హైలైట్స్
- Realme 10 4G స్మార్ట్ ఫోన్ ని గ్లోబల్ గా లాంచ్ చేసిన రియల్మీ సంస్థ
- మీడియాటెక్ హీలియో జీ99 చిప్, 8జిబి ఆన్బోర్డ్ ర్యామ్, 8జిబి వర్చువల్ ర్యామ్ తో వచ్చిన Realme 10
- త్వరలోనే భారత మార్కెట్ లో అడుగు పెట్టనున్న Realme 10
గత కొన్ని రోజులుగా ఊరిస్తోన్న Realme 10 లాంచ్ సమయం వచ్చేసింది. నేడు ఈ ఫోన్ ని Realme 10 గ్లోబల్ గా లాంచ్ చేసింది. త్వరలోనే భారత మార్కెట్ లోకి కూడా ఈ ఫోన్ అడుగు పెట్టబోతోంది. Realme 10 మీడియాటెక్ హీలియో జీ99 చిప్సెట్, 8జిబి + 8జిబి ర్యామ్, 90 హెర్ట్జ్ రిఫ్రెష్ రేట్ వంటి స్పెసిఫికేషన్స్ తో వచ్చింది. మరి Realme 10 యొక్క ధర, ఇతర స్పెసిఫికేషన్స్ ఎలా ఉన్నాయో తెలుసుకుందాం పదండి.
Realme 10 స్పెసిఫికేషన్స్
Realme 10 స్మార్ట్ ఫోన్ 6.5-ఇంచ్ ఫుల్ హెచ్డీ+ సూపర్ అమోలెడ్ డిస్ప్లే, 2400*1080 పిక్సెల్స్ రెజుల్యూషన్ తో లాంచ్ అయ్యింది. ఇందులో పంచ్-హోల్ స్టైల్ కటౌట్ ఉంది. 90 హెర్ట్జ్ రిఫ్రెష్ రేట్, 360 హెర్ట్జ్ టచ్ శాంప్లింగ్ రేట్ ఇందులో ఉన్నాయి. ఇక డిజైన్ విషయానికి వస్తే, మూడు వైపులా బెజెల్-లెస్ గా, బాటమ్ లో కాస్త చిన్ ఉన్నాయి. Realme 10 డిస్ప్లే 1000 నిట్స్ బ్రైట్నెస్, కార్నింగ్ గొరిల్లా గ్లాస్ 5 ప్రొటెక్షన్ ని కలిగి ఉంది.
Realme 10 స్మార్ట్ ఫోన్ లేటెస్ట్ ఆండ్రాయిడ్ ఓఎస్ ఆధారిత రియల్మీ కస్టమ్ స్కిన్ పై పని చేస్తుంది. Realme 10 లో మీడియాటెక్ హీలియో జీ99 చిప్సెట్ అమర్చారు. ఈ రియల్మీ డివైజ్ 8జిబి డైనమిక్ ర్యామ్ కి సపోర్ట్ చేస్తుంది. దీంతో ఆన్బోర్డ్ 8జిబి ర్యామ్ తో కలిపి మొత్తంగా 16జిబి ర్యామ్ లభించనుంది. ఈ స్మార్ట్ ఫోన్ ఎల్పీడీడీఆర్4ఎక్స్ ర్యామ్, యూఎఫ్ఎస్ 2.2 స్టోరేజీ టెక్నాలజీని కలిగి ఉంది.
Realme 10 స్మార్ట్ ఫోన్ కెమెరా విభాగం గురించి ఇప్పుడు తెలుసుకుందాం. Realme 10 డివైజ్ లో డ్యూయల్ రియర్ కెమెరా సెటప్ ఉంది. ఇందులో 50 మెగా పిక్సెల్ ప్రైమరీ కెమెరా, ఎల్ఈడీ ఫ్లాష్లైట్ ఉన్నాయి. వీటికి తోడు 2 మెగా పిక్సెల్ బ్లాక్ అండ్ వైట్ సెన్సర్ ఇచ్చారు. సెల్ఫీలు, వీడియో కాల్స్ కోసం Realme 10 లో 16 మెగాపిక్సెల్ ఫ్రంట్ కెమెరా అందించారు. పవర్ బ్యాకప్ కోసం Realme 10 లో 5000 ఎంఏహెచ్ బ్యాటరీ అందించారు. ఇది 33 వాట్ ఫాస్ట్ చార్జింగ్ సపోర్ట్ కలిగి ఉంది.
Realme 10 ధర
Realme 10 స్మార్ట్ ఫోన్ మొత్తం 5 వేరియంట్లలో లాంచ్ అయ్యింది. బేస్ వేరియంట్ 4జిబి ర్యామ్ + 64జిబి స్టోరేజీ మోడల్ ధర 229 డాలర్లు (సుమారు రూ. 18,500) గా ఉంది. 4జిబి ర్యామ్ + 128జిబి స్టోరేజీ వేరియంట్ ధర 249 డాలర్లు (సుమారు రూ.20,200) గా ఉంది. 6జిబి ర్యామ్ + 128జిబి స్టోరేజీ యూనిట్ ధర 269 డాలర్లు (సుమారు రూ.21,900) గా ఉంది. 8జిబి ర్యామ్ + 128జిబి స్టోరేజీ వేరియంట్ ధర 279 డాలర్లు (సుమారు రూ.22,700), 8జిబి ర్యామ్ + 256జిబి స్టోరేజీ మోడల్ ధర 299 డాలర్లు (సుమారు రూ.24,300) గా ఉంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.
