ప్రముఖ చైనీస్ స్మార్ట్ఫోన్ బ్రాండ్ Redmi నేడు భారతీయ మార్కెట్ లో 13-సిరీస్ లో కొత్త ఫోన్ లాంచ్ చేసింది. Redmi 13 5G పేరుతో ఈ డివైజ్ విడుదలైంది. తక్కువ ధరలో చక్కటి ఫీచర్లతో ఈ ఫోన్ వచ్చింది. రెడ్మీ 13 5జీ ఫోన్లో 108ఎంపి ప్రైమరీ కెమెరా, 5030 ఎంఏహెచ్ బ్యాటరీ ఉన్నాయి. ఈ ఫోన్ ప్రారంభ ధర రూ.13,999 గా ఉంది. ఓసారి రెడ్మీ 13 5జీ యొక్క పూర్తి స్పెసిఫికేషన్స్, ధర మరియు లభ్యత వివరాలు తెలుసుకుందామా?
Redmi 13 5G ధర, ఆఫర్లు
Redmi 13 5G స్మార్ట్ఫోన్ రెండు స్టోరేజీ వేరియంట్స్ లో లాంచ్ అయ్యింది. 6జిబి ర్యామ్, 128జిబి స్టోరేజీ మోడల్ ధరను రూ.13,999 గా పెట్టారు. మరోవైపు, 8జిబి ర్యామ్, 128జిబి స్టోరేజీ మోడల్ ధర రూ.15,999 గా ఉంది.
జులై 12వ తేదీ నుంచి కంపెనీ వెబ్సైట్, అమెజాన్ మరియు రిటైల్ స్టోర్స్ ద్వారా ఈ ఫోన్ని కొనుగోలు చేయవచ్చు. ప్రారంభ సేల్లో భాగంగా Redmi 13 5G పై రూ.1,000 బ్యాంక్ డిస్కౌంట్ లభిస్తుంది. దీంతో ఈ ఫోన్ యూజర్కి రూ.12,999 మరియు రూ.14,999 కే లభించనుంది.
Redmi 13 5G స్పెసిఫికేషన్స్
డిస్ప్లే: Redmi 13 5G లో పంచ్ హోల్ కటౌట్, ఫ్లాట్ ప్యానెల్, 6.79-ఇంచ్ ఫుల్ హెచ్డీ+ డిస్ప్లే, 2400*1080 పిక్సెల్స్ రెజుల్యూషన్, 120 హెర్ట్జ్ రిఫ్రెష్ రేట్, వెట్ ఫింగర్ టచ్ డిస్ప్లే, కార్నింగ్ గొరిల్లా గ్లాస్ 3 ఉన్నాయి.
ప్రాసెసర్: Redmi 13 5G లో క్వాల్కమ్ స్నాప్డ్రాగన్ 4 జెన్ 2 చిప్సెట్ వాడారు. ఇది 4 నానోమీటర్ ఫ్యాబ్రికేషన్ పై తయారైన ఆక్టా-కోర్ చిప్. దీని హయ్యస్ట్ క్లాక్ స్పీడ్ 2.3 గిగాహెర్ట్జ్. గ్రాఫిక్స్ కోసం అడ్రెనో 613 జీపీయూ వాడారు.
ర్యామ్, స్టోరేజీ: Redmi 13 5G డివైజ్ 6జిబి ర్యామ్ + 128జిబి స్టోరేజీ, 8జిబి ర్యామ్ + 128జిబి స్టోరేజీ ఆప్షన్స్ లో లభిస్తుంది.
సాఫ్ట్వేర్: Redmi 13 5G స్మార్ట్ఫోన్ ఆండ్రాయిడ్ 14 ఓఎస్ ఆధారిత హైపర్ఓఎస్ కస్టమ్ స్కిన్ పై పని చేస్తుంది.
కెమెరా: Redmi 13 5G స్మార్ట్ఫోన్ లో 108ఎంపి శాంసంగ్ ఐసోసెల్ హెచ్ఎం6 మెయిన్ కెమెరా, 2ఎంపి మ్యాక్రో కెమెరా, ఎల్ఈడీ ఫ్లాష్ ఉన్నాయి. సెల్పీస్, వీడియో కాల్స్ కోసం ఈ ఫోన్ లో 13ఎంపి ఫ్రంట్ కెమెరా ఇచ్చారు.
బ్యాటరీ: Redmi 13 5G లో పవర్ బ్యాకప్ కోసం 5030 ఎంఏహెచ్ బ్యాటరీ ఉంది. ఇది 33 వాట్ ఫాస్ట్ చార్జింగ్ టెక్నాలజీతో వచ్చింది. 30 నిమిషాల్లో 50 శాతం బ్యాటరీ చార్జ్ అవుతుందని కంపెనీ చెబుతోంది.
కనెక్టివిటీ: Redmi 13 5G లో డ్యూయల్ సిమ్, 5జీ, 4జీ, బ్లూటూత్ 5, వై-ఫై వంటి ఆప్షన్స్ ఉన్నాయి.
ఇతర ఫీచర్లు: Redmi 13 5G లో ఐఆర్ బ్లాస్టర్, సింగిల్ స్పీకర్, 3.5ఎంఎం ఆడియో జాక్, సైడ్ మౌంటెడ్ ఫింగర్ప్రింట్ స్కానర్ ఉన్నాయి.