Realme P2 Pro మరియు Motorola Edge 50 Fusion స్మార్ట్ఫోన్లు రెండు కూడా రూ.25,000 లోపు లభించే ఫోన్లు. ఇవి క్వాల్కమ్ స్నాప్డ్రాగన్ 7ఎస్ జెన్ 2 చిప్సెట్, 12జిబి వరకు ర్యామ్ తో వచ్చాయి. మరి, సాధారణ మరియు విపరీతమైన వాడకానికి ఈ రెండు ఫోన్లలో ఏది బెటర్ ఆప్షన్ అనే విషయాన్ని మనం తెలుసుకునే ప్రయత్నం చేద్దాం. ఇందుకోసం, మేం రియల్మీ పీ2 ప్రో మరియు మోటోరోలా ఎడ్జ్ 50 ఫ్యూజన్ ఫోన్లపై కొన్ని టెస్టులు చేశాం. ఆ వివరాలను చూద్దాం.
అంటుటు
ఓవరాల్గా అంటుటు టెస్టులో, రియల్మీ పీ2 ప్రో డివైజ్ మోటోరోలా ఎడ్జ్ 50 ఫ్యూజన్ కంటే బెటర్ గా ఉంది. అయితే రెండింటి మధ్య తేడా స్వల్పమే. అంటుటు బ్రేక్డౌన్ని గమనిస్తే, సీపీయూ మరియు యూఎక్స్ పెర్ఫామెన్స్ విషయాల్లో రియల్మీ పీ2 ప్రో కంటే మోటోరోలా ఎడ్జ్ 50 ఫ్యూజన్ బెటర్ గా ఉంది. మరోవైపు, రియల్మీ పీ2 ప్రో గ్రాఫిక్స్, మెమొరీ వంటి విషయాల్లో మెరుగ్గా ఉంది. ఇది గేమింగ్ వంటి టాస్కులకు బాగా సరిపోతుంది.
విజేత: Realme P2 Pro 5G
గీక్బెంచ్
గీక్బెంచ్ టెస్టులో మోటోరోలా ఎడ్జ్ 50 ఫ్యూజన్ ఉత్తమమైన ప్రదర్శన కనబరిచింది. సింగిల్-కోర్ టెస్ట్ లో ఈ ఫోన్ 1020 పాయింట్లు, మల్టీ-కోర్ టెస్టులో 2945 పాయింట్లు నమోదు చేసింది. మరోవైపు, రియల్మీ పీ2 ప్రో సింగిల్-కోర్ టెస్టులో 866 పాయింట్లు, మల్టీ-కోర్ టెస్టులో 2930 పాయింట్లు స్కోర్ చేసింది. చిన్నపాటి టాస్కులను మోటోరోలా ఎడ్జ్ 50 ఫ్యూజన్ ఎంతో చురగ్గా హ్యాండిల్ చేస్తుందని తెలుస్తోంది. ఇక హెవీ టాస్కుల విషయంలో రెండు ఫోన్లు కూడా సమానంగా పని చేస్తాయి.
విజేత: Motorola Edge 50 Fusion
సీపీయూ థ్రాటిల్
సీపీయూ థ్రాటిల్ టెస్టు కోసం మేం బర్నవుట్ యాప్ వాడాం. ఈ టెస్టులో మోటోరోలా ఎడ్జ్ 50 ఫ్యూజన్, రియల్మీ పీ2 ప్రో ఫోన్లు రెండు కూడా సమానమైన ప్రదర్శనను కనబరిచాయి. టెస్టులో ఈ ఫోన్లు రఫ్ గా 76 శాతం స్కోరు నమోదు చేశాయి. అంటే ఈ ఫోన్లు, గ్రాఫిక్స్ తో కూడుకున్న గేమ్స్ను బాగా హ్యాండిల్ చేయగలవని రుజువైంది.
విజేత: సమానం
గేమింగ్
గేమింగ్ టెస్టులో రెండు స్మార్ట్ఫోన్ల యొక్క బెంచ్మార్క్ స్కోర్లు ఏ విధంగా ఉన్నాయో తెలిసింది. బీజీఎంఐ, కాల్ ఆఫ్ డ్యూటీ, రియల్ రేసింగ్ 3 గేమ్లను ఒక్కోదాన్ని 30 నిమిషాల చొప్పున రెండు ఫోన్లలో ఆడటం జరిగింది. ఆడే ముందు రెండు ఫోన్లలో ఒకే విధమైన గ్రాఫిక్స్ మరియు ఫ్రేమ్ రేట్ సెట్టింగ్స్ పెట్టాం.
