ప్రముఖ స్మార్ట్ఫోన్ బ్రాండ్ Realme తన కొత్త నంబర్ సిరీస్ ను భారత్ లో విడుదల చేసింది. ఈ లైనప్ లో Realme 13 Pro మరియు Realme 13 Pro+ అనే రెండు మోడల్స్ మార్కెట్ లోకి ఎంట్రీ ఇచ్చాయి. ఈ ఆర్టికల్ లో మనం Realme 13 Pro గురించి తెలుసుకుందాం. Realme 13 Pro Plus 5G కోసం ఇక్కడ క్లిక్ చేయండి. ఇక రియల్మీ 13 ప్రో విషయానికి వస్తే, ఈ ఫోన్ లో 45 వాట్ ఫాస్ట్ చార్జింగ్ సపోర్ట్, 12జిబి ర్యామ్, ఓఎల్ఈడీ స్క్రీన్, స్నాప్డ్రాగన్ 7ఎస్ జెన్ 2 చిప్సెట్ వంటి స్పెసిఫికేషన్స్ ఉన్నాయి. ఓసారి డివైజ్ యొక్క ధర, లభ్యత మరియు పూర్తి స్పెసిఫికేషన్స్ ఎలా ఉన్నాయో తెలుసుకుందాం.
Realme 13 Pro ధర, లభ్యత
Realme 13 Pro స్మార్ట్ఫోన్ భారత్ లో 3 స్టోరేజీ వేరియంట్స్ లో లాంచ్ అయ్యింది. వీటి ధరలు తెలుసుకుందాం.
Realme 13 Pro 8జిబి ర్యామ్ + 128జిబి స్టోరేజీ వేరియంట్ ధరను రూ.26,999 గా ఉంది. 8జిబి ర్యామ్ + 256జిబి స్టోరేజీ మోడల్ ధరను రూ.28,999 గా పెట్టారు. 12జిబి+512జిబి మోడల్ ధర రూ.31,999 గా ఉంది.
Realme 13 Pro డివైజ్ మానెట్ పర్పుల్, మానెట్ గోల్డ్ మరియు ఎమరాల్డ్ గ్రీన్ కలర్స్ లో లభిస్తుంది. ఆగస్టు 6వ తేదీ నుంచి ఈ ఫోన్ ఫ్లిప్కార్ట్, రియల్మీ వెబ్సైట్ మరియు ఇతర రిటైల్ ఔట్లెట్స్ ద్వారా సేల్కి వస్తోంది.
లాంచ్ ఆఫర్ లో భాగంగా, ఈ ఫోన్ పై రూ.3,000 బ్యాంక్ డిస్కౌంట్ను కంపెనీ ఆఫర్ చేస్తోంది. మూడు మోడల్స్ పై ఈ ఆఫర్ వర్తిస్తుంది.
బ్యాంక్ ఆఫర్ తర్వాత ఈ ఫోన్లు వరుసగా రూ.23,999, రూ.25,999, రూ.28,999 ధరకి లభిస్తాయి.
Realme 13 Pro స్పెసిఫికేషన్స్
డిస్ప్లే: Realme 13 Pro లో 6.7-ఇంచ్ ఓఎల్ఈడీ డిస్ప్లే, ఫుల్హెచ్డీ+ (2412*1080 పిక్సెల్స్) రెజుల్యూషన్, 120 హెర్ట్జ్ రిఫ్రెష్ రేట్, 5000000:1 కాంట్రాస్ట్ రేషియో, 240 హెర్ట్జ్ టచ్ శాంప్లింగ్ రేట్, 2000 నిట్స్ బ్రైట్నెస్, 10 బిట్ కలర్ డెప్త్ ఉన్నాయి.
చిప్సెట్: Realme 13 Pro స్మార్ట్ఫోన్ లో క్వాల్కమ్ స్నాప్డ్రాగన్ 7ఎస్ జెన్ 2 చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైంది. దీని హయ్యస్ట్ క్లాక్ స్పీడ్ 2.4 గిగాహెర్ట్జ్. గ్రాఫిక్స్ కోసం అడ్రెనో 710 జీపీయూ వినియోగించారు.
ర్యామ్, స్టోరేజీ: Realme 13 Pro డివైజ్ 8జిబి ర్యామ్ + 128జిబి స్టోరేజీ, 8జిబి+256జిబి, 12జిబి+512జిబి ఆప్షన్స్ లో లభిస్తుంది. ఈ ఫోన్ 12జిబి డైనమిక్ ర్యామ్ సపోర్ట్ తో వచ్చింది. దీంతో యూజర్కి గరిష్టంగా 24జిబి ర్యామ్ పవర్ లభిస్తుంది.
కెమెరా: Realme 13 Pro లో డ్యూయల్ రియర్ కెమెరా సెటప్ ఉంది. ఇందులో 50ఎంపి సోని ఎల్వైటీ-600 ప్రైమరీ ఓఐఎస్ కెమెరా, 8ఎంపి అల్ట్రావైడ్ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 32ఎంపి ఫ్రంట్ కెమెరా ఉంది. అల్ట్రా క్లియర్ ఏఐ, ఏఐ హైపర్ రా అల్గారిథమ్, ఏఐ పొట్రెయిట్ అల్గారిథమ్ ఫీచర్లు ఈ కెమెరాలో ఉన్నాయి.
బ్యాటరీ, చార్జింగ్: Realme 13 Pro లో పవర్ బ్యాకప్ కోసం 5200 ఎంఏహెచ్ బ్యాటరీ ఉంది. ఇది 45 వాట్ సూపర్వూక్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: Realme 13 Pro డివైజ్ ఆండ్రాయిడ్ 14 ఓఎస్ ఆధారిత రియల్మీ యూఐ 5.0 కస్టమ్ స్కిన్ పై పని చేస్తుంది.
కనెక్టివిటీ: Realme 13 Pro లో డ్యూయల్ సిమ్, 5జీ, 4జీ, బ్లూటూత్ 5.2, వై-ఫై 6, 13 5జీ బ్యాండ్స్ ఉన్నాయి.
ఇతర ఫీచర్లు: Realme 13 Pro లో ఐపీ65 ప్రొటెక్షన్, ఇన్-డిస్ప్లే ఫింగర్ప్రింట్ స్కానర్, హై-రెజ్ డ్యూయల్ స్టీరియో స్పీకర్స్, రెయిన్వాటర్ స్మార్ట్టచ్ వంటి ఫీచర్లు ఉన్నాయి.