హైలైట్స్
- డిసెంబర్ 8 న లాంచ్ అవుతోన్న Realme 10 Pro 5G సిరీస్
- అదే రోజున రియల్మీ 10 4జీ, రియల్మీ 10 5జీ లాంచ్ అవ్వకపోవచ్చు
- కర్వ్డ్ అమోలెడ్ డిస్ప్లే తో రానున్న టాప్ వేరియంట్ Realme 10 Pro+
Realme 10 Pro సిరీస్ ఇండియా లాంచ్ తేదీ అధికారికంగా వెల్లడైంది. రీసెంట్ గా ఈ సిరీస్ చైనాలో లాంచ్ అయ్యింది. ఈ సిరీస్ లో రెండు మోడల్స్ ఉంటాయి. అవి: Realme 10 Pro మరియు Realme 10 Pro+. భారత్ లో ఈ రెండు స్మార్ట్ ఫోన్లు డిసెంబర్ 8 న మధ్యాహ్నం 12.30 గంటలకు లాంచ్ కానున్నాయి. ఈ విషయాన్ని అధికారికంగా కంపెనీయే ప్రకటించింది. అయితే ఈ లాంచ్ ఈవెంట్ లో స్టాండర్డ్ వేరియంట్స్ ఎంట్రీ ఇచ్చే అవకాశం లేకపోవచ్చు.
Realme 10 Pro+ మీడియాటెక్ డైమెన్సిటీ 1080 ప్రాసెసర్ తో వస్తోంది. అమోలెడ్ డిస్ప్లే, 120 హెర్ట్జ్ రిఫ్రెష్ రేట్, ఆండ్రాయిడ్ 13 ఓఎస్, 108 ఎంపి కెమెరా, 67 వాట్ ఫాస్ట్ చార్జింగ్ సపోర్ట్ వంటి ఇతర ముఖ్య స్పెసిఫికేషన్స్ ఈ ఫోన్ లో ఉన్నాయి.
Realme 10 Pro 5G స్పెసిఫికేషన్స్
Realme 10 Pro 5G స్మార్ట్ ఫోన్ లో 6.72-ఇంచ్ ఫుల్ హెచ్డీ+ ఎల్సీడీ డిస్ప్లే, 2400*1080 పిక్సెల్ రెజుల్యూషన్ ఉంది. పంచ్ హోల్ కటౌట్ తో వచ్చిన ఈ ఫోన్ 120 హెర్ట్జ్ రిఫ్రెష్ రేట్, 240 హెర్ట్జ్ టచ్ శాంప్లింగ్ రేట్ ని కలిగి ఉంది. ఈ ఫోన్ స్క్రీన్ 680 నిట్స్ బ్రైట్నెస్, 1400:1 కాంట్రాస్ట్ రేషియో, 16.7 మిలియన్ కలర్, 391 పీపీఐ పిక్సెల్ డెన్సిటీ కలిగి ఉంది.
Realme 10 Pro 5G ఆండ్రాయిడ్ 12 ఓఎస్ ఆధారిత రియల్మీ యూఐ 4 కస్టమ్ స్కిన్ పై పని చేస్తుంది. Realme 10 Pro 5G డివైజ్ లో క్వాల్కమ్ స్నాప్ డ్రాగన్ 695 చిప్సెట్ వాడారు. ఇది 6 నానో మీటర్ ఫాబ్రికేషన్ పై తయారైన ఆక్టాకోర్ ప్రాసెసర్. ఈ ప్రాసెసర్ 2.2 గిగాహెర్ట్జ్ క్లాక్ స్పీడ్ ని కలిగి ఉంది. Realme 10 Pro 5G స్మార్ట్ ఫోన్ 8జిబి వర్చువల్ ర్యామ్ టెక్నాలజీతో వస్తోంది. దీంతో 20 జిబి వరకు ర్యామ్ ని పెంచుకోవచ్చు.
Realme 10 Pro 5G యొక్క కెమెరా విభాగం గురించి తెలుసుకుందాం. Realme 10 Pro 5G లో 108ఎంపి మెయిన్ కెమెరా, ఎల్ఈడీ ఫ్లాష్, 2 మెగా పిక్సెల్ పొట్రెయిట్ లెన్స్ ఉన్నాయి. సెల్ఫీలు, వీడియో కాల్స్ కోసం 16 మెగా పిక్సెల్ ఫ్రంట్ కెమెరా అందించారు. Realme 10 Pro 5G స్మార్ట్ ఫోన్ లో 5జీ, 4జీ ఎల్టీఈ, డ్యూయల్-బ్యాండ్ వై-ఫై, బ్లూటూత్, జీపీఎస్, యూఎస్బీ టైప్ సీ పోర్ట్ వంటి కనెక్టివిటీ ఆప్షన్స్ ఉన్నాయి. ఈ ఫోన్ లో 5000 ఎంఏహెచ్ బ్యాటరీ ఉంది. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
Realme 10 Pro+ 5G స్పెసిఫికేషన్స్
Realme 10 Pro+ స్మార్ట్ ఫోన్ లో 6.7-ఇంచ్ ఫుల్ హెచ్డీ+ కర్వ్డ్ అమోలెడ్ డిస్ప్లే, 2412*1080 పిక్సెల్ రెజుల్యూషన్ ఉన్నాయి. 120 హెర్ట్జ్ రిఫ్రెష్ రేట్, 360 హెర్ట్జ్ టచ్ శాంప్లింగ్ రేట్ కి ఈ డిస్ప్లే సపోర్ట్ చేస్తుంది. 1.07 బిలియన్ కలర్ సపోర్ట్, 100 శాతం కలర్ గేముత్ డీసీఐ-పీ3, 800 నిట్స్ బ్రైట్నెస్, 5000000:1 కాంట్రాస్ట్ రేషియో వంటి ఫీచర్స్ Realme 10 Pro+ డిస్ప్లే లో ఉన్నాయి.
Realme 10 Pro+ స్మార్ట్ ఫోన్ ఆండ్రాయిడ్ 13 ఓఎస్ ఆధారిత రియల్మీ యూఐ 4.0 కస్టమ్ స్కిన్ పై పని చేస్తుంది. ఈ ఫోన్ లో మీడియాటెక్ డైమెన్సిటీ 1080 ప్రాసెసర్ వాడారు. ఇది 6 నానో మీటర్ ప్రాసెస్ పై తయారైన 64బిట్ ఆక్టాకోర్ చిప్. 2.6 గిగాహెర్ట్జ్ క్లాక్ స్పీడ్ ని ఈ ప్రాసెసర్ కలిగి ఉంది. గ్రాఫిక్స్ కోసం ఈ ఫోన్ లో మాలి-జీ68 జీపీయూ ని వాడారు.
Realme 10 Pro+ కెమెరా విభాగం గురించి తెలుసుకుందాం. Realme 10 Pro+ లో ట్రిపుల్ రియర్ కెమెరా సెటప్ ఉంది. ఇందులో 108 మెగా పిక్సెల్ మెయిన్ కెమెరా, 8 మెగా పిక్సెల్ అల్ట్రా వైడ్ యాంగిల్ లెన్స్, 2 మెగా పిక్సెల్ మ్యాక్రో సెన్సర్ ఉన్నాయి. సెల్ఫీలు, వీడియో కాల్స్ కోసం ఇందులో 16 మెగా పిక్సెల్ కెమెరా అందించారు.
Realme 10 Pro+ లో 5000 ఎంఏహెచ్ బ్యాటరీ ఉంది. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది. 17 నిమిషాల్లో ఈ మొబైల్ ఫోన్ 50 శాతం చార్జ్ అవుతుందని కంపెనీ చెబుతోంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.