షావోమి సబ్-బ్రాండ్ Redmi త్వరలో Redmi 13C డివైజ్ ని లాంచ్ చేయనుంది. ఇప్పటికే ఈ ఫోన్ రియల్-వరల్డ్ పిక్స్, సర్టిఫికేషన్ లిస్టింగ్స్ వివరాలు, రెండర్స్ వంటివి బయటకు వచ్చాయి. తాజాగా, Redmi 13C యొక్క అన్బాక్సింగ్ వీడియో నెట్టింట్లో ప్రత్యక్షమైంది. యూట్యూబ్ లో Redmi 13C అన్బాక్సింగ్ వీడియో పోస్ట్ అయ్యింది. దీంతో Redmi 13C డివైజ్ డిజైన్, స్పెసిఫికేషన్స్, బాక్స్ కంటెట్స్ రివీల్ అయ్యాయి. సరే, ఆ వీడియో చూద్దాం పదండి.
Redmi 13C అన్బాక్సింగ్ వీడియో, ఫోన్ డిజైన్
సెంట్రల్ అమెరికాలోని గ్వాటెమాలకి చెందిన Eufracio Lopez 502 అనే యూట్యూబ్ చానల్ లో Redmi 13C అన్బాక్సింగ్ వీడియో పోస్ట్ చేయబడింది. తనకు Redmi 13C యొక్క లైట్ గ్రీన్, గ్రీన్ అండ్ బ్లూ గ్రేడియంట్ మరియు బ్లాక్ కలర్ వేరియంట్స్ వచ్చాయని సదరు యూట్యూబర్ తెలిపాడు.
- ఆకుపచ్చ రంగు గ్లాసీ ఫినిష్ కలిగి ఉంటుంది. నలుపు/బూడిద రంగుల మోడల్ మ్యాట్ ఫినిష్ తో ఉంది.
- సైడ్స్ స్క్వేర్ షేప్ లో ఉన్నాయి. ఫ్రంట్ కెమెరా డ్యూడ్రాప్ నాచ్లో ఉంది. బ్యాక్ కెమెరాలు రెండు రింగ్స్ లో ఉన్నాయి. ఫోన్ కి టాప్ లో 3.5mm హెడ్ఫోన్ జాక్ ఉంది.
- Redmi 13C బాక్స్ లో పల ఫోన్, ఛార్జింగ్ కేబుల్ మరియు అడాప్టర్ ఉన్నాయి.
మేము ఈ వీడియో నుండి డివైజ్ యొక్క కొన్ని కీలక స్పెసిఫికేషన్స్ ని కూడా గుర్తించాం. ఆడియో స్పానిష్లో ఉన్నందున, అనువదించబడిన వివరాలు ఇక్కడ ఉన్నాయి. ఓసారి చెక్ చేయండి.
Redmi 13C స్పెసిఫికేషన్స్ (లీక్)
- డిస్ప్లే: Redmi 13C లో 6.74-ఇంచ్ ఫుల్హెచ్డీ+ స్క్రీన్, 90 హెర్ట్జ్ రిఫ్రెష్ రేట్, ఐపీఎస్ ఎల్సీడీ ప్యానెల్, వాటర్ డ్రాప్ నాచ్ ఉన్నాయి.
- కెమెరా: Redmi 13C లో ట్రిపుల్ రియర్ కెమెరా సెటప్ ఉంది. ఇందులో 50ఎంపి మెయిన్ కెమెరా, 8ఎంపి అల్ట్రావైడ్ కెమెరా, 2ఎంపి డెప్త్ సెన్సర్ ఉన్నాయి.
- ప్రాసెసర్: Redmi 13C లో మీడియాటెక్ హీలియో జీ85 చిప్సెట్ ఉంది.
- సాఫ్ట్వేర్: Redmi 13C డివైజ్ ఆండ్రాయిడ్ 13 ఓఎస్ ఆధారిత ఎంఐయూఐ 14 కస్టమ్ స్కిన్ పై పని చేస్తుంది.
- మెమొరీ: Redmi 13C డివైజ్ లో 8జిబి ర్యామ్, 256జిబి స్టోరేజీ ఉన్నాయి. ఇతర మెమొరీ కాంబినేషన్స్ కూడా ఉండే అవకాశం ఉంది.
- బ్యాటరీ: Redmi 13C లో పవర్ బ్యాకప్ కోసం 5,000 ఎంఏహెచ్ బ్యాటరీ ఉంది. ఇది 18 వాట్ ఫాస్ట్ చార్జింగ్ కి సపోర్ట్ చేస్తుంది. బాక్స్ లో చార్జర్ ని కంపెనీ ప్రొవైడ్ చేస్తోంది.
Redmi 13C లాంచ్, ధర (అంచనా)
Redmi 13C డివైజ్ చైనాలో నవంబర్ నెలలో లాంచ్ కానుందని టిప్స్టర్ పారస్ గుగ్లాని (Newzonly.com ద్వారా) తెలిపారు. కొన్ని ప్రాంతాల్లో ఈ ఫోన్ ధర 100 డాలర్ల కంటే తక్కువగా ఉంటుందని పారస్ అంచనా వేశారు. అంటే మన కరెన్సీలో సుమారు రూ.8,322 ఉండవచ్చు.