POCO X5 Pro 5G స్మార్ట్ ఫోన్ గత వారం భారత్ లో లాంచైంది. నేడు ఈ ఫోన్ సేల్ కి రానుంది. నేడు మధ్యాహ్నం 12 గంటల నుంచి POCO X5 Pro 5G సేల్ మొదలు కానుంది. ఆసక్తిగల వారు ఫ్లిప్ కార్ట్ ద్వారా ఈ ఫోన్ ని కొనుగోలు చేయవచ్చు. అందుబాటు ధరలో అద్భుతమైన ఫీచర్లతో POCO X5 Pro 5G మార్కెట్ లోకి వచ్చింది.
POCO X5 Pro 5G స్మార్ట్ ఫోన్ క్వాల్కమ్ స్నాప్ డ్రాగన్ 778జి చిప్సెట్ ని కలిగి ఉంది. ఈ ఫోన్ 6జిబి ర్యామ్, 8జిబి ర్యామ్ వేరియంట్స్ లో లభించనుంది. 108ఎంపి ఓఐఎస్ కెమెరా ఈ ఫోన్ లో హైలైట్ ఫీచర్ గా నిలుస్తోంది. అలాగే 5000 ఎంఏహెచ్ బ్యాటరీ, 67 వాట్ ఫాస్ట్ చార్జింగ్ సపోర్ట్ ఈ ఫోన్ లో ఉన్నాయి. సరే, ఓసారి POCO X5 Pro 5G లాంచ్ ఆఫర్స్, స్పెసిఫికేషన్స్ తదితర వివరాలు తెలుసుకుందాం పదండి.
భారత్ లో POCO X5 Pro 5G లాంచ్ ఆఫర్స్, లభ్యత
POCO X5 Pro 5G స్మార్ట్ ఫోన్ 6జిబి ర్యామ్ + 128జిబి స్టోరేజీ వేరియంట్ ధర రూ.22,999 గా ఉంది. 8జిబి ర్యామ్ + 256జిబి స్టోరేజీ యూనిట్ ధర రూ.24,999 గా ఉంది. హెచ్డీఎఫ్సీ, ఐసీఐసీఐ బ్యాంక్ క్రెడిట్ మరియు డెబిట్ కార్డ్స్ తో ఫోన్ ని కొనుగోలు చేస్తే రూ.2,000 వరకు డిస్కౌంట్ లభించనుంది.
ఎప్పటిలాగే, ఫ్లిప్కార్ట్ యాక్సిక్ క్రెడిట్ కార్డ్ యూజర్లు 5 శాతం క్యాష్ బ్యాక్ ని పొందుతారు. నేడు అనగా ఫిబ్రవరి 13 మధ్యాహ్నం 12 గంటల నుంచి POCO X5 Pro 5G ఫోన్ ఫ్లిప్ కార్ట్ ద్వారా సేల్ కి అందుబాటులోకి వస్తుంది.
POCO X5 Pro 5G స్పెసిఫికేషన్స్, ఫీచర్స్
POCO X5 Pro 5G స్మార్ట్ ఫోన్ లో 6.67-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 10-బిట్ డిస్ప్లే, 900 నిట్స్ పీక్ బ్రైట్నెస్, 50,00,000:1 కాంట్రాస్ట్ రేషియో ఉంటాయి. ఈ ఫోన్ డిస్ప్లే ప్యానెల్ డాల్బి విజన్, హెచ్డీఆర్10+ కి సపోర్ట్ చేస్తుంది.
POCO X5 Pro 5G స్మార్ట్ ఫోన్ క్వాల్కమ్ స్నాప్ డ్రాగన్ 778జి ప్రాసెసర్, అడ్రెనో 642ఎల్ జీపీయూ ని కలిగి ఉంటుంది. ఎల్పిడిడిఆర్4ఎక్స్ ర్యామ్, యూఎఫ్ఎస్ 2.2 స్టోరేజీ ఈ ఫోన్ లో అందించారు. డివైజ్ 6జిబి/8జిబి ర్యామ్ ఆప్షన్స్ లో లభిస్తుంది. POCO X5 Pro 5G స్మార్ట్ ఫోన్ ఆండ్రాయిడ్ 12 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తుంది.
POCO X5 Pro 5G లో ట్రిపుల్ రియర్ కెమెరా సెటప్ ఉంటుంది. ఇందులో 108ఎంపి ఓఐఎస్ మెయిన్ కెమెరా, 8ఎంపి అల్ట్రావైడ్ యాంగిల్ లెన్స్, 2ఎంపి మ్యాక్రో షూటర్ ఉంటాయి. సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా ఉంటుంది.
POCO X5 Pro 5G స్మార్ట్ ఫోన్ లో 5000 ఎంఏహెచ్ బ్యాటరీ ఉంటుంది. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది. చార్జింగ్ మరియు డేటా ట్రాన్స్ఫర్ కోసం టైప్-సీ పోర్ట్ అందించారు. భద్రత కోసం ఈ ఫోన్ లో సైడ్ మౌంటెడ్ ఫింగర్ ప్రింట్ స్కానర్ ఇచ్చారు. ఈ ఫోన్ లో 3.5ఎంఎం ఆడియో జాక్ కూడా ఉంది.
POCO X5 Pro 5G డివైజ్ 162.91 మిల్లీ మీటర్ల పొడవు, 76.03 మిల్లీ మీటర్ల వెడల్పు, 7.9 మిల్లీ మీటర్ల మందం, 181 గ్రాముల బరువు ఉంటుంది. డ్యూయల్ సిమ్, 5జీ, వై-ఫై 6, బ్లూటూత్ 5.1, జీపీఎస్, గ్లొనాస్, గెలీలియో వంటి కనెక్టివిటీ ఆప్షన్స్ ఈ ఫోన్ లో ఉన్నాయి. POCO X5 Pro 5G డివైజ్ ఐపీ53 స్ప్లాష్ అండ్ డస్ట్ రెసిస్టన్స్ రేటింగ్ తో వస్తోంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
