ప్రముఖ స్మార్ట్ఫోన్ బ్రాండ్ Realme నుంచి త్వరలో జీటీ సిరీస్ లో ఒక కొత్త ఫోన్ లాంచ్ కానుంది. Realme GT 6 పేరుతో ఈ డివైజ్ గ్లోబల్ మార్కెట్ లోకి రానుంది. ఈ విషయాన్ని రియల్మీ సంస్థ తన సోషల్ మీడియా హ్యాండిల్ పై టీజర్ ద్వారా వెల్లడించింది. అయితే ఇంకా లాంచ్ తేదీని ప్రకటించలేదు. వచ్చే నెలలో రియల్మీ జీటీ 6 లాంచ్ అవుతుందని అంచనా వేస్తున్నారు. అయితే మరోవైపు, ఈ ఫోన్ యొక్క రిటైల్ బాక్స్ ఇమేజ్ నెట్టింట్లో ప్రత్యక్షమైంది. ఓసారి పూర్తి వివరాలు తెలుసుకుందాం పదండి.
Realme GT 6 టీజర్
రియల్మీ యొక్క గ్లోబల్ సోషల్ మీడియా హ్యాండిల్ పై Realme GT 6 లాంచ్ని కంపెనీ టీజ్ చేసింది. అయితే లాంచ్ తేదీని కంపెనీ ప్రకటించలేదు. వచ్చే నెలలో ఈ డివైజ్ లాంచ్ అయ్యే అవకాశం ఉంది.
Looking forward to something BIG! #realme pic.twitter.com/aQBWhDmh3k
— realme Global (@realmeglobal) May 28, 2024
టీజర్ పోస్ట్ లో రియల్మీ సంస్థ, Realme GT 6 యొక్క కెమెరా స్పెసిఫికేషన్స్ మరియు డివైజ్ పేరుని షేర్ చేసింది.
Realme GT 6 డివైజ్ 47ఎంఎం ఫోకల్ లెంగ్త్, f/2.0 అపర్చర్, 1/100ఎస్ షటర్ స్పీడ్, ఐఎస్ఓ 320 వంటి ఫీచర్లు గల కెమెరా సెటప్ తో రానుందని పోస్ట్ ద్వారా తెలుస్తోంది.
Realme GT 6 రిటైల్ బాక్స్ ఇమేజ్ (లీక్)
Realme GT 6 యొక్క రిటైల్ బాక్స్ ఇమేజ్ని Smartprix వెబ్సైట్, టిప్స్టర్ OnLeaks సౌజన్యంతో షేర్ చేసింది.
రిటైల్ బాక్స్ పై డివైజ్ పేరు రాసి ఉంది. నెక్ట్స్ ఏఐ అనే ట్యాగ్లైన్ తో స్మార్ట్ఫోన్ కనిపిస్తోంది. అంటే ఏఐ ఫీచర్లతో వస్తోన్న రియల్మీ మొదటి ఫోన్ ఇదేనని చెప్పవచ్చు.
ఏఐ నైట్ విజన్, ఏఐ స్మార్ట్ లూప్, ఏఐ స్మార్ట్ రిమూవల్, ఏఐ స్మార్ట్ సెర్చ్ అనే ఏఐ ఫీచర్లు బాక్స్ వెనకవైపున కనిపిస్తున్నాయి.
రాత్రి సమయంలో స్పష్టమైన ఫోటోలను తీసేందుకు ఏఐ నైట్ విజన్ ఉపయోగపడుతుంది. ఇమేజ్ నుంచి ఏదైనా అవసరంలేని ఆబ్జెక్ట్ని తొలగించేందుకు ఏఐ స్మార్ట్ రిమూవల్ ఉపయోగపడుతుంది.
గూగుల్ సర్కిల్ మాదిరి ఫీచర్గా ఏఐ స్మార్ట్ సెర్చ్ ఫీచర్ ను రియల్మీ తీసుకొచ్చిందని చెప్పవచ్చు.
రిపోర్ట్ ప్రకారం, Realme GT 6 డివైజ్ జూన్ నెలలో లాంచ్ అయ్యే అవకాశం ఉంది.
Realme GT 6 స్మార్ట్ఫోన్ క్వాల్కమ్ స్నాప్డ్రాగన్ 8ఎస్ జెన్ 3 చిప్సెట్ తో వస్తున్నట్లు సమాచారం.