ఎన్నో ఊహాగానాల తర్వాత Nubia సంస్థ తన RedMagic 9 Pro సిరీస్ ని చైనాలో లాంచ్ చేసింది. లైనప్ లో RedMagic 9 Pro, RedMagic 9 Pro+ డివైజెస్ వచ్చాయి. ఈ రెండు ఫోన్లు 6.8-ఇంచ్ డిస్ప్లే, 50ఎంపి ట్రిపుల్ కెమెరా సెటప్, క్వాల్కమ్ స్నాప్ డ్రాగన్ 8 జెన్ 3 చిప్ కలిగి ఉన్నాయి. RedMagic 9 Pro సిరీస్ కేవలం చైనాలో మాత్రమే లాంచ్ అయ్యింది. కానీ, ఇతర మార్కెట్స్ లోకి త్వరలోనే ప్రవేశించనుంది. అయితే రానున్న కొన్ని నెలల్లో భారత్ లో కూడా లాంచ్ అవుతుందని అంచనా వేస్తున్నారు.
RedMagic 9 Pro సిరీస్ ధర
- RedMagic 9 Pro సిరీస్ ప్రారంభ ధర చైనాలో CNY 4,399 (సుమారు రూ.51,636) గా ఉంది.
- RedMagic 9 Pro డివైజ్ డార్క్ నైట్ కలర్ ఆప్షన్ లో అందుబాటు ఉంటుంది. మరోవైపు, RedMagic 9 Pro+ డివైజ్ డార్క్ నైట్, డ్యూటీరియమ్ ఫ్రంట్ ట్రాన్స్పరెంట్ డార్క్ నైట్, డ్యూటీరియమ్ ఫ్రంట్ ట్రాన్స్పరెంట్ సిల్వర్ వింగ్స్ వంటి కలర్ ఆప్షన్స్ లో లభిస్తుంది.
RedMagic 9 Pro, RedMagic 9 Pro+ స్పెసిఫికేషన్స్
- డిస్ప్లే: RedMagic 9 Pro మరియు RedMagic 9 Pro+ డివైజెస్ లో 6.8-ఇంచ్ 1.5కే ఓఎల్ఈడీ బీఓఈ క్యూ9+ డిస్ప్లే, 120 హెర్ట్జ్ రిఫ్రెష్ రేట్, 1600 నిట్స్ పీక్ బ్రైట్నెస్ ఉన్నాయి.
- చిప్సెట్: RedMagic 9 Pro, RedMagic 9 Pro+ డివైజెస్ లో క్వాల్కమ్ స్నాప్ డ్రాగన్ 8 జెన్ 3 చిప్సెట్, అడ్రెనో 750 జీపీయూ వాడారు.
- కెమెరా: RedMagic 9 Pro సిరీస్ ఫోన్లలో 50ఎంపి ఎస్5కేజీఎన్5 ఓఐఎస్ ప్రైమరీ కెమెరా, 50ఎంపి ఎస్5కేజెఎన్1 అల్ట్రావైడ్ లెన్స్, 2ఎంపి జీసీ02ఎమ్1 మ్యాక్రో కెమెరా ఉన్నాయి. రెండు ఫోన్లలో సెల్ఫీస్, వీడియో కాల్స్ కోసం 16ఎంపి ఫ్రంట్ కెమెరా అందించారు.
- ర్యామ్, స్టోరేజీ: RedMagic 9 Pro డివైజ్ 8జిబి+256జిబి, 12జిబి+256జిబి, 12జిబి+512జిబి వేరియంట్స్ లో లభిస్తుంది. RedMagic 9 Pro+ డివైజ్ 16జిబి+256జిబి, 16జిబి+512జిబి, 24జిబి+1టిబి ఆప్షన్స్ లో లభిస్తుంది.
- సాఫ్ట్వేర్: RedMagic 9 Pro, RedMagic 9 Pro+ డివైజెస్ ఆండ్రాయిడ్ 14 ఆధారిత రెడ్మ్యాజిక్ ఓఎస్ కస్టమ్ స్కిన్ పై పని చేస్తాయి.
- బ్యాటరీ: RedMagic 9 Pro లో 6,500 ఎంఏహెచ్ బ్యాటరీ, 80 వాట్ ఫాస్ట్ చార్జింగ్ సపోర్ట్ ఉన్నాయి. RedMagic 9 Pro+ లో 5,500 ఎంఏహెచ్ బ్యాటరీ, 165 వాట్ ఫాస్ట్ చార్జింగ్ సపోర్ట్ ఉన్నాయి.
- ఇతర ఫీచర్లు: RedMagic 9 Pro, RedMagic 9 Pro+ డివైజెస్ లో వై-ఫై 7, యూఎస్బీ 3.2 జెన్ 2 పోర్ట్, ఎన్ఎఫ్సీ, బ్లూటూత్ 5.3, డ్యూయల్ స్టీరియో స్పీకర్స్, 3.5ఎంఎం ఆడియో జాక్, ఐఆర్ బ్లాస్టర్ వంటి ఫీచర్లు ఉన్నాయి.