ప్రముఖ స్మార్ట్ ఫోన్ బ్రాండ్ రియల్మీ త్వరలో మిడ్-రేంజ్ సెగ్మెంట్ లో ఒక స్మార్ట్ ఫోన్ ని లాంచ్ చేసేందుకు సిద్ధమవుతోంది. ఈ డివైజ్ ని షావోమి యొక్క రెడ్మీ నోట్ 12 సిరీస్ కి పోటీగా తీసుకొస్తున్నట్లు సమాచారం. ఈ ఏడాది మే నెలలో తన కొత్త లైనప్ లో రియల్మీ కంపెనీ Realme 11 Pro+, Realme 11 Pro డివైజెస్ ని లాంచ్ చేయనుంది. ఇప్పుడు చైనీస్ సోషల్ మీడియా ప్లాట్ఫామ్ వీబో పై రియల్మీ కంపెనీ మార్కెటింగ్ డైరెక్టర్ ఓ విషయాన్ని వెల్లడించారు. రాబోవు రియల్మీ సిరీస్ డెడికేటెడ్ మూన్ మోడ్ తో వస్తున్నట్లు ఆయన తెలిపారు.
Realme 11 Pro+ గురించి ఇప్పటివరకు తెలిసినవి
Realme 11 Pro+ డివైజ్ లో మూన్ మోడ్ ని తీసుకొస్తుండటం ఆసక్తికరంగా మారింది. అయితే ఇప్పటి వరకు కంపెనీ ఈ ఫోన్ లో టెలీఫోటో కెమెరా యూనిట్ ని తీసుకొస్తున్నట్లు వెల్లడించలేదు. ఇప్పుడు, ఈ స్మార్ట్ ఫోన్ జూమ్ ఫీచర్ తో వస్తున్నట్లు తెలుస్తోంది. ఇది శాంసంగ్ తీసుకొచ్చిన స్పేస్ జూమ్ ఫీచర్ తరహాలో ఉంటుంది. శాంసగ్ తన ఫ్లాగ్ఫిప్ గెలాక్సీ ఎస్-సిరీస్ కోసం ఈ ఫీచర్ తీసుకొచ్చింది. గెలాక్సీ ఎస్21 అల్ట్రా నుంచి ఈ ఫీచర్ అందుబాటులో ఉంది.
అయితే రియల్మీ తీసుకొచ్చే ఫీచర్ ఎలా పని చేస్తుందో ఇంకా స్పష్టత లేదు. ఇండస్ట్రీ ట్రెండ్స్ ని బట్టి, Realme 11 Pro+ లో టెలీఫోటో కెమెరా యూనిట్ ని రియల్మీ తీసుకురాబోతున్నట్లు తెలుస్తోంది. దీనికి తోడుగా ఏఐ అల్గారిథమ్స్, సాఫ్ట్వేర్ ఇంప్రూవ్మెంట్స్ తో జూమ్ పెర్ఫామెన్స్ ని ఆప్టిమైజ్ చేయనున్నట్లు సమాచారం. ప్రత్యేకించి చందమామ ఫోటోను తీసుకునేందుకు ఈ అప్గ్రేడ్స్ ఉపయోగపడనున్నాయి. ప్రస్తుతానికైతే మూన్ మోడ్ ఫీచర్ వివరాలు రహస్యంగానే ఉన్నాయి.
Realme 11 Pro+ స్పెసిఫికేషన్స్ (అంచనా)
డిస్ప్లే
- Realme 11 Pro+ స్మార్ట్ ఫోన్ లో 6.7-ఇంచ్ ఫుల్ హెచ్డీ+ డిస్ప్లే, అమోలెడ్ లేదా ఓఎల్ఈడీ ప్యానెల్, 120 హెర్ట్జ్ రిఫ్రెష్ రేట్ ఉండే అవకాశం ఉంది.
చిప్సెట్
- Realme 11 Pro+ స్మార్ట్ ఫోన్ మీడియాటెక్ డైమెన్సిటీ 7000 సిరీస్ ప్రాసెసర్ తో రానున్నట్లు సమాచారం. ఇది 2.6 గిగాహెర్ట్జ్ క్లాక్ స్పీడ్ కలిగిన చిప్ అని తెలుస్తోంది. ఈ ఫోన్ లో 16జిబి ర్యామ్, 1టిబి స్టోరేజీ ఉంటాయని అంచనా.
కెమెరా
- Realme 11 Pro+ స్మార్ట్ ఫోన్ లో 200 ఎంపి ట్రిపుల్ రియర్ కెమెరా సెటప్ ఉంటుందని సమాచారం. సెల్ఫీస్, వీడియో కాల్స్ కోసం ఈ డివైజ్ లో 16ఎంపి ఫ్రంట్ కెమెరా ఉండే అవకాశం ఉంది.
బ్యాటరీ, ఫాస్ట్ చార్జింగ్
- Realme 11 Pro+ స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉండే అవకాశం ఉంది. ఈ డివైజ్ 100 వాట్ ఫాస్ట్ చార్జింగ్ సపోర్ట్ తో రానుందని అంచనా.
ఓఎస్
- Realme 11 Pro+ స్మార్ట్ ఫోన్ ఆండ్రాయిడ్ 13 ఓఎస్ ఆధారిత రియల్మీ కస్టమ్ స్కిన్ పై పని చేయనుంది.
రియల్మీ సంస్థ Realme 11 Pro+ డివైజ్ ని తొలుత చైనాలో లాంచ్ చేసి, తర్వాత భారత మార్కెట్ లోకి విడుదల చేస్తుందని అంచనా. ఈ డివైజ్ రియల్మీ 10 ప్రో+ డివైజ్ ని రిప్లేస్ చేయనుంది. ప్రస్తుతం రియల్మీ 10 ప్రో+ ధర భారత్ లో రూ.24,999 గా ఉంది. అంటే Realme 11 Pro+ ధర రూ.30,000 కి కాస్త అటు ఇటూగా ఉండే అవకాశం ఉంది.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.