షావోమి సంస్థ తన కొత్త చవకైన స్మార్ట్ ఫోన్ Redmi 12C ని భారత్ లో మార్చి 30 న లాంచ్ చేయనుంది. ఆమేరకు కంపెనీ నుంచి ఇప్పటికే ఒక ప్రకటన వచ్చేసింది. అమెజాన్ లో కనిపిస్తోన్న ప్రొడక్ట్ పేజీ ద్వారా ఫోన్ కి సంబంధించిన ఎన్నో ఫీచర్లు, స్పెసిఫికేషన్స్ రివీల్ అయ్యాయి. తాజాగా అమెజాన్ లిస్టింగ్ ద్వారా Redmi 12C యొక్క ధర కూడా రివీల్ అయ్యింది. భారత్ లో Redmi 12C ఫోన్ రూ.10 వేల లోపు ధరతో లాంచ్ అవుతుందని సమాచారం.
భారత్ లో Redmi 12C ధర
Redmi 12C ప్రొడక్ట్ పేజీ అమెజాన్ లో దర్శనమిస్తోంది. Redmi 12C ధర భారత్ లో రూ.10 వేల లోపు ఉంటుందని తెలుస్తోంది. 2023 లో వచ్చిన అన్ని రూ.10 వేల లోపు ఫోన్లలో Redmi 12C ఫాస్టెస్ట్ ఫోన్ అని కంపెనీ చెబుతోంది. మీడియాటెక్ హీలియో జీ85 చిప్సెట్ తో ఈ ఫోన్ మార్కెట్ లోకి ఎంట్రీ ఇవ్వబోతోంది. భారత్ లో Redmi 12C సేల్ రూ.8,999 తో ప్రారంభమవుతుందని అంచనా వేస్తున్నారు.
Redmi 12C స్పెసిఫికేషన్స్
- 6.71-ఇంచ్ హెచ్డీ+ డిస్ప్లే
- 5జిబి వర్చువల్ ర్యామ్
- మీడియాటెక్ హీలియో జీ85
- 50ఎంపి రియర్ కెమెరా
- 10 వాట్ చార్జింగ్, 5000 ఎంఏహెచ్ బ్యాటరీ
Redmi 12C చైనీస్ మోడల్ గురించి మాట్లాడితే, ఈ ఫోన్ 20.6:9 యాస్పెక్ట్ రేషియో, 6.71-ఇంచ్ హెచ్డీ+ డిస్ప్లే, 1650*720 పిక్సెల్స్ రెజుల్యూషన్ కలిగి ఉంటుంది. మీడియాటెక్ హీలియో జీ85 ఆక్టా-కోర్ ప్రాసెసర్ ని ఈ ఫోన్ లో వాడారు. ఇది 2.0 గిగాహెర్ట్జ్ క్లాక్ స్పీడ్ కలిగిన చిప్. ఇక గ్రాఫిక్స్ కోసం మాలి-జీ52 ఎంపీ2 జీపీయూ వాడారు.
Redmi 12C లో డ్యూయల్ రియర్ కెమెరా సెటప్ ఉంటుంది. ఇందులో 50ఎంపి మెయిన్ కెమెరా, ఒక సెకండరీ లెన్స్ ఉంటాయి. సెల్ఫీస్, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా ఉంటుంది. ఈ ఫోన్ లో పవర్ బ్యాకప్ కోసం 5,000 ఎంఏహెచ్ బ్యాటరీ ఇచ్చారు. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది. భారత్ లో రెడ్మీ 12సీ స్మార్ట్ ఫోన్ మార్చి 30 న లాంచ్ అవుతోంది. తక్కువ బడ్జెట్ లో మంచి కెమెరా, చిప్సెట్ కలిగిన ఫోన్ కొనాలని భావించే వారికి ఈ ఫోన్ బాగా సరిపోతుంది. లాంచ్ రోజున ఫోన్ కి సంబంధించిన కచ్చితమైన ధర, పూర్తి స్పెసిఫికేషన్స్ బయటకు రానున్నాయి.
లేటెస్ట్ స్మార్ట్ ఫోన్, టెక్నాలజీ మరియు టెలీకమ్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.