హైలైట్స్
- చైనాలో లాంచైన Redmi 12C బడ్జెట్ ఫ్రెండ్లీ స్మార్ట్ ఫోన్
- 6జిబి వరకు ర్యామ్, 128జిబి వరకు స్టోరేజీ ఆప్షన్స్ తో వచ్చిన హ్యాండ్సెట్
- 4 కలర్ ఆప్షన్స్ లో లభించనున్న Redmi 12C స్మార్ట్ ఫోన్
రెడ్మీ బ్రాండ్ చైనాలో ఒక కొత్త బడ్జెట్ ఫ్రెండ్లీ స్మార్ట్ ఫోన్ ని లాంచ్ చేసింది. Redmi 12C అనే పేరుతో వచ్చిన ఈ ఫోన్ 2022 డిసెంబర్ 31 న లాంచ్ అయ్యింది. ఇప్పటికే చైనాలో రెడ్మీ కే60 సిరీస్ అమ్మకాలు మొదలయ్యాయి. రెడ్మీ 10సీ స్మార్ట్ ఫోన్ కి సక్సెసర్ గా Redmi 12C మార్కెట్ లోకి ఎంట్రీ ఇచ్చింది. గత మోడల్ తో పోల్చితే తాజాగా వచ్చిన Redmi 12C ఫోన్ యొక్క డిజైన్ కాస్త వేరుగా ఉంది. వాటర్ డ్రాప్ నాచ్ డిజైన్ తో ఫోన్ వచ్చింది.
Redmi 12C ఒక బడ్జెట్ ఆఫరింగ్. పాలికార్బొనేట్ బాడీతో తయారైంది. ప్లాస్టిక్ ఫ్రేమ్ ని ఈ ఫోన్ కల్గి ఉంది. షావోమి ఈ ఫోన్ ని మూడు స్టోరేజీ ఆప్షన్స్ తో లాంచ్ చేసింది. సరే, ఓసారి Redmi 12C యొక్క ధర, పూర్తి స్పెసిఫికేషన్స్ ని ఇక్కడ చూద్దాం. పదండి.
Redmi 12C ధర, స్పెసిఫికేషన్స్
Redmi 12C ఫోన్ 3 స్టోరేజీ ఆప్షన్స్ తో చైనాలో లాంచైంది. బేస్ మోడల్ అయిన 4జిబి ర్యామ్, 64జిబి స్టోరేజీ ధర 699 యువాన్లు (సుమారు రూ.8,400) గా ఉంది. 4జిబి + 128జిబి వేరియంట్ ధర 799 యువాన్లు (సుమారు రూ.9,600) గా ఉంది. ఇక టాప్ ఎండ్ 6జిబి ర్యామ్ + 128జిబి స్టోరేజీ మోడల్ ధర 899 యువాన్లు (సుమారు రూ.10,800) గా ఉంది.
Redmi 12C స్మార్ట్ ఫోన్ షాడో బ్లాక్, సీ బ్లూ, మింట్ గ్రీన్ మరియు లావెండర్ కలర్ ఆప్షన్స్ లో లభిస్తుంది.
Redmi 12C స్పెసిఫికేషన్స్
Redmi 12C స్మార్ట్ ఫోన్ బ్యాక్ ప్యానెల్ పై స్క్వేర్ షేప్డ్ మాడ్యూల్ ఉంది. ఇందులో పిల్ షేప్డ్ కెమెరా యూనిట్ ఉంది. ఇందులో 50ఎంపి కెమెరా ప్రైమరీ కెమెరా, సెకండరీ కెమెరా, ఎల్ఈడీ ఫ్లాష్ ఉన్నాయి. సెల్ఫీలు, వీడియో కాల్స్ కోసం ఇందులో 5ఎంపి ఫ్రంట్ కెమెరా అందించారు.
Redmi 12C స్మార్ట్ ఫోన్ లో 6.71-ఇంచ్ హెచ్డీ+ డిస్ప్లే, 1650*720 పిక్సెల్స్ రెజుల్యూషన్, 20.6:9 యాస్పెక్ట్ రేషియో, 500 నిట్స్ పీక్ బ్రైట్నెస్, డ్యూ-డ్రాప్ నాచ్ ఉన్నాయి. న్యారో బెజెల్స్, మందపాటి చిన్ ఈ ఫోన్ లో ఉన్నాయి.
Redmi 12C లో మీడియాటెక్ హీలియో జీ85 ప్రాసెసర్ వాడారు. ఇదొక ఆక్టా-కోర్ చిప్సెట్. గ్రాఫిక్స్ కోసం మాలి-జీ52 జీపీయూ ఉపయోగించారు. ఈ డివైజ్ ఎల్పీడీడీఆర్4ఎక్స్ ర్యామ్, ఈఎంఎంసీ 5.1 ఫ్లాష్ మెమొరీ ని కల్గి ఉంది. మైక్రోఎస్డీ కార్డ్ ద్వారా మెమొరీని 512జిబి వరకు పెంచుకోవచ్చు. ఈ ఫోన్ లో హైబ్రిడ్ సిమ్ స్లాట్, 3.5ఎంఎం హెడ్ఫోన్ జాక్ ఉన్నాయి.
Redmi 12C డివైజ్ మైక్రో యూఎస్బీ పోర్ట్ తో వస్తోంది. ఈ ఫోన్ లో 5000 ఎంఏహెచ్ బ్యాటరీ అందించారు. ఇది 10 వాట్ చార్జింగ్ కి సపోర్ట్ చేస్తుంది. Redmi 12C ఫోన్ 168.76 మిల్లీ మీటర్ల పొడవు, 76.41 మిల్లీ మీటర్ల వెడల్పు, 8.7 మిల్లీ మీటర్ల మందం, 192 గ్రాముల బరువు ఉంటుంది.
లేటెస్ట్ స్మార్ట్ ఫోన్, ఆటోమొబైల్, టెక్నాలజీ, టెలీకామ్, ఎంటర్టెయిన్మెంట్ న్యూస్ కోసం 91మొబైల్స్ తెలుగు ఫేస్బుక్ పేజీని లైక్ చేసి ఫాలో అవ్వండి.