| గేమింగ్ | రియల్మీ పీ2 ప్రో | మోటోరోలా ఎడ్జ్ 50 ఫ్యూజన్ | |
| బీజీఎంఐ | యావరేజ్ ఎఫ్పీఎస్ | 35.7 | – |
| కాల్ ఆఫ్ డ్యూటీ | యావరేజ్ ఎఫ్పీఎస్ | 53.32 | – |
| రియల్ రేసింగ్ | యావరేజ్ ఎఫ్పీఎస్ | 107.08 | – |
దురదృష్టవశాత్తు, మేం మోటోరోలా ఎడ్జ్ 50 ఫ్యూజన్ ఫోన్ని మా ఫ్రేమ్ రేట్ యాప్ లో రన్ చేయలేక పోయాం. అయితే, ఎడ్జ్ 50 ఫ్యూజన్ లో ఫ్రేమ్ డ్రాప్ సమస్యలైతే లేవు. మూడు గేమ్స్ని స్మూథ్ గా హ్యాండిల్ చేసింది. మరోవైపు, రియల్మీ పీ2 ప్రో.. కాల్ ఆఫ్ డ్యూటీపై 53.32 యావరేజీ ఎఫ్పీఎస్, బీజీఎంఐ పై 35.74 యావరేజీ ఎఫ్పీఎస్ నమోదయ్యాయి. హై మరియు హెచ్డీఆర్ సెట్టింగ్స్ తో రెండు ఫోన్లలో ఆడగా, 60ఎఫ్పీఎస్ మార్క్ నుంచి డౌన్ అయ్యాయి.
| గేమింగ్ | రియల్మీ పీ2 ప్రో | మోటోరోలా ఎడ్జ్ 50 ఫ్యూజన్ | |
| బీజీఎంఐ | టెంపరేచర్ పెరుగుదల | 7.9 | 7.5 |
| కాల్ ఆఫ్ డ్యూటీ | టెంపరేచర్ పెరుగుదల | 5.3 | 7.2 |
| రియల్ రేసింగ్ | టెంపరేచర్ పెరుగుదల | 5.7 | 4.4 |
మొత్తం మీద, రియల్మీ పీ2 ప్రో, ఎడ్జ్ 50 ప్యూజన్ కంటే మంచి థర్మల్ ఎఫిషియన్సీని అందిస్తుంది. ఈ హ్యాండ్సెట్ టెంపరేచర్ 18.9 డిగ్రీలకు పెరగగా, మోటోరోలా ఎడ్జ్ 50 ఫ్యూజన్ ఫోన్ని 19.1 డిగ్రీలకు పెరిగింది. రియల్మీ పీ2 ప్రో లో 3డీ వీసీ కూలింగ్ సిస్టమ్ ఉండటం ప్లస్ అయ్యింది. దీని ద్వారా పెర్ఫామెన్స్ బాగుండటంతో పాటు, థర్మల్ థ్రాట్లింగ్ అనేది కంట్రోల్ లో ఉంది.
విజేత: Realme P2 Pro
ఏది బెటర్?
ఫలితాలను గమనిస్తే, రెండు స్మార్ట్ఫోన్ల మధ్య పెర్ఫామెన్స్ విషయంలో పెద్దగా తేడా ఉన్నట్లు అనిపించడం లేదు. అయితే, రెండు ఫోన్లు కూడా వివిధ విభాగాల్లో మేటిగా ఉన్నాయి. గ్రాఫిక్స్ మరియు మెమొరీ విషయంలో Realme P2 Pro బాగుంది. దీని ద్వారా గేమింగ్ మరియు ఇతర హెవీ టాస్కులు వేగంగా చేయబడతాయి. అలాగే రియల్మీ పీ2 ప్రోలో ఉన్న థర్మల్ ఎఫిషియన్సీ కూడా ఫోన్ స్థిరంగా పెర్ఫామ్ చేసేందుకు ఉపయోగపడుతుంది.
మరోవైపు, Motorola Edge 50 Fusion రోజువారీ టాస్కులను చకచకా చేసేస్తుంది. దీనికి గీక్బెంచ్ స్కోరే రుజువు.
చివరగా, మీ ప్రాధామ్యాలపై ఎంపిక ఆధారపడి ఉంటుంది. మీకు గేమింగ్, మల్టీ-టాస్కింగ్ ముఖ్యమైతే Realme P2 ను ఎంచుకోండి. రోజువారీ టాస్కులను వేగంగా చేసుకోవాలనుకుంటే Motorola Edge 50 Fusion ను ఎంపిక చేసుకోండి.