ప్రముఖ స్మార్ట్ ఫోన్ బ్రాండ్ రియల్మీ త్వరలోనే Realme GT Neo 6, GT Neo 6 Pro ఫోన్లను లాంచ్ చేయనుంది. అయితే, మరొక ఫ్లాగ్షిప్ ఫోన్ పై కూడా రియల్మీ పని చేస్తున్నట్లు సమాచారం. టిప్స్టర్ డిజిటల్ చాట్ స్టేషన్ తాజాగా ఈ ఫ్లాగ్షిప్ కి సంబంధించిన సమాచారాన్ని లీక్ చేసారు. సరే, ఓసారి ఆ డివైజ్ విశేషాలేంటో తెలుసుకుందాం పదండి.
Realme GT ఫ్లాగ్షిప్ వివరాలు
- Realme GT ఫ్లాగ్షిప్ కెమెరా విభాగానికి సంబంధించి పెద్దగా వివరాలను టిప్స్టర్ రివీల్ చేయలేదు. కానీ, రాబోవు Realme GT ఫ్లాగ్షిప్ పెరిస్కోప్ జూమ్ కెమెరా ఉంటుందని సమాచారం.
- Realme GT ఫ్లాగ్షిప్ లో క్వాల్కమ్ స్నాప్ డ్రాగన్ 8 జెన్ 3 చిప్సెట్ ఉంటుందని మైక్రో బ్లాగింగ్ సైట్ Weibo పై టిప్స్టర్ పోస్ట్ చేసారు.
- ఇక కంపెనీ తన నుంచి రాబోవు Realme GT ఫ్లాగ్షిప్ కి సంబంధించి ఎటువంటి వివరాలను రివీల్ చేయలేదు. అయితే, రిపోర్ట్స్ ని బట్టి ఫోన్ రానున్న కొన్ని నెలల్లో లాంచ్ కానుందని సమాచారం.
- క్వాల్కమ్ స్నాప్ డ్రాగన్ 8 జెన్ 3 చిప్సెట్ లాంచ్ కోసం అందరూ వేచి చూస్తున్నారు. కంపెనీ నుంచి ఇంకా అధికార ప్రకటన వెలువడాల్సి ఉంది. 2023 అక్టోబర్ లో ఈ చిప్సెట్ లాంచ్ అవుతుందని భావిస్తున్నారు. ఈ చిప్సెట్ తో OnePlus 12, Xiaomi 14 సిరీస్, iQOO 12 సిరీస్, Vivo X100 డివైజెస్ లాంచ్ అవుతాయని సమాచారం.
మరోవైపు, Realme GT Neo 6, GT Neo 6 Pro చైనాలో త్వరలోనే లాంచ్ కానుందని తెలుస్తోంది. ఒక రీసెంట్ రిపోర్ట్ ప్రకారం, Realme GT Neo 6 Pro యొక్క అంచనా స్పెసిఫికేషన్స్ రివీల్ అయ్యాయి. ఆ విశేషాలేంటో తెలుసుకుందాం.
- Realme GT Neo 6 Pro డివైజ్ క్వాల్కమ్ స్నాప్ డ్రాగన్ 8 జెన్ 2 చిప్సెట్ తో వస్తున్నట్లు సమాచారం. ఇకపోతే స్టాండర్డ్ మోడల్ మీడియాటెక్ డైమెన్సిటీ 9200+ చిప్సెట్ తో రానుందని రూమర్లు వినిపిస్తున్నాయి.
- Realme GT Neo 6 Pro స్మార్ట్ ఫోన్ లో పవర్ బ్యాకప్ కోసం 4600 ఎంఏహెచ్ బ్యాటరీ ఉంటుంది. ఇది 240 వాట్ ఫాస్ట్ చార్జింగ్ తో వస్తోంది. 150 వాట్ చార్జింగ్ ఆప్షన్ కూడా ఉంటుందని అంచనా వేస్తున్నారు.
- స్టాండర్డ్ మోడల్ లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది.