మీరు గనుక తక్కువ బడ్జెట్ లో ఫోన్ కొనాలని భావిస్తుంటే, అందుకు ఇదే సరైన సమయం. ఎందుకంటే రెడ్మీ సంస్థ తన బడ్జెట్ స్మార్ట్ ఫోన్ Redmi 12C ధరను తగ్గించింది. అయితే, ఈ ధర తగ్గింపు కొంత కాలం పాటు మాత్రమే అందుబాటులో ఉంటుంది. ఫోన్ గురించి మాట్లాడితే, ఇందులో 6.71-ఇంచ్ హెచ్డీ డిస్ప్లే, 5000 ఎంఏహెచ్ బ్యాటరీ, మీడియాటెక్ హీలియో జీ85 చిప్, ఫింగర్ ప్రింట్ స్కానర్, 50ఎంపి డ్యూయల్ రియర్ కెమెరా సెటప్ ఉన్నాయి.
Redmi 12C ఆఫర్ వివరాలు
- Redmi 12C పై ధర తగ్గింపు కేవలం బేస్ వేరియంట్ కి మాత్రమే లభిస్తుంది. బేస్ వేరియంట్ 4జిబి ర్యామ్ మరియు 64జిబి స్టోరేజీని ఆఫర్ చేస్తుంది.
- ఈ ఏడాది ఏప్రిల్ లో Redmi 12C డివైజ్ రూ.8,999 ధరతో లాంచ్ అయ్యింది. ప్రస్తుతం అమెజాన్ ఇండియా వెబ్ సైట్ లో ఈ ఫోన్ ధర రూ.8,799 గా చూపిస్తోంది. అంటే ఫోన్ పై నేరుగా రూ.200 తగ్గించారన్నమాట. మీరు మరొక రూ.800 డిస్కౌంట్ పొందే అవకాశం ఉంది.
- ఐసీఐసీఐ క్రెడిట్ కార్డ్, హెచ్డీఎఫ్సీ క్రెడిట్ కార్డ్ లేదా డెబిట్ కార్డ్ తో Redmi 12C ఫోన్ ని కొనుగోలు చేస్తే, రూ.800 ఇన్స్టంట్ డిస్కౌంట్ లభిస్తుంది.
- డిస్కౌంట్ అనేది కేవలం ఈఎంఐ ఆర్డర్లకు మాత్రమే వర్తిస్తుందని గమనించాలి. అయితే, యూపీఐ పేమెంట్ యాప్ అమెజాన్ పే ద్వారా డబ్బు చెల్లించి రూ.800 క్యాష్బ్యాక్ పొందవచ్చు. దీంతో Redmi 12C ని రూ.7,999 కే కొనుగోలు చేయవచ్చు.
- క్రెడిట్/డెబిట్ కార్డ్ ఆఫర్ కి జూన్ 15 చివరి తేదీ అని అమెజాన్ వెల్లడించింది.
Redmi 12C స్పెసిఫికేషన్స్
- డిస్ప్లే: Redmi 12C లో 6.71-ఇంచ్ హెచ్డీ+ నాచ్ డిస్ప్లే, 500 నిట్స్ బ్రైట్నెస్, 1500:1 కాంట్రాస్ట్ రేషియో ఉన్నాయి.
- ప్రాసెసర్: Redmi 12C లో మీడియాటెక్ హీలియో జీ85 చిప్, ఏఆర్ఎం మాలి-జీ52 ఎంసీ2 జీపీయూ ఉన్నాయి.
- ర్యామ్, స్టోరేజీ: Redmi 12C లో 4జిబి/6జిబి ర్యామ్, 64జిబి/128జిబి స్టోరేజీ ఉన్నాయి. ఇంకా 3జిబి/5జిబి వర్చువల్ ర్యామ్ కూడా ఉంది.
- కెమెరా: Redmi 12C లో డ్యూయల్ కెమెరా సెటప్ ఉంది. ఇందులో 50ఎంపి మెయిన్ కెమెరా, ఒక సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం 5ఎంపి ఫ్రంట్ కెమెరా అందించారు.
- కనెక్టివిటీ: Redmi 12C లో 4జీ ఎల్టీఈ, డ్యూయల్-బ్యాండ్ వై-ఫై, డ్యూయల్-సిమ్, బ్లూటూత్ 5.0, జీపీఎస్/ఏజీపీఎస్, బైడూ, గెలీలియో, 3.5ఎంఎం ఆడియో జాక్, మైక్రో యూఎస్బీ పోర్ట్ ఉన్నాయి.
- బ్యాటరీ: Redmi 12C లో పవర్ బ్యాకప్ కోసం 5000 ఎంఏహెచ్ బ్యాటరీ ఉంటుంది. ఇది 10 వాట్ చార్జింగ్ కి సపోర్ట్ చేస్తుంది.
- ఓఎస్: Redmi 12C స్మార్ట్ ఫోన్ ఆండ్రాయిడ్ 12 ఓఎస్ ఆధారిత ఎంఐయూఐ 13 కస్టమ్ స్కిన్ పై పని చేస్తుంది.
- ఇతర ఫీచర్లు: Redmi 12C లో ఫింగర్ ప్రింట్ స్కానర్ ఉంది. ఇంకా ఈ ఫోన్ ఐపీ52 రేటింగ్ ని కలిగి ఉంది.