Realme సంస్థ త్వరలోనే GT సిరీస్ లో ఒక ఫోన్ ని లాంచ్ చేయనుంది. Realme GT Neo 6 పేరుతో ఈ ఫోన్ వస్తున్నట్లు సమాచారం. ప్రస్తుతం ఈ ఫోన్ అభివృద్ధి దశలో ఉన్నట్లు తెలుస్తోంది. అయితే Realme GT Neo 6 కి సంబంధించి రియల్మీ నుంచి అధికార ప్రకటన ఇంకా బయటకు రాలేదు. లేటెస్ట్ లీక్ ద్వారా Realme GT Neo 6 డివైజ్ యొక్క ధర రివీల్ అయ్యింది. సరే, ఆ విశేషాలేంటో తెలుసుకుందాం పదండి.
Realme GT Neo 6 ధర (లీక్)
Realme GT Neo 6 స్మార్ట్ఫోన్ చైనా మార్కెట్ లో తొలుత లాంచ్ కానుంది. లీక్స్ ప్రకారం, ఈ ఫోన్ ధర RMB 2,000 (సుమారు రూ.22,900) లోపే ఉంటుందని సమాచారం. అయితే భారత మార్కెట్ లోకి వచ్చే సరికి ఈ ధరలో మార్పు ఉంటుంది. ప్రస్తుతం లీకైన ధర బేస్ వేరియంట్దా? లేదా టాప్ వేరియంట్దా? అనే విషయం ఇంకా తెలియాల్సి ఉంది.
Realme GT Neo 6 స్పెసిఫికేషన్స్
- లీక్స్ ప్రకారం, Realme GT Neo 6 లో అల్యూమినియమ్ ఫ్రేమ్, క్వాల్కమ్ స్నాప్ డ్రాగన్ 8 జెన్ 2 చిప్సెట్ ఉంటుందని తెలుస్తోంది. అయితే వీటిపై అధికార ప్రకటన రావాల్సి ఉంది.
- Realme GT Neo 6 లో కర్వ్డ్ డిస్ప్లే, పంచ్-హోల్ స్టైట్ కటౌట్, అమోలెడ్ ప్యానెల్, 144 హెర్ట్జ్ రిఫ్రెష్ రేట్ ఉండే అవకాశం ఉంది. సరే, ఓసారి గత మోడల్ Realme GT Neo 5 యొక్క స్పెసిఫికేషన్స్ పై కన్నేద్దాం పదండి.
Realme GT Neo 5 స్పెసిఫికేషన్స్
- డిస్ప్లే: Realme GT Neo 5 లో 6.74-ఇంచ్ 1.5కే డిస్ప్లే, అమోలెడ్ ప్యానెల్, 144 హెర్ట్జ్ రిఫ్రెష్ రేట్ ఉన్నాయి.
- ప్రాసెసర్: Realme GT Neo 5 లో క్వాల్కమ్ స్నాప్ డ్రాగన్ 8+ జెన్ 1 చిప్సెట్ ఉంది.
- కెమెరా: Realme GT Neo 5 లో ట్రిపుల్ రియర్ కెమెరా సెటప్ ఉంది. ఇందులో 50ఎంపి సోని ఐఎంఎక్స్890 మెయిన్ కెమెరా, 8ఎంపి అల్ట్రావైడ్ లెన్స్, 2ఎంపి మ్యాక్రో కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 16ఎంపి శాంసంగ్ ఎస్5కే3పీ9 సెన్సర్ ఉంది.
- బ్యాటరీ: Realme GT Neo 5 డివైజ్ రెండు బ్యాటరీ మోడల్స్ లో లాంచ్ అయ్యింది. ఒక మోడల్ లో 4,600 ఎంఏహెచ్ బ్యాటరీ, 240 వాట్ ఫాస్ట్ చార్జింగ్ సపోర్ట్ ఉన్నాయి. మరొక మోడల్ లో 5,000 ఎంఏహెచ్ బ్యాటరీ, 150 వాట్ ఫాస్ట్ చార్జింగ్ సపోర్ట్ ఉన్నాయి.