హైలైట్స్:
- లీకైన Realme GT Neo 4 స్పెసిఫికేషన్స్
- స్నాప్ డ్రాగన్ 8+ జెన్ 1 చిప్, 100 వాట్ ఫాస్ట్ చార్జింగ్ తో రానున్న Realme GT Neo 4
- Realme GT Neo 3 కి అప్గ్రేడ్ గా వస్తున్న Realme GT Neo 4 స్మార్ట్ ఫోన్
Realme త్వరలో తన తదుపరి ఫ్లాగ్షిప్ ఫోన్ Realme GT Neo 4 ని లాంచ్ చేయనుంది. ఈ ఫోన్ స్నాప్ డ్రాగన్ 8+ జెన్ 1 చిప్సెట్ తో వస్తున్నట్లు సమాచారం. వచ్చే నెలలో ఈ ఫోన్ చైనాలో లాంచ్ అవుతోంది. ఈలోపు Realme GT Neo 4 కి సంబంధించిన స్పెసిఫికేషన్స్ లీక్ అయ్యాయి. Realme GT Neo 3 ఫోన్ కి సక్సెసర్ గా Realme GT Neo 4 వస్తోంది. స్పెసిఫికేషన్స్ ని బట్టి ఈ విషయం స్పష్టమవుతోంది.
లీకైన Realme GT Neo 4 స్పెసిఫికేషన్స్
వచ్చే నెలలో Realme GT Neo 4 మార్కెట్ లోకి ఎంట్రీ ఇవ్వబోతోంది. ఈలోపు ఫోన్ యొక్క స్పెసిఫికేషన్లు నెట్టింట్లో ప్రత్యక్షమయ్యాయి. ఈ ఫోన్ క్వాల్కమ్ తయారు చేసిన స్నాప్ డ్రాగన్ 8+ జెన్ 1 చిప్ తో వస్తున్నట్లు సమాచారం. Realme GT Neo 3 లో మీడియాటెక్ డైమెన్సిటీ 8100 చిప్సెట్ ఉన్న సంగతి తెలిసిందే. దీన్ని బట్టి, ఈ మిడ్-రేంజ్ చిప్సెట్ కి రియల్మీ గుడ్ బై చెప్పినట్లు అర్థమవుతోంది.
ప్రముఖ టిప్స్టర్ డిజిటల్ చాట్ స్టేషన్ చెబుతున్న దాన్ని బట్టి, Realme GT Neo 4 1.5కే డిస్ప్లే ని కలిగి ఉంటుందని తెలుస్తోంది. అలాగే ఈ ఫోన్లో 1220పీ రెజుల్యూషన్ కలిగిన ప్యానెల్ ఉండనుందట. అంటే Realme GT Neo 4 యొక్క ప్యానెల్ 1080పి ప్యానెల్ కంటే మరింత మెరుగ్గా ఉండనుంది. ఈ ఫోన్లో 120 హెర్ట్జ్ రిఫ్రెష్ రేట్ కలిగి ఉండనుంది. ఇంకా 2160-స్టెప్ పీడబ్ల్యూఎం ని ఈ డిస్ప్లే కలిగి ఉంది. పీడబ్ల్యూఎం రేటింగ్ అనేది ఆటో-బ్రైట్నెస్ లెవెల్ ని సూచిస్తుంది. లేటెస్ట్ ఆండ్రాయిడ్ 13 ఓఎస్, రియల్మీ యూఐ 4.0 కస్టమ్ స్కిన్ పై Realme GT Neo 4 పని చేయనుంది.
Realme GT Neo 4 లో 100 వాట్ ఫాస్ట్ చార్జింగ్ ఉండనుందని రిపోర్ట్ ద్వారా తెలుస్తోంది. ఈ స్పెసిఫికేషన్స్ తో వస్తున్న Realme GT Neo 4, రెడ్మీ నుంచి రానున్న Redmi K60 స్మార్ట్ ఫోన్ తో పోటీ పడనున్నట్లు తెలుస్తోంది. Realme GT Neo 4 స్మార్ట్ ఫోన్ కి సంబంధించిన స్పెసిఫికేషన్స్, అంచనా ధర, విడుదల తేదీకి సంబంధించిన వివరాలు రానున్న రోజుల్లో తెలిసే అవకాశం ఉంది. అయితే చైనాలో అక్టోబర్ లో లాంచ్ కానున్న Realme GT Neo 4, కొన్ని వారాల తర్వాత భారత మార్కెట్ లోకి అడుగు పెట్టనుంది. స్నాప్ డ్రాగన్ 8+ జెన్ 1 చిప్సెట్ తో వస్తున్నందున ఈ ఫోన్ ధర కాస్త ఎక్కువగా ఉండే అవకాశాలు కనిపిస్తున్నాయి.
లేటెస్ట్ స్టార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు వెబ్ సైట్ విజిట్ చేయండి.