లాంచ్ కి ముందు రివీల్ అయిన Realme 10 Pro+ 5G డిస్ప్లే ఫీచర్స్

హైలైట్స్

• నవంబర్ 17 న చైనాలో లాంచ్ కానున్న Realme 10 Pro+ 5G
• ఈ లైనప్ ఉండే ఫోన్స్ ఇవే: Realme 10, Realme 10 Pro 5G, Realme 10 Pro+ 5G
• Realme 10 Pro+ 5G డిస్ప్లే ఫీచర్లను రివీల్ చేసిన కంపెనీ

Realme 10 సిరీస్ ని లాంచ్ చేసేందుకు రియల్మీ కంపెనీ రెడీ అవుతోంది. ఈ సిరీస్ తొలుత చైనాలో లాంచ్ అవుతోంది. Realme 10 సిరీస్ లో Realme 10, Realme 10 Pro 5G, Realme 10 Pro+ 5G మోడల్స్ ఉంటాయి. నవంబర్ 17 న మధ్యాహ్నం గంటలకు ఈ సిరీస్ లాంచ్ కానుంది. లాంచ్ కి ముందు, రియల్మీ కంపెనీ Realme 10 Pro+ 5G యొక్క డిస్ప్లే ఫీచర్లను రివీల్ చేసింది. ఈ ఫోన్ కర్వ్డ్ డిస్ప్లే తో రానుంది. మరి ఆ వివరాలేంటో తెలుసుకుందాం.

Realme 10 Pro+ 5G డిస్ప్లేని టీజ్ చేసిన రియల్మీ

పైన కనిపిస్తోన్న ప్రమోషనల్ పోస్టర్ లో Realme 10 Pro+ 5G యొక్క ఫ్రంట్ పార్ట్ కనిపిస్తోంది. డివైజ్ సెంటర్డ్-పంచ్ హోల్ కటౌట్ తో వస్తోంది. ఇందులో సెల్ఫీ కెమెరా కనిపిస్తోంది. Realme 10 Pro+ 5G చిన్ తక్కువగానే ఉంది. మార్కెట్ లో అందుబాటులో ఉన్న బడ్జెట్ ఫ్లాగ్షిప్స్ తో ఈ ఫోన్ పోటీ పడనుంది. Realme 10 Pro+ 5G లో 2.33 ఎంఎం సన్నని చిన్ ఉంటుంది. దీని వల్లన కంపెనీ యొక్క కస్టమైజ్డ్ సీఓపీ అల్ట్రా ప్యాకెజింగ్ ప్రాసెస్ సులభమవుతుంది.

Realme 10 Pro+ 5G 61-డిగ్రీ కర్వ్డ్ డిస్ప్లే ని కలిగి ఉంది. ఇది 120 హెర్ట్జ్ రిఫ్రెష్ రేట్ తో వస్తోంది. రియల్మీ అభివృద్ధి చేసిన ఎక్స్-టచ్ యాంటీ-ఆక్సిడెంటల్ టచ్ ఆల్గారిథమ్ తో వస్తోంది.

Realme 10 Pro+ 5G స్పెసిఫికేషన్స్ (అంచనా)

Realme 10 Pro+ 5G స్మార్ట్ ఫోన్ 6.7-ఇంచ్ ఫుల్ హెచ్డీ+ కర్వ్డ్ డిస్ప్లే, 120 హెర్ట్జ్ రిఫ్రెష్ రేట్ ని కలిగి ఉంది. Realme 10 Pro+ 5G లో మీడియాటెక్ డైమెన్సిటీ 1080 ప్రాసెసర్ ని వినియోగించారు. ఈ ఫోన్ 8జిబి ర్యామ్, 128జిబి స్టోరేజీని కలిగి ఉంటుంది.

ఇప్పుడు Realme 10 Pro+ 5G యొక్క కెమెరా విభాగం గురించి తెలుసుకుందాం. Realme 10 Pro+ 5G లో ట్రిపుల్ రియర్ కెమెరా సెటప్ ఉంటుంది. ఇందులో 108 మెగా పిక్సెల్ మెయిన్ కెమెరా, 8 మెగా పిక్సెల్ అల్ట్రావైడ్ యాంగిల్ లెన్స్, 2 మెగా పిక్సెల్ మ్యాక్రో కెమెరా ఉంటాయి. సెల్ఫీలు, వీడియో కాల్స్ కోసం ఇందులో 16 ఎంపి ఫ్రంట్ కెమెరా అందించారు.

Realme 10 Pro+ 5G 5000 ఎంఏహెచ్ బ్యాటరీ తో వస్తోంది. ఇది 67 వాట్ ఫాస్ట్ చార్జింగ్ సపోర్ట్ ని కలిగి ఉంది. Realme 10 Pro+ 5G ఆండ్రాయిడ్ 13 ఓఎస్ ఆధారిత రియల్మీ యూఐ 3 కస్టమ్ స్కిన్ పై పని చేస్తుంది. Realme 10 Pro+ 5G ధర ఇతర వివరాలు త్వరలోనే తెలియనున్నాయి.