చైనాలో ఇటీవలె లాంచైన Realme 11 Pro సిరీస్ త్వరలోనే భారత్ లోకి ఎంట్రీ ఇచ్చేందుకు సిద్ధమవుతోంది. అయితే కంపెనీ ఇంకా అధికారికంగా లాంచ్ తేదీని ప్రకటించలేదు. లాంచ్ కి ముందు, టిప్స్టర్ సుదాన్శు అంభోరే లాంచ్ తేదీ, ర్యామ్ వివరాలు, కలర్ ఆప్షన్స్ తదితర విషయాలను పంచుకున్నారు. ఆయన లీక్ చేసిన Realme 11 Pro సిరీస్ విశేషాలేంటో తెలుసుకుందా పదండి.
Realme 11 Pro ఇండియా లాంచ్ తేదీ, లభ్యత (అంచనా)
టిప్స్టర్ చెబుతున్న దాన్ని బట్టి, Realme 11 Pro జూన్ 8 న భారత్ లో లాంచ్ కానుంది. ఈ సిరీస్ తో పాటు Realme Buds Air 5 Pro టీడబ్ల్యూఎస్ కూడా లాంచ్ అవుతుందని టిప్స్టర్ తెలిపారు.
భారత్ లో Realme 11 Pro సిరీస్ లాంచ్ తేదీని రియల్మీ సంస్థ ఇంకా ప్రకటించాల్సి ఉంది. ఇకపోతే లాంచ్ తర్వాత Realme 11 Pro సిరీస్ ఫ్లిప్ కార్ట్ ద్వారా సేల్ కి వస్తుందని తెలుస్తోంది.
Realme 11 Pro స్టోరేజీ కన్ఫిగరేషన్స్ (లీక్)
Realme 11 Pro
- స్టోరేజీ: బేస్ మోడల్ మూడు స్టోరేజీ వేరియంట్స్ లో లభిస్తుంది. అవి: 8జిబి+128జిబి, 12జిబి+256జిబి మరియు 8జిబి+256జిబి.
- కలర్స్: ఈ స్మార్ట్ ఫోన్ సన్రైజ్ బీజ్, ఒయాసిస్ గ్రీన్, ఆస్ట్రల్ బ్లాక్ కలర్ ఆప్షన్స్ లో లభించనుంది.
Realme 11 Pro+
- స్టోరేజీ: Realme 11 Pro+ డివైజ్ 8జిబి+256జిబి మరియు 12జిబి+256జిబి వేరియంట్స్ లో లభిస్తుంది.
- కలర్స్: ఇది సన్రైజ్ బీజ్, ఒయాసిస్ గ్రీన్, ఆస్ట్రల్ బ్లాక్ కలర్ ఆప్షన్స్ లో లభిస్తుంది.
Realme 11 Pro సిరీస్ భారత మార్కెట్ ధర (అంచనా)
రీసెంట్ రిపోర్ట్ ప్రకారం, Realme 11 Pro ధర రూ.22,000 నుంచి రూ.23,000 మధ్య ఉంటుందని తెలుస్తోంది. మరోవైపు Realme 11 Pro+ డివైజ్ ధర రూ.28,000 నుంచి రూ.29,000 మధ్య ఉంటుందని అంచనా వేస్తున్నారు. తాజా సమాచారం ప్రకారం, ఈ ధరలు ప్రారంభ ధరలు మాత్రమేనని తెలుస్తోంది.
