ఆగస్టు 5 వ తేదీన భారత్ లో POCO M6 Pro 5G ఫోన్ లాంచ్ కానుంది. కంపెనీ అదే రోజున ఫోన్ యొక్క దర, స్పెసిఫికేషన్స్ ని రివీల్ చేయనుంది. కానీ, అంతకన్నా ముందే POCO M6 Pro 5G డివైజ్ ప్రధాన స్పెసిఫిషన్స్ తో పాటు ధర కూడా లీక్ అయ్యింది. టెక్ వెబ్సైట్ Pricebaba తన కథనంలో POCO M6 Pro 5G డివైజ్ స్పెసిఫికేషన్స్, ధరను రివీల్ చేసింది. మరి, ఆ విశేషాలేంటో తెలుసుకుందాం పదండి.
POCO M6 Pro 5G ధర (లీక్)
రిపోర్ట్ ప్రకారం, POCO M6 Pro 5G స్మార్ట్ ఫోన్ భారత్ లో 3 మెమొరీ వేరియంట్స్ లో లాంచ్ కానుంది. బేస్ వేరియంట్ అయిన 4జిబి ర్యామ్ + 64జిబి స్టోరేజీ మోడల్ ధర రూ.14,999 గా ఉంటుందని సమాచారం. మరో వేరియంట్ 4జిబి ర్యామ్ + 128జిబి స్టోరేజీతో రానుంది. దీని ధర రూ.15,999 గా ఉండే అవకాశం ఉంది. ఇక టాప్ వేరియంట్ 6జిబి ర్యామ్ + 128జిబి స్టోరేజీ ఆఫర్ చేస్తుంది. దీని ధర రూ.16,999 గా ఉండనుంది.
POCO M6 Pro 5G స్పెసిఫికేషన్స్ (లీక్)
- డిస్ప్లే: POCO M6 Pro 5G స్మార్ట్ ఫోన్ లో 6.79-ఇంచ్ ఫుల్ హెచ్డీ+ స్క్రీన్, ఐపీఎస్ ఎల్సీడీ ప్యానెల్, పంచ్-హోల్ కటౌట్, 20.5:9 యాస్పెక్ట్ రేషియో ఉంటాయి.
- ప్రాసెసర్: POCO M6 Pro 5G స్మార్ట్ ఫోన్ లో క్వాల్కమ్ స్నాప్ డ్రాగన్ 4 జెన్ 2 చిప్ ఉంటుంది. ఇదొక ఆక్టా-కోర్ చిప్. ఇటీవలె విడుదలైన Redmi 12 5G లో ఇదే చిప్ ని వాడారు.
- కెమెరా: POCO M6 Pro 5G లో ట్రిపుల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉంటాయి.
- బ్యాటరీ: POCO M6 Pro 5G స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది.