ప్రముఖ స్మార్ట్ ఫోన్ బ్రాండ్ రియల్మీ త్వరలోనే Realme 11 సిరీస్ ని లాంచ్ చేసేందుకు సిద్ధమవుతోంది. తొలుత ఈ సిరీస్ చైనాలో లాంచ్ కానుంది. తర్వాత ఇతర మార్కెట్స్ లోకి ఎంట్రీ ఇవ్వనుంది. ఈ లైనప్ లో మొత్తం 3 మోడల్స్ లాంచ్ కానున్నట్లు సమాచారం. ఈ సిరీస్ మే నెలలో లాంచ్ కానుందని కంపెనీ వెల్లడించింది. రీసెంట్ గా ఈ లైనప్ లోని Realme 11 5G, Realme 11 Pro 5G ఫోన్లు బ్యూరో ఆఫ్ ఇండియన్ స్టాండర్స్ వెబ్ సైట్ లో కనిపించాయి. దీంతో ఈ సిరీస్ భారత్ లో కూడా లాంచ్ కానున్నట్లు స్పష్టమైంది.
తాజాగా రియల్మీ సంస్థ Realme 11 సిరీస్ లాంచ్ కి సంబంధించిన పోస్టర్ ని షేర్ చేసింది. దీంతో ఈ సిరీస్ మే నెలలో లాంచ్ కానుందని స్పష్టత వచ్చింది. అయితే కంపెనీ ఈ సిరీస్ పేరుని తన పోస్టర్ లో పేర్కొనలేదు. అయితే Realme 11 5G, Realme 11 Pro 5G, Realme 11 Pro 5G త్వరలోనే లాంచ్ కానున్నాయని ఓవైపు చర్చ మొదలైంది.
Realme 11 Pro 5G, Realme 11 Pro+ 5G స్పెసిఫికేషన్స్
- 6.7-ఇంచ్ అమోలెడ్ డిస్ప్లే
- 120 హెర్ట్జ్ రిఫ్రెష్ రేట్
- మీడియాటెక్ డైమెన్సిటీ 7200 చిప్సెట్
లీక్స్ మరియు వివిధ మీడియా కథనాలను బట్టి, Realme 11 Pro 5G, Realme 11 Pro+ 5G ఫోన్లలో 6.7-ఇంచ్ పంచ్-హోల్ డిస్ప్లే ఉండనుందని తెలుస్తోంది. ఈ స్క్రీన్ అమోలెడ్ ప్యానెల్ పై తయారైంది. 120 హెర్ట్జ్ రిఫ్రెష్ రేట్ కి ఈ డిస్ప్లే సపోర్ట్ చేస్తుంది. ప్రాసెసింగ్ కోసం ఈ ఫోన్లలో మీడియాటెక్ డైమెన్సిటీ 7200 చిప్సెట్ వాడనున్నట్లు సమాచారం.
- 200ఎంపి రియర్ కెమెరా (ప్రో+)
- 100ఎంపి రియర్ కెమెరా (ప్రో)
- 16ఎంపి ఫ్రంట్ కెమెరా
ఫోటోగ్రఫీ కోసం Realme 11 Pro+ 5G డివైజ్ లో 200ఎంపి భారీ మెయిన్ కెమెరా ఇవ్వనున్నట్లు తెలుస్తోంది. దీంతో పాటు 8ఎంపి అల్ట్రావైడ్ కెమెరా, 2ఎంపి మ్యాక్రో సెన్సర్ ఉండే అవకాశం ఉంది.
మరోవైపు Realme 11 Pro 5G స్మార్ట్ ఫోన్ లో కూడా ట్రిపుల్ రియర్ కెమెరా సెటప్ ఉండనుంది. ఇందులో 100ఎంపి మెయిన్ సెన్సర్ ఉంటుందని అంచనా. ఇతర రియర్ సెన్సర్స్ సమాచారం ఇంకా లభించలేదు. అయితే సెల్ఫీస్, వీడియో కాల్స్ కోసం ఇందులో 16ఎంపి ఫ్రంట్ కెమెరా ఉంటుందని వార్తలు వినిపిస్తున్నాయి.
- 6జిబి ర్యామ్
- 1టిబి స్టోరేజీ
- 5,000 ఎంఏహెచ్ బ్యాటరీ
Realme 11 Pro 5G డివైజ్ 4 మెమొరీ వేరియంట్స్ లో లభించనున్నట్లు సమాచారం. 6జిబి ర్యామ్ తో బేస్ వేరియంట్ ప్రారంభమవుతుంది. ప్రో+ కూడా 4 మెమొరీ ఆప్షన్స్ లో రానుంది. రెండు డివైజెస్ లోనూ పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చే అవకాశం ఉంది.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.