ బ్యాకప్ కోసం 5030 ఎంఏహెచ్ బ్యాటరీ ఉంటుంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
కనెక్టివిటీ: POCO M6 Plus 5G లో డ్యూయల్ సిమ్, 5జీ, 4జీ, బ్లూటూత్, వై-ఫై వంటి ఆప్షన్స్ ఉంటాయి.
ఇతర ఫీచర్లు: POCO M6 Plus 5G లో సైడ్ మౌంటెడ్ ఫింగర్ప్రింట్ స్కానర్, ఐపీ53 రేటింగ్, 3.5 ఎంఎం ఆడియో జాక్ ఉంటాయి.
POCO M6 Plus 5G ధర (లీక్)
POCO M6 Plus 5G స్మార్ట్ఫోన్ రెండు మెమొరీ వేరియంట్స్ లో లాంచ్ కానుందని టిప్స్టర్ సుదాన్శు తెలిపారు. 6జిబి+128జిబి మోడల్ ధర రూ.13,999 గా ఉండే అవకాశం ఉంది. 8జిబి+128జిబి మోడల్ ధర రూ.14,999 ఉంటుందని టిప్స్టర్ తెలిపారు.
