ప్రముఖ స్మార్ట్ ఫోన్ బ్రాండ్ రియల్మీ త్వరలోనే తన తదుపరి ఫ్లాగ్షిప్ ని లాంచ్ చేయనుంది. Realme GT 5 అనే పేరుతో వస్తోన్న ఈ డివైజ్ మరికొన్ని రోజుల్లో లాంచ్ కానుందని సమాచారం. రియల్మీ చైనా ప్రెసిడెంట్ జూ కీ చేస్.. Realme GT 5 డివైజ్ స్నాప్ డ్రాగన్ 8 జెన్ 2 చిప్ తో రానుందని హింట్ ఇచ్చారు. Realme GT 5 స్మార్ట్ ఫోన్ 24జిబి ర్యామ్ తో వస్తోందని మరోవైపు టిప్స్టర్ డిజిటల్ చాట్ స్టేషన్ తెలిపింది.
Realme GT 5 లాంచ్ టీజర్
చైనాకు చెందిన సోషల్ మీడియా మాధ్యమం వీబో పై చేస్ ఒక పోస్టర్ ని షేర్ చేశారు. దీంతో చిప్సెట్ పై స్పష్టత వచ్చింది.
ఆయన పోస్ట్ ని బట్టి, Realme GT 5 డివైజ్ స్నాప్ డ్రాగన్ 8 జెన్ 2 చిప్ తో వస్తున్నట్లు అంచనా వేస్తున్నారు. శాంసంగ్ గెలాక్సీ ఎస్23 అల్ట్రాలో కూడా ఇదే చిప్సెట్ వాడారు. అలాగే ఇవాళ లాంచ్ అవుతోన్న వన్ప్లస్ ఏస్ 2 ప్రో డివైజ్ లో కూడా ఈ ప్రాసెసర్ వినియోగించారు.
Realme GT 5 స్పెసిఫికేషన్స్ (అంచనా)
- స్క్రీన్: Realme GT 5 లో 6.74-ఇంచ్ 1.5కే ఓఎల్ఈడీ డిస్ప్లే, 144 హెర్ట్జ్ రిఫ్రెష్ రేట్ ఉంటాయి.
- చిప్సెట్: Realme GT 5 లో క్వాల్కమ్ స్నాప్ డ్రాగన్ 8 జెన్ 2 చిప్ ఉంటుంది. గ్రాఫిక్స్ కోసం అడ్రెనో జీపీయూ వినియోగించనున్నారు.
- ర్యామ్, స్టోరేజీ: Realme GT 5 స్మార్ట్ ఫోన్ లో 24జిబి వరకు ఎల్పీడీడీఆర్5ఎక్స్ ర్యామ్, 1టిబి వరకు యూఎఫ్ఎస్ 4.0 స్టోరేజీని అందిస్తున్నారు.
- ఓఎస్: Realme GT 5 డివైజ్ ఆండ్రాయిడ్ 13 ఓఎస్ ఆధారిత రియల్మీ యూఐ కస్టమ్ స్కిన్ పై పని చేస్తుంది.
- కెమెరా: Realme GT 5 స్మార్ట్ ఫోన్ లో ట్రిపుల్ రియర్ కెమెరా సెటప్ ఉంటుంది. ఇందులో 50 మెగా పిక్సెల్ సోని ఐఎంఎక్స్890 ప్రైమరీ ఓఐఎస్ కెమెరా, 8 మెగా పిక్సెల్ అల్ట్రావైడ్ లెన్స్, 2ఎంపి మ్యాక్రో కెమెరా ఉంటాయని అంచనా. ఇంకా సెల్ఫీస్, వీడియో కాల్స్ కోసం ఈ ఫోన్ లో 16 మెగా పిక్సెల్ ఫ్రంట్ కెమెరా అందిస్తున్నారు.
- బ్యాటరీ: Realme GT 5 స్మార్ట్ ఫోన్ లో పవర్ బ్యాకప్ కోసం 4600 ఎంఏహెచ్ బ్యాటరీ అందిస్తున్నారు. ఇది 240 వాట్ ఫాస్ట్ చార్జింగ్ సపోర్ట్ తో వస్తోంది. అయితే 5200 ఎంఏహెచ్ బ్యాటరీ + 150 వాట్ ఫాస్ట్ చార్జింగ్ గల మరొక వేరియంట్ కూడా అందుబాటులో ఉంటుంది.
- కనెక్టివిటీ: Realme GT 5 స్మార్ట్ ఫోన్ లో 5జీ, 4జీ, డ్యూయల్ సిమ్, బ్లూటూత్, వై-ఫై, జీపీఎస్ వంటి కనెక్టివిటీ ఆప్షన్స్ ఉంటాయి.
త్వరలోనే రియల్మీ జీటీ 5 భారత లాంచ్ కి సంబంధించిన వివరాలు వెల్లడయ్యే అవకాశం ఉంది. ఆమేరకు కంపెనీ నుంచి ఒక ప్రకటన వస్తుందని ఆశిద్దాం.