హైలైట్స్:
- భారత్ లో రెడ్ మీ కే50ఐ ప్రారంభ ధర రూ.25,999
- జులై 23 నుంచి అమెజాన్, ఎంఐ వెబ్ సైట్, రిటైల్ స్టోర్స్ ద్వారా ఫోన్ అమ్మకాలు ప్రారంభం
- 144 హెర్ట్జ్ రిఫ్రెష్ రేట్, మీడియాటెక్ డైమెన్సిటీ 8100 చిప్సెట్, 67వాట్ ఫాస్ట్ ఛార్జింగ్ ఈ ఫోన్ ప్రత్యేకతలు
మూడేళ్ల తర్వాత, ఫ్యాన్-ఫేవరెట్ రెడ్ మీ కే-సిరీస్ కే50ఐ 5జీ ఫోన్ తో భారత గడ్డపై అడుగు పెట్టింది. దీంతో కే-సిరీస్ అభిమానులు పండుగ చేసుకుంటున్నారు. అయితే ఇక్కడొక విషయం గమనించాలి. భారత్ లో ఇది కొత్త కే-సిరీస్ ఫోన్ అయినప్పటికీ, హ్యాండ్సెట్ తీరు తెన్నులు మాత్రం మే నెల్లో చైనాలో లాంచ్ అయిన రెడ్ మీ నోట్ 11టీ ప్రో మాదిరి కనిపిస్తున్నాయి. ఇకపోతే ఫోన్ వెనుకాల ట్రిపుల్ కెమెరా సెటప్, స్లిమ్ బెజెల్ డిస్ప్లే, సెంటర్డ్ పంచ్ హోల్ కటౌట్ ఉన్నాయి. అయితే, 12 5జీ బ్యాండ్స్ కి సపోర్ట్ చేసే తొలి రెడ్ మీ డివైజ్ కే50ఐ.
మీడియాటెక్ డైమెన్సిటీ 8100 చిప్సెట్ ను కలిగిన రెడ్ మీ కే50ఐ ఫోన్ అన్ టు టు బెంచ్ మార్క్ టెస్ట్ లో ఐఫోన్ 13 ని దాటేసింది. ఆసక్తిగల కస్టమర్స్ రెడ్ మీ కే50ఐ ఫోన్ ని జులై 23 నుంచి ప్రారంభం కానున్న అమెజాన్ ప్రైమ్ డేస్ 2022 సేల్ ద్వారా సొంతం చేసుకోవచ్చు. కాగా, రెడ్ మీ కే50ఐ ఫోన్ మూడు రంగులు, రెండు స్టోరేజీ ఆప్షన్స్ లో లభించనుంది.
భారత్ లో Redmi K50i ధర
వేరియంట్ ని బట్టి రెడ్ మీ కే50ఐ ధరలు ఈ విధంగా ఉన్నాయి. 6జిబి ర్యామ్+128జిబి స్టోరేజీ మోడల్ ధర రూ.25,999, 8జిబి ర్యామ్+256జిబి స్టోరేజీ వేరియంట్ ధర రూ.28,999. ఫాంటమ్ బ్లూ, స్టెల్త్ బ్లాక్, క్విక్ సిల్వర్ అనే మూడు రంగుల్లో ఈ ఫోన్ లభించనుంది. జులై 23 నుంచి ఎంఐ వెబ్ సైట్ తో పాటు అమెజాన్ ద్వారా రెడ్ మీ కే50ఐ ఫోన్ ని కొనుగోలు చేయవచ్చు. ఐసీఐసీఐ, ఎస్బీఐ బ్యాంక్ కార్డ్స్ తో ఈ ఫోన్ కొనే వారు 10శాతం డిస్కౌంట్ ను పొందవచ్చు. ఈ ఆఫర ఈఎంఐ ట్రాన్సాక్షన్స్ కి కూడా వర్తిస్తుంది.
Redmi K50i స్పెసిఫికేషన్స్
రెడ్ మీ కే50ఐ 5జీ ఫోన్ యొక్క స్పెసిఫికేషన్స్, రెడ్ మీ నోట్ 11 ప్రో స్పెసిఫికేషన్స్ ని పోలి ఉంటాయి. మీడియాటెక్ డైమెన్సిటీ 8100 చిప్సెట్, 8జిబి వరకు ఎల్పీడీడీఆర్5 ర్యామ్, 256జిబి వరకు యూఎఫ్ఎస్ 3.1 స్టోరేజీ ఈ ఫోన్లో ఉన్నాయి. అయితే మైక్రో ఎస్డీ కార్డ్ ద్వారా మెమొరీని పెంచుకునే అవకాశం లేదు.
6.6 అంగుళాల ఫుల్ హెచ్డీ+ ఎల్సీడీ ప్యానెల్, 144 హెర్ట్జ్ రిఫ్రెష్ రేట్, 270 హెర్ట్జ్ టచ్ శాంప్లింగ్ రేట్, డాల్బీ విజన్, 650 నిట్స్ బ్రైట్నెస్, హెచ్డీఆర్10+ సపోర్ట్ వంటి ఫీచర్లు ఈ ఫోన్లో ఉన్నాయి. బలమైన మన్నిక కొరకు, రెడ్ మీ కే50ఐ లో కార్నింగ్ గొరిల్లా గ్లాస్ 5 తో డిస్ప్లే కు భద్రత కల్పించారు. ఈ ఫోన్ ఆండ్రాయిడ్ 12 ఆధారిత ఎంఐయూఐ కస్టమ్ స్కిన్ పై పని చేస్తుంది.
ఇక ఫోటొగ్రఫీ కోసం రెడ్ మీ కే50ఐ 5జీ లో ట్రిపుల్ కెమెరా సెటప్ ఉంది. 64ఎంపి శాంసంగ్ జీడబ్ల్యూ1 సెన్సర్, 8ఎంపి అల్ట్రావైడ్ సెన్సర్, 2ఎంపి మాక్రో సెన్సర్ ఈ ఫోన్లో ఉన్నాయి. ఇక సెల్ఫీలు, వీడియో కాల్స్ కొరకు ముందు వైపున 8ఎంపి కెమెరా ఉంది.
3.5ఎంఎం హెడ్ ఫోన్ జ్యాక్, సైడ్ మౌంటెడ్ ఫింగర్ ప్రింట్ సెన్సర్, ఐఆర్ బ్లాస్టర్, డ్యూయల్ స్టీరియో స్పీకర్, డాల్బీ అట్మాస్, లిక్విడ్ కూలింగ్ 2.0 టెక్నాలజీ వంటి కనెక్టింగ్ ఫీచర్లు ఈ ఫోన్లో ఉన్నాయి. ఇక ఈ ఫోన్ లో 5080ఎంఏహెచ్ బ్యాటరీ, 67 వాట్ ఫాస్ట్ ఛార్జింగ్ సపోర్ట్ ఉన్నాయి.