ప్రముఖ చైనీస్ స్మార్ట్ఫోన్ మేకర్ Xiaomi భారతీయ మార్కెట్ లో అఫీషియల్ గా Redmi A3x అనే చవకైన స్మార్ట్ఫోన్ను లాంచ్ చేసింది. విషయం ఏంటంటే, గతంలో ఈ ఫోన్ అమెజాన్ పై లిస్ట్ అయ్యింది. కానీ, ఎట్టకేలకు ఇప్పుడు అధికార వెబ్సైట్ పై సేల్ కి అందుబాటులోకి వచ్చింది. ఈ ఫోన్ ధర కేవలం రూ.6,999 కావడం విశేషం. ఈ ఫోన్ లో 6.7-ఇంచ్ హెచ్డీ+ భారీ డిస్ప్లే, ఏఐ కెమెరా, 5000 ఎంఏహెచ్ బ్యాటరీ ఉన్నాయి. ఓసారి ఈ ఫోన్ యొక్క పూర్తి వివరాలు తెలుసుకుందాం.
Redmi A3x ధర, లభ్యత
Redmi A3x స్మార్ట్ఫోన్ రెండు స్టోరేజీ ఆప్షన్స్ లో అధికార వెబ్సైట్ పై అందుబాటులో ఉంది. వీటి ధరలు తెలుసుకుందాం.
Redmi A3x 3జిబి ర్యామ్ + 64జిబి స్టోరేజీ వేరియంట్ ధరను రూ.6,999 గా నిర్ణయించారు. 4జిబి ర్యామ్ + 128జిబి స్టోరేజీ మోడల్ ధర రూ.7,999 గా ఉంది.
Redmi A3x స్మార్ట్ఫోన్ మిడ్నైట్ బ్లాక్, ఓషన్ గ్రీన్, ఆలివ్ గ్రీన్ మరియు స్టారీ వైట్ కలర్ ఆప్షన్స్ లో లభిస్తుంది.
Redmi A3x యొక్క బేస్ మోడల్ ఆన్లైన్ షాపింగ్ సైట్ అమెజాన్ పై అందుబాటులో ఉంది.
Redmi A3x స్పెసిఫికేషన్స్
డిస్ప్లే: Redmi A3x లో 6.7-ఇంచ్ హెచ్డీ+ స్క్రీన్, 1650*720 పిక్సెల్స్ రెజుల్యూషన్, 90 హెర్ట్జ్ రిఫ్రెష్ రేట్, 500 నిట్స్ పీక్ బ్రైట్నెస్, గొరిల్లా గ్లాస్ 3 ప్రొటెక్షన్ ఉన్నాయి.
చిప్సెట్: Redmi A3x లో యూనిఎస్ఓసీ టీ603 చిప్సెట్ వాడారు.
స్టోరేజీ, ర్యామ్: Redmi A3x డివైజ్ 4జిబి వరకు ఎల్పీడీడీఆర్4ఎక్స్ ర్యామ్, 128జిబి వరకు ఈఎంఎంసీ5.1 స్టోరేజీ ఆప్షన్స్ లో లభిస్తుంది.
కెమెరా: Redmi A3x లో డ్యూయల్ ఏఐ రియర్ కెమెరా సెటప్ ఉంది. ఇందులో 8ఎంపి ప్రైమరీ కెమెరా, 0.08ఎంపి సెకండరీ లెన్స్ ఉన్నాయి. సెల్ఫీస్, వీడియో కాల్స్ కోసం ఈ ఫోన్ లో 5ఎంపి ఫ్రంట్ కెమెరా ఇచ్చారు.
బ్యాటరీ, చార్జింగ్: Redmi A3x డివైజ్ లో పవర్ బ్యాకప్ కోసం 5000 ఎంఏహెచ్ బ్యాటరీ ఇచ్చారు. ఇది 10 వాట్ ఫాస్ట్ చార్జింగ్ కి సపోర్ట్ చేస్తుంది.
సాఫ్ట్వేర్: Redmi A3x స్మార్ట్ఫోన్ ఆండ్రాయిడ్ 14 ఓఎస్ ఆధారిత ఎంఐయూఐ కస్టమ్ స్కిన్ పై పని చేస్తుంది. ఈ ఫోన్కి 2 ఏళ్ళు ఓఎస్ అప్డేట్స్, 3 ఏళ్ళు సెక్యూరిటీ అప్డేట్స్ లభిస్తాయి.
కనెక్టివిటీ: Redmi A3x లో డ్యూయల్ సిమ్, 4జీ, బ్లూటూత్ 5.4, వై-ఫై, జీపీఎస్, ఎఫ్ఎమ్ రేడియో, జీపీఎస్, యూఎస్బీ టైప్ సీ పోర్ట్, మైక్రోఎస్డీ కార్డ్ స్లాట్, 3.5ఎంఎం ఆడియో జాక్ ఉన్నాయి.
ఇతర ఫీచర్లు: Redmi A3x లో భద్రత కోసం సైడ్ మౌంటెడ్ ఫింగర్ప్రింట్ స్కానర్, ఏఐ ఫేస్ అన్లాక్ అందించారు.
బరువు, చుట్టుకొలత: Redmi A3x స్మార్ట్ఫోన్ 168.4 మి.మీ పొడవు, 76.3 మి.మీ వెడల్పు, 8.3 మి.మీ మందం, 193 గ్రాముల బరువు ఉంటుంది.
