Xiaomi సబ్-బ్రాండ్స్ Poco మరియు Redmi త్వరలో రెండు చౌక స్మార్ట్ఫోన్లను లాంచ్ చేయబోతున్నాయి. ఈ రెండు ఫోన్లు POCO M6 Pro 4G, Redmi Note 13 Pro 4G పేర్లతో మార్కెట్లో లాంచ్ అయ్యే అవకాశం ఉంది. విశేషమేమిటంటే ప్రస్తుతం ఈ స్మార్ట్ఫోన్లు FCC సర్టిఫికేషన్ వెబ్సైట్లో కనిపించాయి. ఈ లిస్టింగ్ ద్వారా డివైజెస్ కి సంబంధించిన కొన్ని స్పెసిఫికేషన్స్ రివీల్ అయ్యాయి. ఓసారి ఆ విశేషాలేంటో తెలుసుకుందాం పదండి.
POCO M6 Pro 4G, Redmi Note 13 Pro 4G FCC లిస్టింగ్
- POCO M6 Pro 4G డివైజ్ 2312FPCA6G అనే మోడల్ నంబర్ తో ఎఫ్సీసీ సర్టిఫికేషన్ వెబ్సైట్ పై లిస్ట్ అయ్యింది.
- 64ఎంపి ఓఐఎస్ కెమెరా, 8ఎంపి అల్ట్రావైడ్ యాంగిల్ లెన్స్ తో వస్తోన్న POCO M6 Pro 4G
- Redmi Note 13 Pro 4G (23117RA68G) కి రీబ్రాండ్ వర్షన్ గా POCO M6 Pro 4G వస్తున్నట్లు సమాచారం.
- ఎంఐయూఐ 14 కస్టమ్ స్కిన్, ఎన్ఎఫ్సీ సపోర్ట్ తో వస్తున్నట్లు లిస్ట్ ద్వారా తెలుస్తోంది.
- Redmi Note 13 Pro 4G విషయానికి వస్తే, 200ఎంపి ప్రైమరీ కెమెరా, 8ఎంపి అల్ట్రావైడ్ లెన్స్ తో వస్తోంది.
- Redmi Note 13 Pro 4G డివైజ్ ఎంఐయూఐ 14 కస్టమ్ స్కిన్ తో వస్తోంది.
Redmi Note 13 Pro 5G స్పెసిఫికేషన్స్ (చైనా)
- డిస్ప్లే: Redmi Note 13 Pro 5G లో 6.67-ఇంచ్ ఓఎల్ఈడీ స్క్రీన్, 1.5కే రెజుల్యూషన్, 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్, 1800 నిట్స్ పీక్ బ్రైట్నెస్ ఉన్నాయి.
- ప్రాసెసర్: Redmi Note 13 Pro 5G లో క్వాల్కమ్ స్నాప్ డ్రాగన్ 7 జెన్ 2 చిప్, అడ్రెనో 710 జీపీయూ ఉన్నాయి.
- మెమొరీ: Redmi Note 13 Pro 5G లో 16జిబి వరకు ర్యామ్, 512జిబి వరకు స్టోరేజీ ఉన్నాయి.
- కెమెరా: Redmi Note 13 Pro 5G లో ట్రిపుల్ రియర్ కెమెరా సెటప్ ఉంది. ఇందులో 200 ఎంపి ప్రైమరీ ఓఐఎస్ కెమెరా, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో లెన్స్ ఉన్నాయి. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఇచ్చారు.
- బ్యాటరీ: Redmi Note 13 Pro 5G లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంది. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Redmi Note 13 Pro 5G డివైజ్ ఆండ్రాయిడ్ 13 ఓఎస్ పై పని చేస్తుంది.
- ఇతర ఫీచర్లు: Redmi Note 13 Pro 5G లో డ్యూయల్ సిమ్ 5జీ, ఇన్-డిస్ప్లే ఫింగర్ ప్రింట్ స్కానర్, ఐపీ54 రేటింగ్ ఉన్నాయి.