ప్రముఖ స్మార్ట్ ఫోన్ బ్రాండ్ Realme త్వరలోనే ఒక చవకైన స్మార్ట్ ఫోన్ ని భారతీయ మార్కెట్ లో లాంచ్ చేయనుంది. Realme C51 పేరుతో వస్తోన్న ఈ డివైజ్ ఇప్పటికే గ్లోబల్ మార్కెట్ లో లాంచ్ అయ్యింది. తాజాగా రియల్మీ కంపెనీ Realme C51 ఇండియా లాంచ్ ని ప్రకటించింది. అయితే కచ్చితమైన లాంచ్ తేదీని ఇంకా వెల్లడించలేదు. ఐఫోన్ లో మాదిరి డైనమిక్ ఐల్యాండ్ స్క్రీన్ Realme C51 లో కనిపించనుంది. సరే, Realme C51 యొక్క కొత్త టీజర్ వివరాలు, స్పెసిఫికేషన్స్ తెలుసుకుందాం పదండి.
Realme C51 ఇండియా లాంచ్ టీజర్
Buckle up as the newest champion is coming soon in town! #ChampionIsComing #StayTuned
Know more: https://t.co/iMvs0OycoG pic.twitter.com/rReU4tbCMw
— realme (@realmeIndia) August 25, 2023
రియల్మీ కంపెనీ నేడు Realme C51 యొక్క కొత్త టీజర్ ని సోషల్ మీడియా ప్లాట్ఫామ్ X పై షేర్ చేసింది. ఆ పోస్ట్ లో ద ఛాంపియన్ ఈజ్ కమింగ్ అని రాసి ఉంది. ఐఫోన్ లో మాదిరి నాచ్ స్క్రీన్ ని Realme C51 లో చూడవచ్చు.
Realme C51 ధర (అంచనా)
Realme C51 స్మార్ట్ ఫోన్ గ్లోబల్ గా లాంచ్ అయ్యింది. దీంతో ధరను అంచనా వేయడం సులభమవుతోంది. తైవాన్ లో లాంచైన Realme C51 యొక్క బేస్ మోడల్ ధర రూ.10,430 గా ఉంది. భారత్ లో ఈ ఫోన్ రూ.15,000 లోపు ధరతో తీసుకురానున్నట్లు సమాచారం.
Realme C51 స్పెసిఫికేషన్స్ (గ్లోబల్)
- స్క్రీన్: Realme C51 లో 6.7-ఇంచ్ హెచ్డీ+ ఐపీఎస్ ఎల్సీడీ డిస్ప్లే, 90 హెర్ట్జ్ రిఫ్రెష్ రేట్, 720 పిక్సెల్ రెజుల్యూషన్ ఉంటాయి.
- ప్రాసెసర్: Realme C51 లో యూనిఎస్ఓసీ టీ612 చిప్సెట్ ఉండనుంది. ఇది 12 ఎన్ఎమ్ ప్రాసెస్ పై తయారైన ఆక్టా-కోర్ చిప్. గ్రాఫిక్స్ కోసం మాలి-జీ57 జీపీయూ వినియోగించారు.
- స్టోరేజీ: Realme C51 లో 4జిబి ఎల్పీడీడీఆర్4ఎక్స్ ర్యామ్, 64జిబి స్టోరేజీ ఉంటాయి. మైక్రోఎస్డీ కార్డ్ ద్వారా మెమొరీని 2టిబి వరకు పెంచుకోవచ్చు.
- కెమెరా: Realme C51 లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి ప్రైమరీ కెమెరా, ఒక డెప్త్ కెమెరా ఉంటాయి. సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా ఉంటుంది.
- బ్యాటరీ: Realme C51 స్మార్ట్ ఫోన్ లో పవర్ బ్యాకప్ కోసం 5000 ఎంఏహెచ్ బ్యాటరీ అందిస్తున్నారు. ఇది 33 వాట్ సూపర్వూక్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Realme C51 డివైజ్ ఆండ్రాయిడ్ 13 ఓఎస్ ఆధారిత రియల్మీ యూఐ టీ ఎడిషన్ కస్టమ్ స్కిన్ పై పని చేస్తుంది.
- ఇతర ఫీచర్లు: Realme C51 స్మార్ట్ ఫోన్ లో డ్యూయల్ సిమ్, 4జీ, వై-ఫై, బ్లూటూత్ 5.0, 3.5ఎంఎం ఆడియో జాక్, సైడ్ మౌంటెడ్ ఫింగర్ ప్రింట్ స్కానర్ ఉంటాయి.