లాంచ్ అయిన Realme GT 2 Master Explorer ఎడిషన్

హైలైట్స్:

* రియల్ మీ జీటీ 2 మాస్టర్ ఎక్స్ ప్లోరర్ ఎడిషన్ చైనాలో లాంచ్ అయ్యింది.

* స్నాప్ డ్రాగన్ 8+ జెన్1 చిప్సెట్, 50ఎంపి ట్రిపుల్ కెమెరాలు, 100 వాట్ ఫాస్ట్ ఛార్జింగ్ ఈ ఫోన్ ప్రత్యేకతలు.

* రియల్ మీ జీటీ 2 మాస్టర్ ఎక్స్ ప్లోరర్ ఎడిషన్ ధర ఆర్ఎంబీ 3499 (దాదాపు రూ.41,500)

అనుకున్నట్లుగానే, రియల్ మీ జీటీ 2 మాస్టర్ ఎక్స్ ప్లోరర్ ఎడిషన్ చైనాలో లాంచ్ అయ్యింది. లేటెస్ట్ స్నాప్ డ్రాగన్ 8+ జెన్ 1 చిప్సెట్ తో వస్తోన్న తొలి రియల్ మీ ఫోన్ జీటీ 2 మాస్టర్ ఎక్స్ ప్లోరర్ ఎడిషన్. గత రెండు జీటీ 2 మోడల్స్ ఉన్నట్లుగానే తాజాగా వచ్చిన జీటీ 2 మాస్టర్ ఎక్స్ ప్లోరర్ ఎడిషన్ ఉంది. కానీ, గోల్డ్ కలర్ స్పెషల్ అట్రాక్షన్ గా కనిపిస్తోంది. ఉన్న మూడు ఆప్షన్స్ లో ఈ గోల్డ్ కలర్ ఎలిగంట్ మరియు ప్రీమియమ్ గా కనిపిస్తోంది. వెనుక ప్యానెల్ చూస్తే, ఫ్రేమ్ చుట్టూ డార్క్ బ్రౌన్ కేసింగ్ తో ఆకట్టుకుంటోంది.

సెల్ఫీ షూటర్ కోసం పంచ్-హోల్ కటౌట్, ఇన్-డిస్ప్లే ఫింగర్ ప్రింట్ సెన్సర్, వెనుకాల ట్రిపుల్ కెమెరాలు ఉన్నాయి. స్నాప్ డ్రాగన్ చిప్సెట్, 50ఎంపి ట్రిపుల్ రియర్ కెమెరాలు, ఆండ్రాయిడ్ 12 ఓఎస్ ఈ ఫోన్లో కీలక ఫీచర్లు.

Realme GT 2 Master Explorer ఎడిషన్ ధర

రియల్ మీ జీటీ 2 మాస్టర్ ఎక్స్ ప్లోరర్ ఎడిషన్ 8జిబి+128జిబి వేరియంట్ ధర ఆర్ఎంబీ 3499 (రూ.41,500), 8జిబి+256జిబి వేరియంట్ ధర ఆర్ఎంబీ 3799 (రూ.45,000), 12జిబి+256జిబి వేరియంట్ ధర ఆర్ఎంబీ 3999 (రూ.47,300). ఇక ఈ ఫోన్ నలుపు, తెలుపు, బంగారు వర్ణాల్లో లభిస్తుంది.

రియల్ మీ జీటీ 2 మాస్టర్ ఎక్స్ ప్లోరర్ ఎడిషన్ లో 6.7 అంగుళాల ఫుల్ హెచ్డీ+ అమోలెడ్ డిస్ప్లే, 120Hz రిఫ్రెష్ రేట్, 1000Hz టచ్ శాంప్లింగ్ రేట్, 100 శాతం P3 కలర్ గేముత్, 94.2 శాతం స్క్రీన్-టు-బాడీ రేషియో, హెచ్డీఆర్10+, పంచ్ హోల్ కటౌట్, స్నాప్ డ్రాగన్ 8+ జెన్ 1 చిప్సెట్, అడ్రెనో జీపీయూ, 12జిబి ఎల్పీడీడీఆర్5ఎక్స్ ర్యామ్, 256జిబి యూఎఫ్ఎస్ 3.1 స్టోరేజీ, ఆండ్రాయిడ్ 12 ఆధారిత రియల్ మీ యూఐ 3.0, పిక్సెల్ వర్క్స్ ఎక్స్7 గ్రాఫిక్స్ చిప్ వంటి ఫీచర్లు ఉన్నాయి.

కనెక్టివిటీ విషయానికి వస్తే, 5G, 4G LTE, Bluetooth, GPS, NFC, USB Type-C పోర్ట్ వంటి ఛార్జింగ్ మరియు డేటా ట్రాన్స్ ఫర్ ఫీచర్లున్నాయి. ఇన్-డిస్ప్లే ఫింగర్ ప్రింట్ సెన్సర్, డాల్బీ అట్మాస్, హై-రెజుల్యూషన్ ఆడియో సపోర్ట్, 5,000mAh బ్యాటరీ, 100W ఫాస్ట్ ఛార్జింగ్ సపోర్ట్ ఈ ఫోన్లో ఉన్నాయి. ఇక ఫోన్ వెడల్పు 8.17 మి.మీ కాగా, బరువు 195 గ్రాములు.

కెమెరాల విషయానికి వస్తే, రియల్ మీ జీటీ 2 మాస్టర్ ఎక్స్ ప్లోరర్ ఎడిషన్ లో 50MP సోనీ ఐఎంఎక్స్766 సెన్సర్, 50MP అల్ట్రా-వైడ్-యాంగిల్ కెమెరా, 2MP మ్యాక్రో కెమెరా, 16MP ఫ్రంట్ కెమెరా ఉన్నాయి.