బాలీవుడ్ సినిమా పఠాన్ థియేటర్లలో ప్రదర్శితమవుతోన్న సమయంలో మధ్యలో POCO X5 Pro కి సంబంధించిన ఒక ప్రకటన వచ్చింది. ఈ ప్రకటన ద్వారా POCO X5 Pro డివైజ్ లాంచ్ తేదీ రివీల్ అయ్యింది. ఈ స్మార్ట్ ఫోన్ భారత్ లో ఫిబ్రవరి 6 వ తేదీన సాయంత్రం 5.30 గంటలకు లాంచ్ అవుతోంది. ఈ ఫోన్ ఫ్లిప్ కార్ట్ ద్వారా సేల్ కి రానుంది.
గతేడాది పోకో నుంచి వచ్చిన POCO X4 Pro కి సక్సెసర్ గా POCO X5 Pro మార్కెట్ లోకి వస్తోంది. చైనాలో ఇటీవలె లాంచ్ అయిన Redmi Note 12 Speed Edition కి రీబ్రాండ్ వర్షన్ గా POCO X5 Pro లాంచ్ కాబోతున్నట్లు సమాచారం.
POCO X5 Pro స్మార్ట్ ఫోన్ యొక్క మైక్రోసైట్ ద్వారా తెలుస్తోన్న విషయం ఏంటంటే, ఇది క్వాల్కమ్ స్నాప్ డ్రాగన్ 778జి ప్రాసెసర్ తో వస్తోంది. ఈ ఫోన్ AnTuTu బెంచ్ మార్క్ స్కోర్ 545k+ గా ఉంది. బడ్జెట్ సెగ్మెంట్ లో ఈ స్మార్ట్ ఫోన్ బెస్ట్ ఆప్షన్ గా నిలవనుంది.
POCO X5 Pro స్పెసిఫికేషన్స్ (అంచనా)
POCO X5 Pro స్మార్ట్ ఫోన్ 6.67-ఇంచ్ ఫుల్ హెచ్డీ+ ఓఎల్ఈడీ డిస్ప్లే, 1080*2400 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్ తో వస్తోంది. ఈ ఫోన్ లో స్నాప్ డ్రాగన్ 778జి చిప్సెట్ వాడినట్లు సమాచారం. గ్రాఫిక్స్ కోసం అడ్రెనో జీపీయూ వాడారు.
రీసెంట్ రిపోర్ట్ ద్వారా POCO X5 Pro యొక్క ర్యామ్, స్టోరేజీ, ధర వివరాలు రివీల్ అయ్యాయి. POCO X5 Pro భారత్ లో మొత్తం 3 వేరియంట్స్ లో లభించనుంది. 6జిబి ర్యామ్ + 128జిబి స్టోరేజీ, 8జిబి + 128జిబి, 8జిబి + 256జిబి వేరియంట్స్ లో ఫోన్ లభించనుంది. POCO X5 Pro ఫోన్ ధర రూ.21,000 నుంచి రూ.23,000 మధ్య ఉంటుందని అంచనా.
POCO X5 Pro స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది. వచ్చే వారంలో POCO X5 Pro యొక్క లభ్యత, ఇతర వివరాలు తెలియనున్నాయి.
POCO X5 Pro లో 108ఎంపి ప్రైమరీ కెమెరా, 8ఎంపి అల్ట్రావైడ్ కెమెరా, 2ఎంపి మ్యాక్రో కెమెరా ఈ ఫోన్ లో ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా అందించారు.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.