లీకైన Realme GT Neo 5 SE డిస్ప్లే, కెమెరా స్పెసిఫికేషన్స్

Realme GT Neo 5 స్మార్ట్ ఫోన్ రీసెంట్ గా లాంచైంది. 240 వాట్ ఫాస్ట్ చార్జింగ్ కి ఈ ఫోన్ సపోర్ట్ చేస్తుంది. ఇప్పుడు ఈ ఫోన్ కి లైట్ వర్షన్ Realme GT Neo 5 SE త్వరలో లాంచ్ కానుందని సమాచారం. Realme GT Neo 5 SE ని రియల్మీ లాంచ్ చేయనుందని ఎక్స్‌పర్ట్స్ అభిప్రాయపడుతున్నారు. Realme GT Neo 5 SE స్పెసిఫికేషన్స్, రెండర్ ఇమేజెస్ తాజాగా టిప్‌స్టర్ డిజిటల్ చాట్ స్టేషన్ లీక్ చేసింది.

Realme GT Neo 5 SE ఏప్రిల్ లో చైనాలో లాంచ్ అవుతుందని సమాచారం. దీనికి సంబంధించి అధికార ప్రకటన త్వరలోనే వచ్చే అవకాశం ఉంది. మార్చిలో చైనాలో లాంచ్ కానున్న Redmi Note Turbo పోటీగా Realme GT Neo 5 SE మార్కెట్ లోకి వస్తోంది.

Realme GT Neo 5 SE డిజైన్ (లీక్డ్)

Realme GT Neo 5 SE స్మార్ట్ ఫోన్ రెండర్ ద్వారా రియర్ డిజైన్ రివీల్ అయ్యింది. బ్యాక్ ప్యానెల్ పై భారీ కెమెరా, ట్రిపుల్ కెమెరా సెన్సర్స్, ఎల్ఈడీ ఫ్లాష్ కనిపిస్తున్నాయి. బ్యాక్ ప్యానెల్ పై కుడివైపున సీ-షేప్డ్ యూనిట్ లో ఆర్జీబీ లైటింగ్ లేదా ట్రాన్స్‌పరెంట్ కవర్ ఉండవని టిప్‌స్టర్ చెబుతోంది. ఫోన్ వైట్ కలర్ లో కనిపిస్తోంది. బ్యాక్ ప్యానెల్ పై Matrix porf 1.79f/efl 25mm అనే టెక్స్ట్ రాసి ఉంది.

Realme GT Neo 5 SE స్పెసిఫికేషన్స్ (లీక్డ్)

Realme GT Neo 5 SE లో స్పెసిఫికేషన్స్ దాదాపుగా Realme GT Neo 5 ని పోలి ఉంటాయి. Realme GT Neo 5 SE లో 1.5 కే అమోలెడ్ డిస్ప్లే, 120 హెర్ట్జ్ రిఫ్రెష్ రేట్ ఉంటాయి. ఈ ఫోన్ లో Qualcomm SM7475 చిప్ ఉండనుంది. ఇది Snapdragon 7+ Gen 1 చిప్ అయ్యుండే అవకాశం ఉంది. రానున్న రోజుల్లో దీనిపై పూర్తి స్పష్టత వస్తుంది.

Realme GT Neo 5 SE లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 100 వాట్ ఫాస్ట్ చార్జింగ్ కి సపోర్ట్ చేస్తుంది. ఈ ఫోన్ లో 50ఎంపి సోని ఐఎంఎక్స్890 మెయిన్ సెన్సర్ కి బదులుగా, 64ఎంపి OV64M ప్రైమరీ కెమెరా సెన్సర్ ని ఈ ఫోన్ లో అందిస్తున్నారు. Realme GT Neo 5 SE హ్యాండ్సెట్ కి సంబంధించిన అధికార ప్రకటన, పూర్తి స్పెసిఫికేషన్స్ తదితర వివరాలు త్వరలోనే వెల్లడయ్యే అవకాశం ఉంది.

లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్‌బుక్ పేజీని లైక్ చేసి ఫాలో అవ్వండి.