ఫిబ్రవరి 6న లాంచ్ అవుతోన్న POCO X5 Pro; స్పెసిఫికేషన్స్ తెలుసుకోండి!

త్వరలోనే భారత్ లో POCO X5 Pro ఫోన్ లాంచ్ కానుంది. ఇప్పటివరకు కంపెనీ POCO X5 Pro లాంచ్ తేదీని అధికారికంగా ప్రకటించలేదు. అయితే తాజాగా ఒక ప్రమోషనల్ బ్యానర్ ద్వారా POCO X5 Pro ఫోన్ ఫిబ్రవరి 6 న లాంచ్ అవుతున్నట్లు లీక్ బయటకు వచ్చియంది. ఇక ఈ ఫోన్ తో పాటు POCO X5 కూడా లాంచ్ అవ్వనుందని అంచనా వేస్తున్నారు.

POCO X5 Pro ఇండియా లాంచ్

POCO X5 Pro భారత్ లో ఫిబ్రవరి 6 న లాంచ్ అవుతున్నట్లు సమాచారం. అయితే కంపెనీ నుంచి అఫీషియల్ గా ఎటువంటి ప్రకటన రాలేదు. కానీ, బాలీవుడ్ మూవీ పఠాన్ చిత్ర ప్రదర్శన సమయంలో POCO X5 Pro కి సంబంధించిన ప్రకటన వచ్చింది. దీంతో లాంచ్ వివరాలు బయటకు వచ్చాయి. ఆ ప్రకటనలో లాంచ్ తేదీ, సమయం పేర్కొనబడ్డాయి. దాని ప్రకారం, POCO X5 Pro ఫిబ్రవరి 6 వ తేదీన సాయంత్రం 5.30 గంటలకు లాంచ్ అవుతోంది.

POCO X5 Pro ధర

ఒక లీక్ ప్రకారం, POCO X5 Pro స్మార్ట్ ఫోన్ ప్రారంభ ధర భారత్ లో రూ.21,000 గా ఉంటుందని సమాచారం. ఇది 6జిబి ర్యామ్, 128జిబి స్టోరేజీ వేరియంట్ ధర కాగా, 8జిబి ర్యామ్ + 256జిబి స్టోరేజీ వేరియంట్ ధర రూ.23,000 వరకు ఉండవచ్చని తెలుస్తోంది. అయితే లాంచ్ తర్వాత ధరల్లో మార్పు ఉండే అవకాశం ఉంది.

POCO X5 Pro స్పెసిఫికేషన్స్

POCO X5 Pro స్మార్ట్ ఫోన్ 6.67-ఇంచ్ ఫుల్ హెచ్డీ+ అమోలెడ్ డిస్ప్లే, 120 హెర్ట్జ్ రిఫ్రెష్ రేట్, 1200*1080 పిక్సెల్స్ రెజుల్యూషన్ తో వస్తోంది. ఈ ఫోన్ లో స్నాప్ డ్రాగన్ 778జి చిప్సెట్ వాడినట్లు సమాచారం. బెస్ట్ గేమింగ్ కోసం ఈ ఫోన్ లో 12 లేయర్ కూలింగ్ సిస్టమ్ ని అందిస్తున్నారు. ఎక్కువగా గేమింగ్ ఆడే వారికి ఇది ఎంతగానో ఉపయోగపడుతుంది. ఫోన్ వేడెక్కకుండా ఈ లేయర్ సాయపడుతుంది.

POCO X5 Pro లో ట్రిపుల్ రియర్ కెమెరా సెటప్ ఉంటుంది. ఇందులో 108ఎంపి శాంసంగ్ హెచ్ఎం2 ప్రైమరీ సెన్సర్ వాడినట్లు సమాచారం. దీంతో పాటు 8ఎంపి అల్ట్రావైడ్ కెమెరా, 2ఎంపి మ్యాక్రో లెన్స్ ఉంటాయి. ఇంకా సెల్ఫీస్, వీడియో కాల్స్ కోసం ఇందులో 16ఎంపి ఫ్రంట్ కెమెరా అందించారు.

భద్రత కోసం ఈ డివైజ్ లో సైడ్ మౌంటెడ్ ఫింగర్ ప్రింట్ సెన్సర్ ఇస్తున్నారు. పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది. డ్యూయల్ సిమ్, 5జీ, 4జీ, బ్లూటూత్, వై-ఫై, 3.5ఎంఎం ఆడియో జాక్, ఎక్స్-యాక్సిస్ లీనియర్ మోటర్ వంటి ఫీచర్స్ ఈ ఫోన్ లో ఉన్నాయి.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.