ప్రముఖ స్మార్ట్ఫోన్ బ్రాండ్ Realme త్వరలో తన కొత్త నోట్ సిరీస్ ని లాంచ్ చేయబోతున్నట్లు అధికారికంగా ప్రకటించింది. తాజాగా రియల్మీ ఫిలిప్పైన్స్ తన X హ్యాండిల్ పై Realme Note 50 లాంచ్ తేదీని ప్రకటించింది. జనవరి 23న Realme Note 50 డివైజ్ లాంచ్ కానుందని రియల్మీ తెలిపింది. మరోవైపు, రియల్మీ నోట్ సిరీస్ ని తక్కువ బడ్జెట్ సెగ్మెంట్ ని ఉద్దేశించి తీసుకొస్తున్నట్లు రియల్మీ ఇండియా సీఈవో, ఫౌండర్ స్కై లీ తన X ఖాతాలో పోస్ట్ చేశారు.
Realme Note 50 లాంచ్ తేదీ, అంచనా ధర
First in the series. First in the world. ?
This is the realme Note 50.Don’t miss out as we introduce the #LongLastingValueCompanion to the world for the first time! ✨
Take note of the price reveal next Tuesday, 01.23.24 at 12NN. ?️ pic.twitter.com/t7MWNM5cPr
— realme Philippines (@realme_ph) January 17, 2024
- రియల్మీ ఫిలిప్పైన్స్ X ఖాతా ద్వారా షేర్ చేయబడిన టీజర్ వీడియో క్లిప్ ద్వారా ఫోన్ వెనుక డిజైన్ రివీల్ అయ్యింది.
- డివైజ్ బ్యాక్ ప్యానెల్ పై 3 సర్క్యులర్ రింగ్స్ ఉన్నాయి. వీటిలో రెండు కెమెరా సెన్సర్స్ కి సంబంధించినవి కాగా, మరొకటి ఎల్ఈడీ ఫ్లాష్ కి చెందినది.
- డివైజ్ డ్యూయల్-టోన్ డిజైన్ కలిగి ఉంది. టాప్ లో డార్క్ కలర్ టోన్ ఉండగా, బాటమ్ లో లైట్ కలర్ టోన్ ఉంది.
- Realme Note 50 డివైజ్ బ్లూ మరియు బ్లాక్ కలర్ ఆప్షన్స్ లో లభిస్తుంది. డివైజ్ బాక్సీ ఛాసిస్ ని కలిగి ఉంది.
- సిమ్ ట్రే సెక్షన్ ఫోన్ కి ఎడమవైపు ఉంది. పవర్ బటన్ మరియు వాల్యూమ్ రాకర్ కుడివైపున ఉంది.
- రియల్మీ సీఈవో/ఫౌండర్ స్కై లీ తన పోస్ట్ లో “లాంగ్ లాస్టింగ్ వాల్యూ కంపానియన్” అని రాసుకొచ్చారు.
- Realme Note 50 డివైజ్ ధర 100 డాలర్లు (సుమారు రూ.8,400) లోపు ఉంటుందని అంచనా వేస్తున్నారు.
Realme Note 50 స్పెసిఫికేషన్స్ (అంచనా)
- డిస్ప్లే: Realme Note 50 లో 6.7-ఇంచ్ హెచ్డీ+ స్క్రీన్, 90 హెర్ట్జ్ రిఫ్రెష్ రేట్, యు-షేప్డ్ నాచ్ ఉంటాయి.
- ప్రాసెసర్: Realme Note 50 లో యూనిఎస్ఓసీ టీ612 చిప్సెట్ ఉంటుందని గీక్బెంచ్ లిస్టింగ్ ద్వారా తెలిసింది.
- ర్యామ్, స్టోరేజీ: Realme Note 50 డివైజ్ 4జిబి ర్యామ్, 64జిబి/128జిబి స్టోరేజీ ఆప్షన్స్ లో లభించే అవకాశం ఉంది.
- కెమెరా: Realme Note 50 లో 13ఎంపి మెయిన్ కెమెరా, ఏఐ సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా ఉంటుంది.
- బ్యాటరీ: Realme Note 50 లో పవర్ బ్యాకప్ కోసం 4,890 ఎంఏహెచ్ బ్యాటరీ ఉంటుంది. ఇది 10 వాట్ చార్జింగ్ కి సపోర్ట్ చేస్తుంది.