జూన్ నెలలో Realme 11 Pro సిరీస్ భారత్ లో లాంచ్ అయ్యింది. ఈ లైనప్ లో Realme 11 Pro 5G, Realme 11 Pro+ 5G మోడల్స్ మార్కెట్ లోకి వచ్చాయి. ఈ ఫోన్లు రూ.30,000 లోపు ధరలోనే వచ్చాయి. మరోవైపు భారత్ లో స్టాండర్డ్ వేరియంట్ Realme 11 5G కూడా లాంచ్ కానుందని సమాచారం. ఈ ఫోన్ డైమెన్సిటీ 6100+ చిప్ తో రానున్నట్లు తెలుస్తోంది.
Appuals నివేదిక ప్రకారం, రియల్మీ సంస్థ భారత్ లో Realme 11x 5G ని లాంచ్ చేయనుందని తెలుస్తోంది. స్టోరేజీ ఆప్షన్స్, కలర్ ఆప్షన్స్ వివరాలను కూడా తన రిపోర్ట్ లో సదరు వెబ్ సైట్ పేర్కొంది. సరే, ఆ విశేషాలేంటో తెలుసుకుందాం పదండి.
Realme 11x 5G స్టోరేజీ, కలర్ ఆప్షన్స్
Realme 11x 5G స్మార్ట్ ఫోన్ భారత్ లో త్వరలోనే లాంచ్ కానుందని సమాచారం. బేస్ వేరియంట్ 6జిబి ర్యామ్, 128జిబి స్టోరేజీతో వస్తోంది. మరోవైపు టాప్ వేరియంట్ 8జిబి ర్యామ్, 128జిబి స్టోరేజీతో రానుంది. ఈ స్మార్ట్ ఫోన్ పర్పుల్ డాన్ మరియు మిడ్నైట్ బ్లాక్ కలర్ ఆప్షన్స్ లో లభించనుంది.
Realme 11x 5G స్మార్ట్ ఫోన్ ఆగస్టు లోనే భారత్ లో లాంచ్ కానుందని సమాచారం. అయితే Realme 11x 5G డివైజ్ యొక్క కచ్చితమైన స్పెసిఫికేషన్స్ తెలియలేదు. తైవాన్ లో రీసెంట్ గా లాంచైన Realme 11 5G డివైజ్ మాదిరే Realme 11x 5G ఉండనుందని వార్తలు వినిపిస్తున్నాయి.
Realme 11x 5G స్పెసిఫికేషన్స్
- డిస్ప్లే: Realme 11x 5G స్మార్ట్ ఫోన్ లో 6.72-ఇంచ్ ఫుల్ హెచ్డీ+ స్క్రీన్, 120 హెర్ట్జ్ రిఫ్రెష్ రేట్, 680 నిట్స్ పీక్ బ్రైట్నెస్ ఉంటాయి.
- చిప్సెట్: Realme 11x 5G స్మార్ట్ ఫోన్ లో మీడియాటెక్ డైమెన్సిటీ 6100+ చిప్ ఉంటుంది. ఇది 6 నానోమీటర్ ప్రాసెస్ పై తయారైన చిప్.
- ర్యామ్: Realme 11x 5G డివైజ్ లో 8జిబి ర్యామ్, 256జిబి స్టోరేజీ ఉంటాయి.
- కెమెరా: Realme 11x 5G స్మార్ట్ ఫోన్ లో డ్యూయల్ రియర్ కెమెరా సెటప్ ఉంటుంది. ఇందులో 108ఎంపి మెయిన్ కెమెరా, 2ఎంపి పొట్రెయిట్ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి ఫ్రంట్ కెమెరా ఉంటుంది.
- బ్యాటరీ: Realme 11x 5G లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 67 వాట్ ఫాస్ట్ చార్జింగ్ కి సపోర్ట్ చేస్తుంది.
