ఈ నెల ప్రారంభంలో రియల్మీ సంస్థ తన 240 వాట్ చార్జింగ్ టెక్నాలజీని పరిచయం చేసింది. అలాగే రాబోవు ఫ్లాగ్షిప్ డివైజెస్ లో ఈ టెక్నాలజీని వాడబోతున్నట్లు స్పష్టం చేసింది. త్వరలో రియల్మీ నుంచి రానున్న Realme GT Neo 5 ఫోన్ లో ఈ 240 వాట్ చార్జింగ్ టెక్నాలజీని వాడనున్నట్లు రూమర్ల ద్వారా తెలుస్తోంది. అయితే ఇప్పుడు రియల్మీ స్వయంగా ఓ ప్రకటన చేసింది. త్వరలో తన నుంచి రాబోవు డివైజ్ లో 240 వాట్ చార్జింగ్ టెక్నాలజీ ఉండనున్నట్లు తెలిసింది.
మొబైల్ వరల్డ్ కాంగ్రెస్ 2023 లో రియల్మీ సంస్థ Realme GT Neo 5 ఫోన్ ని లాంచ్ చేయబోతున్నట్లు రీసెంట్ గా Pricebaba ఒక కథనాన్ని వెలువరించింది. మొబైల్ వరల్డ్ కాంగ్రెస్ 2023 ఈవెంట్ ఫిబ్రవరి 27 నుంచి మార్చి 2 మధ్య బార్సిలోనా లో జరగనుంది. అయితే, Realme GT Neo 5 కోసం రియల్మీ వద్ద వేరొక ప్లాన్ ఉన్నట్లు తెలుస్తోంది. సరే, ఓసారి Realme GT Neo 5 నుంచి ఏమి ఆశించవచ్చో తెలుసుకుందా పదండి.
Realme GT Neo 5 లాంచ్ తేదీ ఖరారు
చైనీస్ మైక్రో బ్లాగింగ్ సైట్ వీబో ద్వారా రియల్మీ సంస్థ Realme GT Neo 5 యొక్క అఫీషియల్ టీజర్ ని షేర్ చేసింది. ఫిబ్రవరి 9 న మధ్యాహ్నం 2 గంటలకు చైనాలో Realme GT Neo 5 లాంచ్ అవుతోంది. ఇంకా టీజర్ ద్వారా Realme GT Neo 5 ఫోన్ 240 వాట్ చార్జింగ్ తో వస్తున్నట్లు తెలసింది. అయితే టీజర్ నిడివి తక్కువగా ఉండటం వల్లన మరే ఇతర వివరాలు బయటకు రాలేదు. కానీ, గతంలో TENAA లిస్టింగ్ ద్వారా Realme GT Neo 5 యొక్క స్పెసిఫికేషన్స్ బయటకు వచ్చాయి.
లిస్టింగ్ ప్రకారం, Realme GT Neo 5 స్మార్ట్ ఫోన్ రెండు వేరియంట్స్ లో లభించనుంది. అవి: 200 వాట్ మరియు 150 వాట్ మోడల్స్.
TENAA లిస్టింగ్ తో పాటు Realme GT Neo 5 డివైజ్ GEEKBENCH డేటాబేస్ పై కూడా కనిపించింది. దీంతో హార్డ్వేర్ స్పెసిఫికేషన్స్, బెంచ్ మార్క్ స్కోర్స్ రివీల్ అయ్యాయి. Realme GT Neo 5 ఫోన్ సింగిల్ కోర్ టెస్ట్ లో 1279 పాయంట్లు, మల్టీకోర్ టెస్టులో 3902 పాయింట్లు సాధించింది. Realme GT Neo 5 డివైజ్ క్వాల్కమ్ స్నాప్ డ్రాగన్ 8+ జెన్ 1 చిప్సెట్ తో వచ్చింది. Realme GT Neo 5 డివైజ్ ఆండ్రాయిడ్ 13 ఓఎస్ ఆధారిత రియల్మీ యూఐ 4.0 కస్టమ్ స్కిన్ పై పని చేయనుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.