ప్రముఖ స్మార్ట్ఫోన్ బ్రాండ్ Realme భారతీయ మార్కెట్ లో Realme C67 5G డివైజ్ ని లాంచ్ చేసింది. ఈ ఫోన్ 5జీ కనెక్టివిటీ కలిగిన చవకైన సీ-సిరీస్ ఫోన్. ఈ ఫోన్ తో రియల్మీ తన సీ-సిరీస్ పోర్ట్ఫోలియోని పటిష్టం చేసినట్లయింది. తక్కువ ధరలో 5జీ డివైజ్ కొనాలని భావించే వారికి Realme C67 5G ఒక చక్కటి ఆప్షన్ అని చెప్పవచ్చు. సరే, ఓసారి Realme C67 5G యొక్క పూర్తి స్పెసిఫికేషన్స్, ధర తదితర వివరాలు తెలుసుకుందాం పదండి.
Realme C67 5G ధర, లభ్యత
- Realme C67 5G 4జిబి ర్యామ్ + 128జిబి స్టోరేజీ మోడల్ ధరను రూ.13,999 గా నిర్ణయించారు.
- Realme C67 5G 6జిబి ర్యామ్ + 128జిబి స్టోరేజీ వేరియంట్ ధర రూ.14,999 గా ఉంది.
- Realme C67 5G డివైజ్ డిసెంబర్ 16 వ తేదీన మధ్యాహ్నం 12 గంటల నుంచి ఆఫ్లైన్ స్టోర్స్ ద్వారా సేల్ కి వస్తోంది. రియల్మీ ఇండియా వెబ్ సైట్ మరియు ఫ్లిప్కార్ట్ ద్వారా డిసెంబర్ 20 వ తేదీ మధ్యాహ్నం 12 గంటల నుంచి కొనుగోలు చేయవచ్చు.
- రియల్మీ మరియు ఫ్లిప్కార్ట్ వెబ్సైట్స్ ద్వారా డిసెంబర్ 16 మధ్యాహ్నం 12 గంటలకు ఫ్లాష్సేల్ కూడా ఉంటుంది.
- లాంచ్ ఆఫర్ లో భాగంగా కస్టమర్లు 2,000 విలువజేసే ప్రయోజనాలను పొందవచ్చు.
- Realme C67 5G డివైజ్ సన్నీ ఒయాసిస్ మరియు డార్క్ పర్పుల్ కలర్ ఆప్షన్స్ లో లభిస్తుంది.
Realme C67 5G స్పెసిఫికేషన్స్
- డిస్ప్లే: Realme C67 5G లో 6.72-ఇంచ్ ఐపీఎస్ ఎల్సీడీ డిస్ప్లే, 120 హెర్ట్జ్ రిఫ్రెష్ రేట్, 180 హెర్ట్జ్ టచ్ శాంప్లింగ్ రేట్, 2400*1080 పిక్సెల్స్ రెజల్యూషన్, 91.40 పర్సెంట్ స్క్రీన్-టు-బాడీ రేషియో, 680 నిట్స్ బ్రైట్నెస్ ఉన్నాయి.
- చిప్సెట్: Realme C67 5G లో మీడియాటెక్ డైమెన్సిటీ 6100+ చిప్సెట్, మాలి జీ57 ఎంసీ2 జీపీయూ వాడారు.
- ర్యామ్, స్టోరేజీ: Realme C67 5G డివైజ్ 4జిబి ఎల్పీడీడీఆర్4ఎక్స్ ర్యామ్, 128జిబి యూఎఫ్ఎస్ 2.2 స్టోరేజీ, 6జిబి ర్యామ్, 128జిబి స్టోరేజీ ఆప్షన్స్ లో లభిస్తుంది.
- ఓఎస్: Realme C67 5G డివైజ్ ఆండ్రాయిడ్ 13 ఓఎస్ ఆధారిత రియల్మీ యూఐ 4.0 కస్టమ్ స్కిన్ పై పని చేస్తుంది.
- బ్యాటరీ: Realme C67 5G లో పవర్ బ్యాకప్ కోసం 5,000 ఎంఏహెచ్ బ్యాటరీ అందించారు. ఇది 33 వాట్ ఫాస్ట్ చార్జింగ్ కి సపోర్ట్ చేస్తుంది.
- కెమెరా: Realme C67 5G లో 50ఎంపి మెయిన్ కెమెరా, 2ఎంపి పొట్రెయిట్ లెన్స్ ఉన్నాయి. ఈ ఫోన్ లో సెల్ఫీస్, వీడియో కాల్స్ కోసం 8ఎంపి ఫ్రంట్ కెమెరా అందించారు.
- కనెక్టివిటీ: Realme C67 5G లో డ్యూయల్ సిమ్, 5జీ, 4జీ వొల్టీ, బ్లూటూత్ 5.2, వై-ఫై, యూఎస్బీ టైప్-సీ పోర్ట్ ఉన్నాయి.