షావోమి సబ్-బ్రాండ్ Redmi భారత్ లో తన కొత్త నంబర్ సిరీస్ ఫోన్ని లాంచ్ చేసింది. Redmi 12 సిరీస్ లో భాగంగా Redmi 12 5G స్మార్ట్ ఫోన్ నేడు భారతీయ మార్కెట్ లోకి ఎంట్రీ ఇచ్చింది. ఈ ఆర్టికల్ లో మనం Redmi 12 5G డివైజ్ గురించి తెలుసుకుందాం. ఈ ఫోన్ సరసమైన ధరలో మిడ్-లెవెల్ ఫీచర్లతో వచ్చింది. అంతేకాదు, ఈ ఫోన్ ఆకర్షణీయమైన డిజైన్తో వచ్చింది. సరే, ఓసారి Redmi 12 5G ఫోన్ యొక్క డిజైన్, స్పెసిఫికేషన్లు ఎలా ఉన్నాయో తెలుసుకుందాం పదండి.
Redmi 12 5G డిజైన్
Redmi 12 5G డివైజ్ స్పెషల్ క్రిస్టల్ గ్లాస్ డిజైన్ తో వచ్చింది. బ్యాక్ ప్యానెల్ పై సర్క్యులర్ కెమెరా మాడ్యూల్ లో సెన్సర్స్ ఉన్నాయి. బాటమ్ లో రెడ్మీ బ్రాండింగ్ ఉంది. ఫోన్ బ్యాక్ ప్యానెల్ డ్యూయల్ టోన్ ఫినిషింగ్ తో వచ్చింది. మొత్తం మీద, ఫోన్ ప్రీమియమ్ లుక్ ని కలిగి ఉంది.
Redmi 12 5G స్పెసిఫికేషన్స్
- డిస్ప్లే: Redmi 12 5G లో 6.79-ఇంచ్ ఫుల్ హెచ్డీ+ స్క్రీన్, ఐపీఎస్ ఎల్సీడీ ప్యానెల్, 90 హెర్ట్జ్ రిఫ్రెష్ రేట్, 550 నిట్స్ బ్రైట్నెస్, 91 పర్సెంట్ స్క్రీన్ టు బాడీ రేషియో ఉన్నాయి.
- ప్రాసెసర్: Redmi 12 5G లో స్నాప్ డ్రాగన్ 4 జెన్ 2 చిప్ ఉంటుంది. ఈ చిప్ 4నానో మీటర్ ప్రాసెస్ పై తయారైంది.
- స్టోరేజీ: Redmi 12 5G స్మార్ట్ ఫోన్ లో 8జిబి వరకు ర్యామ్, 256జిబి వరకు స్టోరేజీ ఉన్నాయి. కంపెనీ 8జిబి వర్చువల్ ర్యామ్ ని కూడా అందిస్తోంది. దీంతో యూజర్ కి 16జిబి వరకు ర్యామ్ లభిస్తుంది.
- కెమెరా: Redmi 12 5G డివైజ్ లో ట్రిపుల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 2ఎంపి మ్యాక్రో లెన్స్, 2ఎంపి డెప్త్ కెమెరా ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 8ఎంపి ఫ్రంట్ కెమెరా అందించారు.
- బ్యాటరీ: Redmi 12 5G డివైజ్ లో పవర్ బ్యాకప్ కోసం 5000 ఎంఏహెచ్ బ్యాటరీ అందించారు. ఇది 22.5 వాట్ ఫాస్ట్ చార్జింగ్ కి సపోర్ట్ చేస్తుంది.
- ఓఎస్: Redmi 12 5G డివైజ్ ఆండ్రాయిడ్ 13 ఓఎస్ పై పని చేస్తుంది.
- ఇతర ఫీచర్లు: Redmi 12 5G స్మార్ట్ ఫోన్ లో వై-ఫై 5, బ్లూటూత్ 5.1, డ్యూయల్ సిమ్ 5జీ, ఫింగర్ ప్రింట్ స్కానర్, ఐపీ53 రేటింగ్ ఉన్నాయి.
భారత్ లో Redmi 12 5G ధర
Redmi 12 5G డివైజ్ 4జిబి ర్యామ్ + 128జిబి స్టోరేజీ వేరియంట్ ధర రూ.10,999 గా ఉంది. 6జిబి + 128జిబి వేరియంట్ ధర రూ.12,499 గా ఉంది. ఇక టాప్ వేరియంట్ 8జిబి ర్యామ్ + 256జిబి స్టోరేజీ మోడల్ ధరను రూ.14,499 గా నిర్ణయించారు.