POCO సంస్థ POCO X5 Pro 5G స్మార్ట్ ఫోన్ ని త్వరలో భారత్ లో లాంచ్ చేయనుంది. ఈ నెలాఖరులో లేదా ఫిబ్రవరి మొదటి వారంలో ఈ ఫోన్ భారత్ లో లాంచ్ కానుంది. అయితే లాంచ్ కి ముందు పోకో ఎక్స్-సిరీస్ స్మార్ట్ ఫోన్ ఫస్ట్ లుక్ బయటకు వచ్చింది. భారత క్రికెటర్, అంతర్జాతీయ టీ20 జట్టు కెప్టెన్ హార్థిక్ పాండ్యా POCO X5 Pro 5G ఫోన్ ని వాడుతూ కనిపించాడు. దీనికి సంబంధించిన ఫోటోలు ప్రస్తుతం నెట్టింట్లో హల్ చల్ చేస్తున్నాయి. ఓసారి మీరు కూడా ఓ లుక్ వేయండి మరి.
హార్థిక్ పాండ్యా చేతిలో POCO X5 Pro 5G డివైజ్
పైన ఇమేజెస్ లో కనిపిస్తోన్న విధంగా, పాండ్యా POCO X5 Pro 5G యెల్లో కలర్ వేరియంట్ ని ఆపరేట్ చేస్తున్నాడు. ఇమేజ్ లో మనకు ట్రిపుల్ రియర్ కెమెరా సెటప్ కనిపిస్తోంది. డ్యూయల్ టోన్ రియర్ డిజైన్, భారీ కెమెరా మాడ్యూల్ ని మనం గమనించవచ్చు. పవర్ బటన్, ఫింగర్ ప్రింట్ స్కానర్ డివైజ్ కి కుడివైపున కనిపిస్తున్నాయి. పవర్ బటన్ లో ఫింగర్ ప్రింట్ స్కానర్ ఇంటిగ్రేడ్ చేయబడి ఉంది. అయితే ఇమేజెస్ లో ఫోన్ ఫ్రంట్ పార్ట్ కనిపించడం లేదు.
POCO X5 Pro 5G స్పెసిఫికేషన్స్ (అంచనా)
POCO X5 Pro 5G స్మార్ట్ ఫోన్ రెడ్మీ నోట్ 12 స్పీడ్ ఎడిషన్ కి రీబ్రాండ్ వర్షన్ గా మార్కెట్ లోకి వస్తోంది. రెడ్మీ నోట్ 12 స్పీడ్ ఎడిషన్ కొన్ని రోజుల క్రితం చైనాలో లాంచ్ అయ్యింది. ఇక రీబ్రాండెడ్ గా వస్తున్న మాట నిజమైతే గనుక POCO X5 Pro 5G యొక్క స్పెసిఫికేషన్స్ ఈ విధంగా ఉండనున్నాయి.
POCO X5 Pro 5G స్మార్ట్ ఫోన్ స్నాప్ డ్రాగన్ 778జి చిప్సెట్, 8జిబి ర్యామ్, 256జిబి స్టోరేజీ తో రానుంది. POCO X5 Pro 5G ట్రిపుల్ రియర్ కెమెరా సెటప్ తో వస్తోంది. ఇందులో 108 ఎంపి మెయిన్ కెమెరా, 8ఎంపి వైడ్ యాంగిల్ కెమెరా, 2ఎంపి మ్యాక్రో లెన్స్ ఉంటాయి. సెల్ఫీలు, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
పవర్ బ్యాకప్ కోసం POCO X5 Pro 5G లో 5500 ఎంఏహెచ్ బ్యాటరీ అందించారు. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది. ఇందులో చార్జింగ్ మరియు డేటా ట్రాన్స్ఫర్ కోసం టైప్-సీ పోర్ట్ అందించారు. POCO X5 Pro 5G ఫోన్ ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
